Vertu memm

Nýtt bakarí, veitingahús, fisk- og kjötbúð og hótel

Tobba Marinós opnar nýjan veitingastað

Birting:

þann

Granólabarinn

Mæðgurnar Guðbjörg Birkis Jónsdóttir og Tobba Marinósdóttir

Nýr veitingastaður opnar í mars úti á Granda þar sem 17 sortir voru áður til húsa. Tobba Marinósdóttir, ritstjóri og ábyrgðarmaður DV, ásamt fjölskyldu eru eigendur veitingastaðarins sem hefur fengið nafnið Granólabarinn.

Granólabarinn er kaffi-, veitingastaður og heilsufæðisverslun þar sem boðið verður upp á sykurlausar kræsingar.

Granólabarinn

Granólabarinn er staðsettur úti á Granda þar sem 17 sortir voru áður til húsa.

„Matseðilinn verður samsettur af vinsælustu réttum fjölskyldunnar svo sem snickersgranólastykkjum, nicecream og hristingum. Ekkert viðbætt rugl og engar aukaafurðir. Fallegur matur fyrir alla. Við munum aldrei selja neitt (nema mögulega kaffi) sem yngsta barnið í fjölskyldunni má ekki borða,“

segir Tobba í samtali við Smartland á mbl.is.

Granólabarinn

Granólabarinn

Granóla-„snickers“ er meðal þess sem verður á matseðlinum.

Tobba Marinósdóttir og móðir hennar Guðbjörg Birkis Jónsdóttir, hófu í fyrra að framleiða handgert granóla úr íslenskum höfrum og án viðbætts sykurs sem hefur verið fáanlegt í Bónus, Nettó, Hagkaup og nú bætist Granólabarinn við.

Myndir: facebook / Granólabarinn og Náttúrulega gott

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Lesa meira
Auglýsingapláss

Nýtt bakarí, veitingahús, fisk- og kjötbúð og hótel

Bjarni Gunnar og Gunnar Karl stjórnendur í nýja Marriott Edition hótelinu

Birting:

þann

Nú hefur nýja Marriott Edition hótelið við Austurhöfn birt auglýsingu þar sem leitað er að fagmönnum í veitingadeildina, t.a.m. restaurant general manager, bar manager ofl.

Í auglýsingunni kemur fram að Bjarni Gunnar Kristinsson er yfirmatreiðslumaður Marriott hótelsins og með honum starfar Gunnar Karl Gíslason matreiðslumaður.

Marriott hótelið verður fimm stjörnu hótel með 250 herbergi. Hótelið mun bjóða upp á veislu- og fundarsali, fjölda veitingastaða auk heilsulindar. Fullbyggðu er hótelinu ætlað að verða eitt glæsilegasta hótel Reykjavíkur.

Marriott Edition hótelið við Austurhöfn

Marriott Edition hótelið við Austurhöfn.
Tölvuteiknuð mynd.

Formleg opnun er áætluð í lok sumars 2021.

90 íbúðir verða við hliðina á Marriott hótelinu, en íbúðirnar verða í fimm kjörnum sem móta húsgarð.

Fleiri Marriott fréttir hér.

Lesa meira

Nýtt bakarí, veitingahús, fisk- og kjötbúð og hótel

Elite hótelkeðjan opnar nýtt hótel í haust

Birting:

þann

The Wood Hotel - Elite hótelkeðjan í Svíþjóð

Elite hótelkeðjan opnar nýtt hótel í september næstkomandi í bænum Skellefteå í Svíþjóð. Hótelið sem hefur fengið nafnið „The Wood Hotel“ er 20 hæða trébygging með 205 hótelherbergjum, ráðstefnusal, ráðstefnuaðstöðu, þremur veitingastöðum og heilsulind með glæsilegu útsýni yfir borgina.

Elite rekur alls 22 hótel víðsvegar um Svíþjóð og er þetta fyrsta hótelið sem að hótelkeðjan opnar í bænum Skellefteå.

Hótelstjóri nýja hótelsins er David Åberg, en hann var til að mynda framkvæmdastjóri hjá Nordic Choice Hotels við góðan orðstír. Sjálfur ólst hann upp í Skellefteå og segir í tilkynningu að þetta sé draumaverkefnið hans.

The Wood Hotel - Elite hótelkeðjan í Svíþjóð

The Wood Hotel - Elite hótelkeðjan í Svíþjóð

The Wood Hotel - Elite hótelkeðjan í Svíþjóð

Þrívíddarmyndir: elite.se

Lesa meira

Nýtt bakarí, veitingahús, fisk- og kjötbúð og hótel

Opnar kaffihús í rúmlega 2000 þúsund fermetra húsnæði

Birting:

þann

Alana Spencer - Winner - The Apprentice 2016

Alana Spencer

Alana Spencer sem sigraði í bresku raunveruleikaþáttunum The Apprentice árið 2016 vinnur nú að því að opna kaffihús sem staðsett verður við aðalinngang verslunarkjarnanum Mermaid Quay í bænum Cardiff Wales. Verslunarmiðstöðin Mermaid Quay er í 14 þúsund fermetra húsnæði.

Kaffihúsið, sem er í 2.230 fermetra húsnæði, verður miðstöð tíu kaffihúsa sem Alana Spencer stefnir á að opna á næstu árum.

Áætlað er að opna kaffihúsið í Mermaid Quay með vorinu.  Á boðstólnum verður úrvals vörur að hætti Spencer, hnallþórur, mini pizzur, smákökur, heitir og kaldir drykkir og smoothie. Einnig verður í boði heitar máltíðir, þar á meðal vegan kjúklingur og Reuben samlokur með djúpsteiktum kartöflum omfl.

Í meðfylgjandi myndbandi er hægt að horfa á þegar Alana Spencer segir frá áætlunum sínum með kaffihúsin:

Mynd: skjáskot úr myndbandi

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið