Vertu memm

Viðtöl, örfréttir & frumraun

„Við erum bara tvær fjölskyldur sem reka veitingastaðinn og við göngum í öll störf“

Birting:

þann

Sólrún Guðjónsdóttir, Jimmy Wallster, Bjarni Rúnar Bequette og Halldóra Guðjónsdóttir - Siglufjörður

Báðar fjölskyldurnar hafa keypt sér hús á Siglufirði og ætla að búa þar áfram.
F.v. Sólrún Guðjónsdóttir, Jimmy Wallster, Bjarni Rúnar Bequette og Halldóra Guðjónsdóttir

Bjarni Rúnar Bequette og Halldóra Guðjónsdóttir fluttu til Siglufjarðar fyrri hluta árs 2018 þegar þau tóku við veitingasviðinu hjá Hannes Boy, Rauðku og Sigló Hóteli.
Jimmy Wallster og Sólrún Guðjónsdóttir fluttu svo í ágúst sama ár. Áður störfuðu þau öll fjögur saman hjá stórri íslenskri hótelkeðju, Íslandshótel.

Þau eru öll mjög viðkunnanlegar manneskjur sem hafa þægilega nærveru og eru mjög metnaðarfull við uppbyggingu á rekstrinum.

Hvernig kunnið þið við ykkur á Siglufirði?

“Bara geggjað” segir Bjarni, “elska það” segir Jimmy og konurnar taka undir með sínum mönnum. “Fólk hér er jákvætt, gott að búa hér með börn, fólk er ekki á bremsunni þegar komið er með nýjar hugmyndir”.

Þegar þau eru spurð um titla, er svarið:

“Við erum bara tvær fjölskyldur sem reka veitingastaðinn og við göngum í öll störf”.

Halldóra er menntaður þjónn, sér um bókanir og samskipti við hópa, starfaði sem hótelstjóri á Fosshotel Núpum og Fosshotel Heklu, er menntaður framreiðslumaður, Bjarni er kokkur og stýrir eldhúsinu, Jimmy er þjónn og sér um daglegan rekstur “á gólfinu” og Sólrún er talnaglöggur Tálknfirðingur og sér um morgunmatinn. Vaktirnar voru oft langar hjá þeim í sumar, allt upp í 3 mánuðir án frídaga.

Smellið hér til að lesa ítarlegt viðtal við fjölskyldurnar á trolli.is.

Mynd: trolli.is

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Viðtöl, örfréttir & frumraun

50-60% afsláttur á reyktum og gröfnum laxi er rangur – Viðskiptavinir njóta góðs af þessum mistökum

Birting:

þann

Reyktur lax

Þau leiðu mistök urðu hjá Fisherman að fyrirtækið verðmerkti mikið magn af hálfflökum af hangreyktum og gröfnum laxi vitlaust.

Sendingarnar fóru í fjölda verslana í vikunni og er því þessi bragðgóða veisluvara á óvæntu og alltof góðu tilboðsverði um land allt, eða á um og yfir 50-60% afslætti víðsvegar.

Í staðinn fyrir að innkalla vöruna hefur Fisherman ákveðið að leyfa viðskiptavinum þeirra að njóta góðs af þessum mistökum.

Varan er til sölu t.d. í Hagkaup og Nettó.

Mynd: fisherman.is

Lesa meira

Viðtöl, örfréttir & frumraun

Þrír veitingastaðir til sölu

Birting:

þann

Geysir Bistro

Geysir Bistro sem staðsettur við Laugaveg 96, þar sem Matwerk var áður til húsa, er til sölu á 25 milljónir. Staðurinn hefur verið lokaður síðan í vor s.l., en hann bauð upp á allt frá lambafillet og humar, pastarétti, hamborgara svo fátt eitt sé nefnt.  Grillhúsið við Tryggvagötu er til sölu á 10 milljónir.

Geysir Bistro við Vesturgötuna í hjarta Reykjavíkur er til sölu á 25 milljónir. Veitingageirinn.is kíkti í heimsókn á Geysir Bistro við Vesturgötuna árið 2014 sem hægt er að lesa hér:

Sænskur dagur í Reykjavík – Veitingarýni

 

Mynd: facebook / Geysir Bistro

Lesa meira

Viðtöl, örfréttir & frumraun

Kjötsúpueldun í beinni útsendingu fékk mikla athygli – Átta þúsund áhorf á viðburðinn – Sjáðu myndbandið hér

Birting:

þann

Gísli Matthías Auðunsson

Gísli Matthías Auðunsson,matreiðslumeistari, eldaði gömlu góðu ömmukjötsúpuna í beinni útsendingu á samfélagsmiðlum síðastliðinn laugardag en um átta þúsund manns horfðu á útsendinguna.

Á laugardaginn, fyrsta vetrardag, var kjötsúpudagurinn haldinn með breyttu sniði vegna kórónuveirufaraldursins. Í stað uppákomu á Skólavörðustíg eins og undanfarin ár, eldaði Gísli Matthías Auðunsson, matreiðslumeistari, kjötsúpu í beinni útsendingu á Netinu frá Súlnasal Hótel Sögu.

Var um samstarfsverkefni Landssamtaka sauðfjárbænda og Sölufélags garðyrkjumanna að ræða og tókst vel að elda gömlu góðu ömmukjötsúpuna í beinni sem þjóðin hafði valið nokkrum dögum fyrr sem besta kjötsúpan á Facebook-síðu lambakjöts.

„Þrátt fyrir nokkra tæknihnökra þá gekk þetta stórvel og fengum við um átta þúsund áhorf á viðburðinn sem er nokkuð gott. Við munum síðan halda áfram að framhefja viðburðinn á síðunni okkar í um vikutíma í viðbót,“

segir Hafliði Halldórsson, framkvæmdastjóri Icelandic Lamb.

Vekja athygli á hráefninu

„Okkur finnst þetta mikilvægt samstarf því það er engin kjötsúpa nema að hafa grænmeti og lambakjöt, það getur ekki án hvors annars verið. Við höfum alltaf styrkt þennan viðburð, garðyrkjubændur hafa látið í té grænmeti í súpuna, rófur, kartöflur, gulrætur og hvítkál ef hefur þurft.

Það hefur verið gaman að fara niður eftir á Skólavörðustíg og smakka mismunandi útgáfur af súpum í gegnum árin á fyrsta vetrardag. Það er stemning að taka þátt í þessu og ánægjulegt að geta gert það. Þetta var gert öðruvísi núna vegna ástandsins og ég held að við höfum náð til yngri markhóps í gegnum samfélagsmiðlana. Þetta vekur vitund og það voru margir sem sáu útsendinguna og þó að allir hafi ekki horft frá upphafi til enda þá vekur þetta athygli á hráefninu sem slíku.

Þetta er hvatning fyrir fólk að fara út í búð og kaupa þessar afurðir, íslenskt grænmeti og lambakjöt og með þessu móti höfum við sennilega náð til þeirra sem ætluðu sér jafnvel ekki að elda kjötsúpu. Það að fá fólk til að dansa þennan dans í eldhúsinu og útbúa sína útgáfu af íslensku kjötsúpunni er mikilvægt,“

segir Kristín Linda Sveinsdóttir, markaðsstjóri Sölufélags garðyrkjumanna.

Kjötsúpueldun í beinni útsendingu (upptaka)

Mynd: bbl.is

Lesa meira

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag