Vertu memm

Nýtt bakarí, veitingahús, fisk- og kjötbúð og hótel

Þriðji Lemon veitingastaðurinn á norðurlandi opnar

Birting:

þann

Lemon - Húsavík

Það eru hjónin Anný Guðmundsdóttir og Birkir Stefánsson sem reka staðinn á Húsavík.

Veitingastaðurinn Lemon opnaði nýjan stað á Húsavík föstudaginn 21. júní sl. Þetta er þriðji Lemon staðurinn á norðurlandi, en veitingastaðir Lemon eru nú sjö talsins og eru þeir staðsettir í Reykjavík, Hafnarfirði, Akureyri, París, Kópavogi og nú á Húsavík.

Það eru hjónin Anný Guðmundsdóttir og Birkir Stefánsson sem reka staðinn á Húsavík.

Myndir: facebook / Lemon

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Nýtt bakarí, veitingahús, fisk- og kjötbúð og hótel

Glæsilegt hótel í Reykjanesbæ tilbúið á einu ári – Sjáðu myndbandið hér

Birting:

þann

Marriott

Marriott hótelkeðjan hófu framkvæmdir í febrúar í fyrra á nýju hóteli undir merkjum Marriott Courtyard í Reykjanesbæ.

Glæsilegt hótel sem byggt var á aðeins einu ári, eins og sjá má í meðfylgjandi myndbandi sem sýnir frá því þegar framkvæmdir hófust þar til dagsins í dag.

Samkvæmt heimasíðu Marriott.com þá verður hótelið formlega opnað nú í apríl.

Mynd: Marriott-hotels.com

Lesa meira

Nýtt bakarí, veitingahús, fisk- og kjötbúð og hótel

Ostabúðin opnar út á Granda

Birting:

þann

Ostabúðin - Fiskislóð 26, Reykjavík

Ostabúðin við Fiskislóð 26, Reykjavík

Jóhann Jónsson, matreiðslumaður, opnaði fyrst Ostabúðina á Skólavörðustíg árið 2000. Þar var boðið upp á áður óséð úrval af ostum og öðru góðgæti, auk þess sem töfraður var fram heitur matur í hádeginu.

Ostabúðin - Fiskislóð 26, Reykjavík

Jóhann Jónsson, matreiðslumaður

Jói bætti svo um betur og opnaði veitingastað við hlið búðarinnar árið 2015.

Nýr veitingastaður á Skólavörðustíg

Sá staður naut mikilla vinsælda og tók á móti fjölda fólks í kvöld- og hádegismat allt til ársins 2019, þegar staðurinn lokaði.

Ostabúðin á Skólavörðustíg lokar

Alhliða veisluþjónusta á granda

Ostabúðin - Fiskislóð 26, Reykjavík

Sannkölluð sælkeraveisla hjá veisluþjónustu ostabúðarinnar. Forréttur í matarboðið, en spjarar sig einnig vel sem veislubakki fyrir lengri veislur og samkomur. Inniheldur glæsilegt úrval osta ásamt sérvöldu kjötmeti og broti af því besta úr framleiðslueldhúsi Ostabúðarinnar. Borið fram með heimabökuðu brauði og tilheyrandi dressingum.

Aðdáendur heitreyktu gæsabringunnar þurfa þó ekki að örvænta, þar sem Jói og félagar opnuðu nýja Ostabúð um áramótin s.l. út á Granda og reka þar bæði glæsilegan veislusal og veisluþjónustu. Teymið hefur komið sér upp frábærri aðstöðu á Fiskislóð 26 og framleiðir þar áfram hinar sívinsælu vörur Ostabúðarinnar. Þar má helst nefna grafna og reykta kjötið þeirra, hina frægu heitreyktu gæsabringu, villibráðarpaté, sósur og dressingar.

Ostabúðin - Fiskislóð 26, Reykjavík

Fiskislóð 26.
Mynd: Smári / Veitingageirinn.is

Veisluþjónusta Ostabúðarinnar er líka á sínum stað. Eins og áður er boðið upp á fjölbreyttar veitingar í veislur af öllu tagi, osta- og kjötbakka, snittur, spjót, hátíðarveislur, villibráðarveislur og svo mætti lengi telja.

Funda- og veislusalur Ostabúðarinnar við Fiskislóð er með glæsilegasta móti og tekur um 100 manns í sæti eða 140 manns í standandi veislu. Hægt er að leigja salinn undir hvers kyns viðburðir og veisluhöld, svo sem fermingar, árshátíðir, stórafmæli, jólahlaðborð, brúðkaup o.fl. Einnig er boðið upp á þá þjónustu að fá veislumat sendan í heimahús eða aðra sali.

Fyrirtækjaþjónusta — heitur matur í hádeginu

Ostabúðin - Fiskislóð 26, Reykjavík

Fyrirtækjaþjónusta Ostabúðarinnar framreiðir heitan mat í hádeginu

Ostabúðin - Fiskislóð 26, Reykjavík

Heimilismatur af bestu gerð

Að lokum má nefna fyrirtækjaþjónustu Ostabúðarinnar, en hún framreiðir heitan mat í hádeginu úr fersku og góðu hráefni og sendir til fyrirtækja ásamt því að bjóða upp á hádegishlaðborð á virkum dögum.  Athugið að lokað er inn í matsal vegna óvissu sem nú ríkir vegna útbreiðslu COVID-19 veirunnar.  Vegna þessa þá býður staðurinn upp á tilbúin kvöldmat sem sent er til viðskiptavina.   Dýrindis matur að hætti Ostabúðarinnar sem einungis þarf að hita í ofni.

Ostabúðin - Fiskislóð 26, Reykjavík

Osabúðin hefur sett saman þessa dýrindis öskju sem þau kalla „Sóttkvíar sælkerinn“.
karfan inniheldur eftirfarandi:
Heitreykt Gæsabringa.
Grafið Ærfillet.
Villibráðarpate.
3 tegundir af íslenskum Dala osti.
Spænsk Serrano hráskinka.
Ástrík sælkerapopp.
Omnom súkkulaði.
Carr´s kex.
Hindberjavinagretta.
Púrtvínsrærð rifsberjagel.
Basilolía með kasjúhnetum og capers.
Ólífur.
Þessi dýrindis askja er á sértilboði á 9.900kr. út apríl 2020.

Myndir: facebook / Ostabúðin

Lesa meira

Áhugavert

Gunnlaugur bakari og konditor opnar veisluþjónustu

Birting:

þann

Gulli Arnar veisluþjónusta - Gunnlaugur Arnar Ingason bakari og konditor

Gunnlaugur Arnar Ingason.
Mynd: Instagram / GulliArnar

Gunnlaugur Arnar Ingason bakari og konditor og æskufélagi hans Böðvar Böðvarsson vinna nú hörðum að opna nýja veisluþjónustu.  Í síðustu viku skrifuðu þeir undir samning á húsnæði fyrir veisluþjónustuna við Flatahraun 31 í Hafnarfirði sem fengið hefur nafnið Gulli Arnar veisluþjónusta.

Gunnlaugur Arnar Ingason er lærður bakari og konditor.  Gunnlaugur útskrifaðist sem bakari árið 2017 frá Jóni Arilíusi í Kökulist.  Í kjölfarið af útskriftinni hans var förinni heitið til Kaupmannahafnar í konditor nám hjá Conditori La Glace.

La Glace er rótgróin staður í hjarta kaupmannahafnar en hann heldur uppá 150 ára afmæli sitt síðar á þessu ári. Gunnlaugur tók sveinsprófið í konditor náminu í desember síðastliðnum og útskrifaðist með Brons medalíu ásamt St. Honoré viðurkenningu.

„Við erum æskufélagar og höfum lengi langað að fara í rekstur saman. Eftir að ég byrjaði í bakstursnáminu höfum við stefnt að bakarís og/eða veisluþjónusturekstri undanfarin 4-5 ár.

Síðastliðna 6 mánuði þegar ég átti lítið eftir af náminu í Kaupmannahöfn fóru hjólin að snúast og markvissar hugmyndir og stefnur fóru að mótast.“

Böðvar er atvinnumaður í fótbolta, búsettur á Póllandi og spilar í efstudeild þar í landi.  Þetta er í fyrsta sinn sem að Böðvar kemur nálægt veitingageiranum, annað en að fara út að borða á veitingastöðum.  Gunnlaugur kemur til með að sjá um daglegan rekstur og framleiðslu.

 

Almenningur getur fylgst með

Framkvæmdir eru í fullum gangi við að innrétta eldhús í fremsta rými húsnæðisins á jarðhæð.

„Ég vil gera út á persónulega þjónustu og viðskiptavinir viti að hjá mér eru þau að nálgast gott handverk gert úr gæða hráefni. Húsnæðið er með þrjá, 4 metra stóra glugga sem ég ætla að hafa opna svo almenningur geti fylgst með.  Mig hefur alltaf langað til að gera bakstur sýnilegri en hann er.

Rýmið er stórt, bjart og rúmgott og hef ég skoðað möguleikann á því að leigja út rýmið með mér til matreiðslumanns sem er með eigin starfsemi í gangi og vantar aðstöðu. Þá má endilega hafa samband við mig.“

„Ég vil ekki fjöldaframleiða……“

View this post on Instagram

Hvað finnst þer? 🎂🥳

A post shared by Gunnlaugur Ingason (@gulliarnar) on

Gunnlaugur mun sérhæfa sig í sætmeti tertur, makkarónur og petit fours í allskyns útfærslum fyrir kaffihús, veislur, brúðkaup, ráðstefnur og fundarmeðlæti.  Einnig verður í boði fjölbreytt úrval af brauði, sætabrauði og tertur í pop up sölu í takmörkuðu magni af og til.

„Ég vil ekki fjöldaframleiða og hver vara er framleidd sérstaklega fyrir hvern viðskiptavin fyrir sig. Mig langar til að koma með ferskan blæ inná markaðinn og vera að framleiða vörur sem ég var að gera úti í Kaupmannahöfn.

Ég lít á þetta sem aðeins meira en einungis veisluþjónustu því í rýminu langar mig að vera með aðstöðu til námskeiðahalda bæði fyrir fagfólk og byrjendur t.d. fyrir konfektnámskeið, makkarónunámskeið, súrdeigsbrauðanámskeið og glaze námskeið svo eitthvað sé nefnt.  Einnig langar mig að hafa aðstöðu til myndbandsgerð fyrir kennslu myndbönd og kynningarefni.

Ég stefni á að framkvæmdirnar og innrétting á eldhúsinu verði klár í byrjun apríl og ég geti byrjað að framleiða í fyrrihluta apríl.“

Sagði Gunnlaugur í samtali við veitingageirinn.is.

Við forvitnuðumst aðeins með þátttöku Gunnlaugs í Heimsmeistarakeppni ungra konditora í Taiwan sem hann hefur æft stíft fyrir s.l. mánuði:

„Búið var að fresta keppninni sem haldin átti að vera í byrjun mars til mánaðarmótana júlí/ágúst n.k., og stefndi ég að sjálfsögðu á þátttöku í henni þá.  Fyrir helgi fékk ég svo skilaboð að keppninni hefur verið frestað enn frekar og nú fram á næsta ár.

Þetta er leiðinlegt en eina rétta í stöðunni í ljósi heims ástandsins.  Ég var orðinn alveg klár til að fara núna í mars, uppskriftir og æfingar á loka stigi þess vegna er leiðinlegt að þetta hafi komið upp. En nú verð ég bara að bíða og sjá hvað gerist í framhaldinu.“

Óskum þeim æskuvinum til hamingju með nýju veisluþjónustuna.

Fylgist með á Instagram @gulliarnar

Lesa meira
  • [email protected] – Espresso Martini 10.04.2020
    [email protected] – Espresso Martini Svona í ljósi þess ástands sem er um allan heim og sú staðreynd að fólk getur ekki komið saman og notið góðs matar og drykkja þá ætlar Viceman að kenna ykkur að gera nokkra lauflétta kokteila sem hægt er að gera heima. Ekki er nauðsynlegt að eiga öll hin hefðbundnu baráhöld […]
  • Alþjóðlegi Gin og Tónik dagurinn 09.04.2020
    Alþjóðlegi Gin og Tónik dagurinn Það er alþjóðlegi gin og tónik dagurinn í dag. Að gefnu tilefni ætlar Viceman að deila nokkrum frábærum gin og tónik blöndum sem hann mælir sérstaklega með. Það hefur aldrei verið mikilvægara að velja íslenskt og hér að neðan má finna hágæða íslensk gin sem eimuð eru hér á landi […]

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag