Vertu memm

Starfsmannavelta

Vill selja Brauðgerð Ólafsvíkur vegna erfiðs rekstrar

Birting:

þann

Brauðgerð Ólafsvíkur er staðsett við Ólafsbraut 19

Brauðgerð Ólafsvíkur er staðsett við Ólafsbraut 19

Jón Þór Lúðvíksson bakarameistari í Ólafsvík, sem rekið hefur Brauðgerð Ólafsvíkur undanfarinn áratug en starfað þar í fjóra áratugi. Hann hefur nú ákveðið að selja brauðgerðina vegna erfiðs rekstrar.

Fyrirtækið hvílir á gömlum merg, var stofnað árið 1951.  Í samtali við Skessuhorn segir Jón Þór að hann hafi nýlega sagt öllu starfsfólki sínu upp og er nú einn að vinna.

„Ég ætla að halda áfram þangað til ég get selt þar sem það kostar að reka þetta húsnæði. Ég ætla að halda áfram á meðan heilsan leyfir en það tekur alltaf einhvern tíma að selja svona fyrirtæki. Aðal ástæðan fyrir því að vilja selja er heilsuleysi okkar hjónanna og minnkandi sala sem rekja má til aukinnar samkeppni við stóru bakaríin og innfluttar brauðvörur.

Ef þú horfir í hillurnar í búðunum sérð þú að við erum bara með lítið horn þar og hillurnar fullar af innfluttum og aðfluttum brauðvörum. Þá er ekki hægt að líta framhjá því að orkukostnaður hefur hækkað mikið og ekki síður hefur orðið gríðarleg hækkun launatengdra gjalda. Þetta leggst allt á eitt að gerir reksturinn erfiðari.“

Segir Jón Þór í samtali við Skessuhorn sem fjallar nánar um sölu á bakaríinu hér.

Mynd: skjáskot af google korti

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Starfsmannavelta

Loka um 400 Starbucks stöðum og opna 300 nýja í staðinn

Birting:

þann

Starbucks - Starbuckskeðjan

Starbucks býður upp á fjölbreytt bakkelsi

Starbuckskeðjan hefur opnað aftur eftir að hafa lokað fleiri hundruð stöðum vegna kórónuveirunnar. Nú standa yfir breytingar hjá fyrirtækinu þar sem viðskiptavinir munu sjá meira af stafrænni upplifun.

Fyrirtækið tilkynnti nú á dögunum að á næstu 18 mánuðum munu umfangsmiklar breytingar standa yfir, að því er fram kemur á mbl.is sem fjallar nánar um málið hér.

Samkvæmt yfirlýsingu frá forstjóra Starbucks, Kevin Johnson, felur tillagan í sér að loka um 400 verslunum og opna 300 nýjar í staðinn þar sem áherslan er sniðin að þörfum viðskiptavinarins eftir heimsfaraldurinn.

Mynd: úr safni

Lesa meira

Starfsmannavelta

Texture lokar fyrir fullt og allt við Portman stræti í London

Birting:

þann

Texture restaurant

Texture

Veitingastaðurinn Texture mun ekki opna aftur samkvæmt lista frá tímaritinu „The Handbook„, undir yfirskriftinni „Veitingastaðirnir sem munu ekki opna aftur eftir að hafa lokað“.

Texture lokaði 18. mars s.l. vegna kórónu faraldursins.

Agnar Sverrisson eigandi Texture sagði í samtali við Hafliða Halldórsson í öðrum þætti Máltíðar, að óvíst væri um framtíð Texture við Portman stræti í London þar sem leigusamningurinn rennur út í desember næstkomandi. „Ég er hvergi nærri hættur“, sagði Sverrir að lokum í viðtalinu:

Skemmtilegt viðtal við Agga í nýjum þætti Máltíðar

Agnar hefur verið að undanförnum árum verið ráðgjafi hjá ýmsum veitingastöðum og fyrirtækjum hér á Íslandi.

Mynd: texture-restaurant.co.uk

Lesa meira

Starfsmannavelta

Kristjánsbakarí vill koma eftirfarandi á framfæri

Birting:

þann

Kristjánsbakarí á Akureyri

Frétt um að þrjátíu og fimm starfsmönnum Kristjánsbakarís á Akureyri hefur verið sagt upp störfum vegna endurskipulagningu fyrirtækisins, þá vill Kristjánsbakarí koma eftirfarandi á framfæri:

Öllum starfsmönnum Kristjánsbakarís sagt upp störfum

Fréttatilkynningin í heild sinni:

„Kristjánsbakarí mun halda áfram rekstri á Akureyri. Bakaríin okkar í Hrísalundi og Hafnarstræti eru opin eins og áður.

Kristjánsbakarí hefur að undanförnu gengið í gegnum erfiða tíma í kjölfar útbreiðslu kórónuveirunnar. Um tíma þurfti að loka útibúum okkar og á verulega skömmum tíma hafa ferðalög og koma erlendra ferðamanna nánast lagst af. Skemmtiferðaskip, ferðamenn og skíðafólk sem fylltu hér bakaríin og veitingastaði í bænum koma til að mynda ekki.

Við höfum þurft að grípa til sársaukafullra ráðstafana til þess að tryggja rekstrargrundvöll starfseminnar á Akureyri. Uppsagnir eru, því miður, leiðinlegur fylgifiskur á endurskipulagningu. Við erum hinsvegar bjartsýn og leggjum upp með að endurráða eins marga og hægt er að lokinni endurskipulagningu. Þannig tryggjum við starfsemina til framtíðar.

Næstu mánuðir verða nýttir í það að breyta Kristjánsbakaríi með vöruþróun, nýjungum og breytingum á bakaríum okkar með það að leiðarljósi að geta sinnt og þjónustað viðskiptavinum okkar betur.

Við erum bjartsýn og spennt fyrir breyttum tímum. Við erum viss um að viðskiptavinir okkar kunni að meta það þegar á hólminn er komið.“

Mynd: facebook / Kristjánsbakarí

Lesa meira
  • Jim Beam Black í kakó 17.06.2020
    Jim Beam Black og Kakó 30 ml Jim Beam BlackFyllt með kakóToppað með rjóma Tækni: Blandað beint Glas: ÚtilegubolliSkreyting: Súkkulaði spænir Aðferð:  Jim Beam Black og kakó er hellt beint í bolla eða glas og hrært saman. Rjóminn settur ofaná og súkkulaði spænir stráð yfir. Frábær drykkur í útileguna! Ert þú að fylgja Viceman Instagram og Facebook?Fróðleikur, uppskriftir og […]
  • Hvað er Bourbon? 14.06.2020
    Árlega er Bourbon dagurinn haldin hátíðlegur þann 14 júní. Í fyrstu voru það aðeins Bandaríkjamenn sem héldu hann hátíðlegan enn á síðustu árum hafa unnendur Bourbon tekið þátt í að halda daginn hátíðlegan enda er Bourbon á mikilli vinsældar siglingu. Hvað er bourbon? Bourbon er tegund af Amerísku viskí og er talið að viskíið dragi […]

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag