Vertu memm

Smári Valtýr Sæbjörnsson

Vala Stef sigraði í Finlandia Mystery Basket | Ein stærsta barþjónakeppni ársins

Birting:

þann

Barþjónakeppni - Finlandia Mystery Basket

F.v. Federico Chavarro Suárez (3. sæti), Andri Davíð Pétursson (2. sæti) og Vala Stefánsdóttir (1. sæti)

Finlandia Mystery Basket barþjónakeppnin fór fram á fimmtudagskvöldið s.l. á Lava barnum í Reykjavík.

48 þátttakendur voru skráðir til leiks sem er metþátttaka í barþjónakeppnum hér á Íslandi.

Keppnin var samstarfsverkefni Barþjónaklúbbs Íslands og Mekka Wines & Spirits umboðsaðila Finlandia á Íslandi og keppnisfyrirkomulagið var að keppendur vissu ekki hvaða hráefni þeir höfðu til að keppa með fyrr en rétt áður en stigið var á svið.

Hver keppandi fékk 5 mínútur til að kynna sér þau hráefni sem í boði var, velja þau og gera uppskrift að drykknum.

Keppendur höfðu svo 7 mínútur til að útbúa drykkina, 2 drykkir fóru til dómnefndar og fengu gestir staðarins einnig að smakka þá drykki sem tóku þátt. Dómnenfndin sem skipuð var af góðum fjölmiðlamönnum, fyrrum sigurvegurum Finlandia keppna og yfirmönnum á vinsælum kokteilstöðum valdi svo besta kokteilinn, en refsistig voru gefin fyrir umframtíma og illa frágengna vinnustöð.

Úrslit urðu:

  1. sæti – Vala Stefánsdóttir frá Marina
  2. sæti – Andri Davíð Pétursson frá Mat og drykk
  3. sæti – Federico Chavarro Suárez frá Steikhúsinu
Barþjónakeppni - Finlandia Mystery Basket

F.v. Tómas Kristjánsson forseti Barþjónaklúbbs Íslands, Vala Stefánsdóttir og Friðbjörn Pálsson hjá Mekka

Friðbjörn Pálsson vörumerkjastjóri Finlandia á Íslandi sagði í viðtali við veitingageirinn að hann reiknaði með góðri þátttöku, 25-30 manns sem telst með því hæsta í svona keppnum, þ.e. fyrir utan Íslandsmeistaramótið en bjóst ekki við að 48 keppendur myndu skrá sig í keppnina. Friðbjörn er stoltur að fá að vinna með Barþjónaklúbbnum og LAVA barnum sem vildu vinna með merkið sitt í þessari keppni.

Meðfylgjandi ljósmyndir tók: Ómar Vilhelmsson.

 

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar hér >>

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið