Vertu memm

Veitingarýni

Viet Noodles – Nýr veitingastaður við Grandagarð – Veitingarýni

Birting:

þann

Viet Noodles, Grandagarði 9, Reykjavík

Veitingahjónin Thang og Duyen

Mér finnst austurlenskur matur bæði góður og spennandi en ég veit lítið um þessa matargerð og það skal ég fúslega viðurkenna en það veit ég að austurlenskra mataráhrifa gætir víða í okkar vestræna eldhúsi. Sem betur fer er þetta svona enda væri matreiðslan í dag mun fátæklegri ef ekki væru þessi spennandi áhrif að utan.

Frekar kjána- og barnalegt er samt að tala um einhverja sérstaka austurlenska matargerð því að hér er um að ræða ótrúlega fjölbreytta flóru af spennandi bragði, áhrifum, aðferðum og tala nú ekki um ótrúlega mismunandi  hráefni víðs vegar úr Asíu.

Þessi matargerð spannar meira eða minna alla Asíu og nærliggjandi heimsálfur og það er töluverður og vel merkjanlegur munur á milli helstu straumanna.

Viet Noodles, Grandagarði 9, Reykjavík

Sólborg Jónsdóttir er sérleg áhugakona um austurlenska menningu og tungumálakennari.

Ég var því upprifin þegar góð vinkona mín og tungumálakennarinn hún Sólborg Jónsdóttir sem hefur haft mikið með íslenskukennslu fyrir innflytjendur að ger hringdi í mig eitt kvöldið og spurði mig hvort ég væri ekki til í að renna við á nýjum veitingastað með henni, Viet Noodles sem hjónin Thang og Duyen voru að opna á Grandagarði 9. Að sjálfsögðu þurfti ekki miklar fortölur til að fá mig með.

Aðeins öðruvísi

Hjónin tóku fagnandi á móti okkur þegar við birtumst á umsömdum tíma þrátt fyrir að nóg virtist vera að gera. Staðurinn er nýr og er mjög aðlaðandi og vinalegur og það sést að hér eru snyrtipinnar við stjórnvöllinn. Staðurinn er ekki með þetta hefðbundna „Kína veitingastaða útlit“ heldur huggulegur matsalur með dempuðum hljóðum og ljósum eða eins og maður segir virkilega notalegt umhverfi.

Það var gaman að spjalla við hjónin enda vita þau mikið um víetnamskan mat og tala alveg ljómandi góða íslensku sem Sólborg var nokkuð stolt af að sjálfsögðu. Þau báru sig vel en viðurkenndu fúslega að þetta væri ekki besti tíminn til að opna veitingastað, þrátt fyrir að þau væru reynsluboltar og  búin að vera í þessum bransa hátt í 20 ár.

Spennandi réttir

Thang valdi fyrir okkur nokkra rétti af matseðlinum sem hann sagði að væru frekar hefðbundnir fyrir sitt land og matarmenningu en þegar ég fór að spyrja hann frekar út í muninn víetnamskri og annarri  matargerð í þessum heimshlut þá tókst hann allur á loft og benti mér á að hér væri mikill munur á bæði milli héraða, landa og menningarheima.

Viet Noodles, Grandagarði 9, Reykjavík

Pönnukökur með ýmsu góðgæti.
Pönnukökur úr hrísgrjónamjöli sem eru fylltar með rækjum, hrísgrjónanúðlum, svínakjöti, salati og kóríander. Bornar fram með sósu til að dýfa í og salati úr fersku grænmeti, kryddjurtum og víetnamskri dressingu. Ferskt og bragðgott.

Til dæmis sagði hann að víetnamskur matur væri yfirleitt léttur og þar væri lítil olía notuð, lítið væri djúpsteikt samanborið við t.d tælenska matargerð. Krydd og karrý væri frekar sparlega notuð og mikil áhersla lögð á jafnvægi í réttum.  Samsetningin einkenndust frekar af einfaldleika, litargleði og góðu samræmi á milli bragða eins og salts, sýru, sætu og mismunandi kryddjurta.  Reynt væri að laða það besta fram úr hráefninu og ekki að láta krydd yfirgnæfa eða þungar sósur.

Viet Noodles, Grandagarði 9, Reykjavík

Grillað svínakjöt og fleira gott.
Spennandi og bragðgóður réttur þar sem fer saman grillað svínakjöt, „vietnamese style“ núðlur, vorrúllur með m.a. krabbakjöti  og brakandi salat.  Þessi réttur hefur náð hæðstu hæðum vinsælda eftir að Barack Obama fyrrum USA forseti fékk sér þennan rétt í heimsókn sinni til landsins hér um árið.

Thang sagði okkur einnig að hjá þeim hjónum væri mikill metnaður að gera allt frá grunni sem og að allt hráefnið væri fyrsta flokks enda væri það algjör forsenda fyrir góðum árangri.

Viet Noodles, Grandagarði 9, Reykjavík

Kjúklingur með sesam og pipar.
Bragðgóður og hollur réttur með fullt af grænmeti í sesam og piparsósu.

Ég gæti haldi áfram lengi og skrifað mikið um matinn sem okkur var borinn þetta kvöldið en ég mæli frekar eigndregið með heimssókn til Viet Noodles sem eru úti á Granda móti Sjóminjasafni Reykjavíkur. Maturinn var sérlag góður og verðlagning allri stillt mjög í hóf, ásamt því að sjálfsögðu er það er gaman að prófa virkilega góðan og vandaðan víetnamskan mat.

Viet Noodles, Grandagarði 9, Reykjavík

Viet Noodles, Grandagarði 9, Reykjavík

Kaffi.
Víetnamskt kaffi er með léttu smjörkenndu bragði og þessi kaffidrykkur með sætri mjólk og ísmolum er algjört sælgæti. Mæli virkilega með að prófa þetta.

Að sjálfsögðu eru fleiri klassísku víetnamskir réttir á matseðlinum eins og Pho – núðlusúpa sem er súpa gerð úr soði af nautakjöti eða kjúklingi,  ferskum hrísgrjónanúðlum og grænmeti.

En svona í lokin þá fengum við okkur mango boost sem ég held að hafi slegið öllum fyrri boostum út.

Lifið heil.

Myndir: Ólafur Sveinn

Ólafur Sveinn er menntaður sem matreiðslumeistari og rekstrarfræðingur af matvælasviði frá Göteborg Universitet. Í dag starfar Ólafur hjá HSS í Reykjanesbæ og hefur skrifað lengi um veitingastaði ásamt ljósmyndun fyrir veitingastaði og hótel. Hægt er að hafa samband við Ólaf á netfangið [email protected]

Veitingarýni

Hótel Keflavík – „barinn skartar einum flottasta kampavínssjálfsala…“

Birting:

þann

Undanfarin tvö ár hafa verið frekar döpur hvað varðar tilbreytingar eins og út að borða upplifun,  en eitthvað er nú að birta til sem betur fer. Fyrir ansi marga hafa árin þessi verið bæði kvöl og  pína ásamt fjárhagslegum vandamálum en við höfum sloppið misjafnlega vel.

Um síðir birtir yfirleitt upp, sl. föstudagskvöld var mér boðið á Hótel Keflavík sem mér fannst ákaflega spennandi og sem kom mér þægilega á óvart og þá ekki bara fyrir matinn heldur einnig útlit og þjónustu.

Hótel Keflavík - Kef restaurant

Hótel Keflavík - Kef restaurant

Hótel Keflavík - Kef restaurant

Mér var sem sagt boðið og mátti ég taka með mér gest, en ég vildi helst hafa heimakonu með mér því mig langaði að heyra hennar sýn.

Við mættum snemma enda áttum við borð klukkan 18:00 svo að það var ekki úr vegi að tylla sér aðeins við barinn sem heitir Dimond Lounge & Bar áður en við fengum borðið.  Barinn er huggulegur og temmilega „ofskreyttur“ enda markmiðið að láta þér líða vel og njóta lífsins.

Hótel Keflavík - Kef restaurant

Stefanó

Það kom á óvart hversu margir voru mættir, en stemmingin var afslöppuð og þægileg og ekki eins og fólk væri mætt til að hella í sig.  Þjónustan var góð og fagleg en það var hann Stefanó frá Portúgal sem sá til þess að það vantaði aldrei í glösin hjá gestunum.

Glæsilegur kampavínssjálfsali

Hótel Keflavík - Kef restaurant

„…barinn skartar einum flottasta kampavínssjálfsala sem ég hef séð og að ég held þeim eina á landinu.“

Til gamans má geta þess að barinn skartar einum flottasta kampavínssjálfsala sem ég hef séð og að ég held þeim eina á landinu. Mér var seinna tjáð að maskínan hefði verið dýr en væri löngu búin að borga sig margfalt.

Hótel Keflavík - Kef restaurant

Jónas Már Karlsson

Jónas Már Karlsson sá um okkur þetta kvöldið og það var léttir og kom skemmtilega á óvart að hitta hann hér, en síðast unnum við saman á Hótel Sögu á meðan hún var og hét.  Jónas er fagmaður fram í fingurgóma.

Ég verð að viðurkenna að það er farið að fara verulega í mínar fínu taugar að fá óþjálfaða „þjóna“, því mér finnst þegar farið er út að borða að þá sé lágmarks krafan að fá almennilega þjónustu.

Þegar ég er tilbúinn til að eyða pening, en það geri ég þegar ég fer út, þá nenni ég ekki að fá viðvaninga á borðið, sem er því miður oft í dag.  Einhvern illaþjálfaðan krakka sem hefur hvorki áhuga eða þekkingu á að selja mér eitt né neitt.

En svo var ekki hér því Jónas veit nákvæmlega út á hvað hans starf gengur og því sinnir hann vel.

Eldhúsið í góðum höndum

Hótel Keflavík - Kef restaurant

Óli Már Erlingsson

Óli Már Erlingsson sér um eldhúsið og hefur gert í nokkurn tíma. Ég hafði komið nokkrum dögum áður og spjallað við Óla um matinn og matseðilinn en hann sagði mér að áherslan sé léttur og góður matur, hafa seðilinn tiltölulega einfaldan en spennandi samt.

Núna á næstu dögum verðu farið á stað með nýjan sumarseðil sem verður spennandi en sá gamli hefur gengið mjög vel.

Óli tjáði mér að veturinn hefði verið mjög góður, það hefði verið mikið að gera undanfarið á veitingastaðnum og árið hefði komið þeim öllum verulega á óvart.  Sem dæmi nefndi hann að  febrúar hefði verið einn besti mánuður veitingastaðarins hingað til. Og ekki hafi verið mikið um veislur enda slíkt ekki verið leyfilegt.

Veitingarýmið er sérstakt og gestir voru dálitið hingað og þangað sem virkaði skemmtilegt og aðeins öðruvísi húsnæðið er fjölbreytt og smekklega innréttað.

Hér og þar eru spennandi útskot þar sem minni hópar sátu eða eins og við í glerútiverönd sem var frábært.

Hótel Keflavík - Kef restaurant

Bruno Brinis vaktstjóri í eldhúsi og Jón Gunnar Erlingsson, matreiðslumaður og aðstoðarhótelstjóri

Ég hafði einnig hitt Jón Gunnar Erlingsson aðstoðarhótelstjóra sem hafði farið með mig í  „sætsýn“ um hótelið og ég verð að viðurkenna að smekklegheitin og fagmennskan kom mér verulega á óvart.

Ég hef svo sem ekki gert það að vana að lýsa matnum neitt nákvæmlega eða dæma hann en þetta kvöld ákváðum við að fá okkur fisk dagsins sem var þorskur og þar urðu ekki nein vonbrigði.

Flottur matur og alvöru þjónusta

Ég hef smakkað flesta rétti á seðlinum og þeir standa allir undir nafninu fullkomlega og ég hef einnig komið áður að borða bæði í hádeginu og að kvöldi til ásamt því að vera á ráðstefnu á hótelinu og það eina sem er hægt að segja að hér er fagfólk á ferð.

Ég hafði gaman að því að spyrja fylgdarkonuna mína út í það hvað henni fannst og eins og hún sagði að þá var hún algjörlega gáttuð á þessari perlu sem Keflavík hefur að geyma.

Hún sagði einnig „að þær samstarfskonurnar hefðu komið stundum í hádeginu og verið mjög ánægðar en á þessu átti hún ekki von á“.

Ég gæti haft þennan pistil mikið lengri og nefnt allskonar þjónustu og tilboð sem eru í gangi en það yrði bara löng lesning og mikið betra fyrir áhuga sama að fara inn á heimasíðuna sem er smekkleg og aðgengileg og skoða sjálfir úrvalið þar.

Ég ætla ekki að hafa þetta lengra en ég mæli eindregið með að fólk skjótist hingað „suður eftir“ og geri sér glaðan dag eða helgi.

Lifið heil

Lesa meira

Veitingarýni

Veitingastaðurinn Haninn – Veitingarýni

Birting:

þann

Veitingastaðurinn Haninn - Veitingrýni

Það var um kvöldmatarleytið í gær og ég var í kjúklingastuði, þegar ég átti leið um í Skeifunni í Reykjavík.

Ákvað að kíkja á kjúklingastaðinn Haninn, en ég hafði heyrt allt gott um staðinn. Matseðillinn er einfaldur og ekkert flækjustig.

Pantaði mér hálfan kjúkling sem kostaði 2490 kr., franskar, kokteilsósu, BBQ sósu og gos.

Leggur og læri saman, vængur sér og úrbeinuð bringa. Með þessari uppsetningu náði veitingastaðurinn að bjóða upp á dúnamjúkan, safaríkan og bragðgóðan rétt.

Snögg og góð þjónusta og allt til fyrirmyndar. Mæli klárlega með staðnum.

Mynd: Smári / Veitingageirinn.is

Lesa meira

Veitingarýni

Sælkerabúð – Torgið – Veitingarýni

Birting:

þann

Sælkerabúð - Torgið - Veitingarýni

Nokkrir veitingastaðir hafa opnað Sælkerabúðir inn á sínum stöðum, þar sem girnilegt og flott úrval er í boði af allskyns sælkeravörum.

Sælkerabúð - Torgið - Veitingarýni

Árlega höldum við fjölskyldan litlu jólin, þar sem boðið er upp á jólahlaðborð og horft á jólabíómynd. Í ár ákváðum við að versla gjafakörfu og fyrir valinu var Sælkerabúð Torgsins á Siglufirði.

Sælkerabúð - Torgið - Veitingarýni

Tekin var stærri askjan sem kostaði 10.990 krónur og eftirfarandi var í öskjunni:

*Grafin gæsabringa
*Grafin lax
*Graflaxsósa
*Pikklaður rauðlaukur
*Sultaður rauðlaukur
*Reykt gæsabringa
Reyktur lax
*Pressuð svið
Jólapaté/kæfa
*Cumberland sósa
*Bláberjasulta
*Síldarsalat að hætti TORGSINS
*Jólarauðkál að hætti TORGSINS
* Handunnið af matreiðslumönnum Torgsins.

Alveg þrælsniðugt að kaupa svona tilbúna og vandaða forrétti, þægilegt og auðvelt að bera fram. Í aðalrétt var soðið hangikjöt með uppstúf, rauðkáli og kartöflum.

Reykta og grafna gæsin alveg einstaklega góð og villibragðið kom vel í gegn. Pikklaði og sultaði rauðlaukurinn virkilega góður, pikklaði alveg passlegur, ekki of súr og sultaði rauðlaukurinn var algjört nammi.

Sælkerabúð - Torgið - Veitingarýni

Grafinn lax klikkar ekki ef uppskriftin og aðferðin er rétt og það var allt upp á tíu hér, mjög góður.

Sviðasultan fær alveg toppeinkunn, þvílíkt sælgæti.

Cumberland sósa góð og eins bláberjasultan. Ég elska síldarsalöt og finnst fátt betra en góð síld. Síldarsalötin voru virkilega góð á bragðið, en síldin var frekar smátt skorin, mætti vera grófari bitar.

Danski eftirrétturinn Risalamande var svo punkturinn yfir i-ið, virkilega góður.

Yfir heildina var þetta virkilega gott og greinilega mikill metnaður lagður í sælkerakörfu Torgsins, alveg upp á tíu.

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið