Vertu memm

Viðtöl, örfréttir & frumraun

Veitingastaðir opna á ný – Matarvagnar blómstra í Covid-19 ástandinu

Birting:

þann

Blómstra - Blóm

Það er bjart framundan í veitingabransanum

Grillmarkaðurinn og Sjávargrillið opnar aftur í dag miðvikudaginn 22. apríl eftir langþráða bið. Fiskfélagið opnaði 17. apríl s.l.  SKÁL! á Hlemmi opnar að öllum líkindum 4. maí, en býður núna upp á heimsendingar.  Matarkjallarinn opnar aftur fyrir gesti í sal á Sumardaginn fyrsta.

Rétturinn í Keflavík opnaði 14. apríl s.l.  Höfnin hefur opnað aftur eftir tiltektaræði sem rann á mannskapinn og vegna hinna sérstöku aðstæðna verður opnunartíminn aðeins styttri en vanalega.  ROK við Frakkastíg 26a í Reykjavík hefur opnað aftur.  Veitingastaðurinn Englendingavík í Borgarnesi opnar í byrjun maí n.k.

KRYDD Veitingahús í Hafnarfirði hefur opnað á ný í sal og Take Away.

American Style er opið á Bíldshöfða og Nýbýlavegi, en lokað á Dalshrauni og í Skipholti. Hótel Geysir mun opna í lok apríl.

Óvíst er um opnun á Grillinu á Hótel Sögu, en eins og staðan er núna verður það ekki á næst­unni, segir Ingibjörg Ólafsdóttir, hótelstjóri á Sögu í samtali við Morgunblaðið.  Veitingastaðurinn Torgið á Siglufirði mun opna í lok maí.  Sigló Hótel á Siglufirði hefur verið lokað tímabundið og ætla rekstraraðilar að nota tímann að þrífa og pússa hvert horn hótelsins.

Matarvagnar hafa blómstrað í Covid-19 ástandinu og hafa ferðast um alla borgina undir yfirskriftinni „Mathöll á hjólum“.

Fjölmargir aðrir veitingastaðir og útibú þess voru lokaðir vegna Covid-19 ástandsins, Saffran á Bíldshöfða, Hamborgarafabrikkan, Aktu Taktu, Eldsmiðjan, Keiluhöllin, Shake & Pizza, Pítan, Roadhouse, Café París, Apótekið, Narfeyrarstofa og Kaffivagninn. Enginn af þessum veitingastöðum hefur tilkynnt um formlega opnun á ný, en allir voru lokaðir tímabundið og bjóða upp á take away þjónustu í Covid-19 ástandinu.

Fleiri Covid-19 fréttir hér.

Mynd: úr safni

Viðtöl, örfréttir & frumraun

Þessi veitingahús taka þátt í Kjötsúpudeginum á Skólavörðustíg

Birting:

þann

Kjötsúpudagurinn á Skólavörðustíg - 2017

Frá Kjötsúpudeginum 2017

Íslensku kjötsúpunni verður gert hátt undir höfði með árlegum Kjötsúpudegi fyrsta vetrardag, laugardaginn 23. október næstkomandi og hefst klukkan 13.00 þar sem kjötsúpur í mismunandi búningi verða í boði fyrir gesti og gangandi.

Allir Íslendingar elska kjötsúpu, enda eiga allar íslenskar fjölskyldur sína uppáhalds uppskrift af kjötsúpunni sinni. Hún vekur góðar minningar, kallar fram bros og yljar hjartanu jafnt sem hún er bragðgóð, seðjandi og næringarrík. Kjötsúpudagurinn er haldinn af veitinga- og verslunarmönnum á Skólavörðustíg með stuðningi bænda.

Kjötsúpudagurinn á Skólavörðustíg - 2017

Kjötsúpudagurinn var upprunalega haldinn árið 2002 þegar Ófeigur Björnsson í Ófeigi gullsmiðju og Jóhann Jónsson í Ostabúðinni leiddu saman hesta sína til að gera daginn að veruleika.

Fyrsti vetrardagur varð fyrir valinu þar sem móðir Ófeigs hafði alltaf gert kjötsúpu þann dag. Segja má að Kjötsúpudagurinn sé ein af fyrstu sjálfssprottnu hátíðunum í miðbænum sem hefur svo sannarlega laðað að gesti og gangandi en árlega koma um tíu þúsund manns til að bragða á hinum ýmsu tegundum af íslenskri kjötsúpu.

Kjötsúpudagurinn á Skólavörðustíg - 2017

Þessi veitingahús taka þátt í Kjötsúpudeginum:

Kaffi Loki

Krua Thai

Sjávargrillið

Snaps

Ostabúðin veisluþjónusta

Reykjavík Fish

Mikil stemning er á Skólavörðustíg þennan dag og myndast langar raðir upp um allan stíg þar sem kjötsúpuþyrstir Íslendingar fá fría kjötsúpu eins og þeir geta í sig látið.

Með fylgja myndir frá Kjötsúpudeginum 2017.

Fleiri myndir hér.

Myndir: Ólafur Sveinn Guðmundsson / Veitingageirinn.is

Lesa meira

Viðtöl, örfréttir & frumraun

Iðandi mannlíf undir berum himni – Ottó: „Frábært framtak hjá Reykjavíkurborg.“ – Myndir

Birting:

þann

Iðandi mannlíf undir berum himni - Útisvæði

Verkefni á vegum Reykjavíkurborgar með yfirskriftinni „Iðandi mannlíf undir berum himni“ hefur verið í gangi í tvö ár og hefur Pétur Andreas Maack borgarhönnuður haldið utan um það ásamt Salóme Þorkelsdóttur.

„Við höfum unnið að því með rekstraraðilum að fá þá til að vera sýnilegri og teygja sig út í borgarlandið.  Það gerum við með því að veita til dæmis eigendum veitingastaða og kaffihúsa svæðið fyrir utan reksturinn til afnota.

Þessir rekstraraðilar geta þá búið til notaleg útisvæði og jafnvel dekkað upp borð og fengið þannig stærra svæði fyrir sinn veitingarekstur. Þetta ýtir auðvitað undir sölu á stöðunum en það sem borgin græðir á þessu er aukið mannlíf.

Við viljum hafa borgina okkar lifandi.“

segir Pétur í frétt á reykjavik.is.

Iðandi mannlíf undir berum himni - Útisvæði

Allir mega nota aðstöðuna

21 hvílustæði hafa verið í notkun í borginni í sumar.

„Þetta eru 35 bílastæði sem hafa verið lögð undir fólk í stað bíla,“

segir Pétur. Í mörgum stæðanna hafa verið byggðir pallar með borðum og stólum og víða hefur verið lagt gervigras. Þá hafa sumir skapað aðstöðu fyrir hjólreiðafólk til að geyma hjól sín í stæðunum, en markmiðið er alltaf það sama, þ.e. að fólk vilji nýta svæðin til að hafa það gott.

„Þetta er meira en tvöföldun frá því í fyrra. Eigendur veitingastaða og aðrir rekstraraðilar eru að vakna til lífsins. Þeir sjá nágranna sína byggja upp flott útisvæði, sem iða af fólki og vilja vera með, sem er frábært.“

Iðandi mannlíf undir berum himni - Útisvæði

Allir rekstraraðilar í borginni geta sótt um að vera með í verkefninu. Nú í sumar gilda afnotaleyfi útisvæðanna til fyrsta október s.l., en Pétur segir að virki verkefnin vel sé sjálfsagt að leyfa þeim að standa áfram yfir veturinn.

Dæmi um rekstraraðila sem hafa tekið þátt og skapað skemmtileg útisvæði eru Salka Valka á Skólavörðustíg, Fish and chips á Frakkastíg, Kaktus Espressobar við Vitastíg og blómabúðin Barónessan, við Barónsstíg.

„Það eru því ekki bara veitingaaðilar sem fá þessi afnot af borgarlandinu heldur einnig verslanir,“

bendir Pétur á.

„En við minnum líka alltaf á að þessi svæði eru almannaeign og þau mega allir nýta. Allir mega fá sér sæti og njóta þessara svæða þótt ekkert sé keypt. Borgin á þetta land en rekstraraðilar fá þessi afnot.“

„Frábært framtak hjá Reykjavíkurborg“

Ottó Magnússon og Guðmundur Þór Gunnarsson eigendur Fish & Chips

„Þetta útisvæði hefur gengið vonum framar hjá okkur.  Ekki síst fyrir minni staði og eftir lokanir og fl. útipallar eins ólíkir og mest má vera.“

Segir Ottó Magnússon eigandi Fish & Chips í samtali við veitingageirinn.is.

„Frábært að fá líf út á götur þessa fáu daga vikur yfir sumarið eins og víða þekkist erlendis.  Hjá okkur er þetta bara yfir sumartímann og við munum klárlega sækja um aftur.

Frábært framtak hjá Reykjavíkurborg.“

Myndir: reykjavik.is

Lesa meira

Viðtöl, örfréttir & frumraun

Selur handgert sushi með vestfirskum áhrifum með góðum árangri

Birting:

þann

Henrý Ottó Haraldsson, eigandi Jötun matarvagns

Henrý Ottó Haraldsson, eigandi Jötun matarvagns

Jötunn átvagn á Ísafirði hefur selt í sumar handgert sushi samkvæmt japönskum hefðum með vestfirskum áhrifum með góðum árangri.

„Hugmyndin að þessum bíl er að mig langaði að gera eitthvað nýtt og koma meiri matarmenningu hingað vestur“,

segir Henrý Ottó Haraldsson, eigandi Jötun matarvagns í samtali við N4

„Sushið sem ég er með er öðruvísi, er með vestrænum hætti. Matur fyrir mér er bara list svo ég fann mig í sushi gerðinni. Þetta var mjög skemmtilegt og yndislegt starf.“

segir Henrý, en hann starfaði t.a.m. við sushigerð á Fiskmarkaðinum í Reykjavík.

Vill gleðja almenning með einhverju öðru en pitsum

Henrý segir viðtökurnar hafa verið mjög góðar og hann hefur náð að koma mörgum á sushi vagninn sem héldu að þeir borðuðu ekki sushi. Hvað framtíðina varðar þá sér Henrý fyrir sér að vera með fleiri matarbíla og jafnvel veitingastað, en hann ætlar ekki endilega að halda sig alltaf við sushið, það getur vel verið að hann breyti til og gleðji almenning með einhverju allt öðru, þó ekki hamborgurum og pitsum því það er alls staðar.

Henrý var í viðtali í þættinum Að vestan á N4 og má sjá viðtalið við hann í heild sinni hér fyrir neðan.

Mynd: skjáskot úr myndbandi / N4

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið