Vertu memm

Smári Valtýr Sæbjörnsson

Þjóðarrétturinn lambakjöt í öndvegi á Héraði

Birting:

þann

Þjóðarrétturinn lambakjöt

Sigrún Blöndal, forseti bæjarstjórnar Fljótsdalshéraðs, Guðjón Rúnar matreiðslumeistari og Svavar Halldórsson, framkvæmdastjóri Markaðsráðs kindakjöts.

LSS - LogoIcelandair Hotels og Markaðsráð kindakjöts skrifuðu undir ótímabundinn samstarfsamning á Icelandair hótel Héraði á Egilsstöðum í dag um að setja þjóðarréttinn íslenskt lambakjöt í öndvegi á veitingastöðum fyrirtækisins. Í fréttatilkynningu segir að móðurfélagið Icelandair, er stærsta ferðaþjónustufyrirtæki landsins og rekur fjölda hótela og veitingastaða ásamt bílaleigu og flugfélagi.

Sérstakt lambakjötssumar á Icelandair- og Edduhótelum í sumar

Lambakjöti verður gert sérstaklega hátt undir höfði á á öllum 8 veitingastöðum Edduhótelanna í sumar ásamt Icelandair hótel Héraði, Icelandair hótel Akureyri og veitingastaðnum VOX að Suðurlandsbraut í Reykjavík.

Þjóðarrétturinn lambakjöt

Þjóðarrétturinn lambakjöt

Klúbbur matreiðslumeistara fékk Gallup nýverið til að gera könnun á því hvað Íslendingar telja vera þjóðarréttinn. Um 74% telja það vera lambakjöt og lambakjötsrétti. Markaðsráð kindakjöts og Icelandair Hotels vilja kynna þjóðarréttinn fyrir erlendum ferðamönnum.

Skýrslu Gallup má finna með því að pdf_icon smella hér.

Stór samningur um kynningu á íslenskum mat fyrir erlendum ferðamönnum

Fyrrnefndur samstarfssamningur er hluti af átaki Markaðsráðs kindakjöts sem hrundið var af stað í desember til að kynna þjóðarréttinn lambakjöt fyrir erlendum ferðamönnum undir sérstöku upprunamerki. Þar er lögð áhersla á sérstöðu, uppruna og gæði íslensks lambakjöts og annarra íslenskra sauðfjárafurða. Framundan er margvísleg kynning á íslenskri sauðfjárrækt og afurðum fyrir erlenda ferðamenn.

Þjóðarrétturinn lambakjöt

Skjöldur með merki Markaðsráðs kindakjöts hengt upp.
Formlegt samstarf Icelandair Hotels Héraði á Egilsstöðum og Markaðsráðs kindakjöts um að setja þjóðarréttinn íslenskt lambakjöt í öndvegi.

Samtals eru um 60-70 veitingastaðir, verslanir, framleiðendur og dreifingaraðilar í samstarfi við Markaðsráð kindakjöts í þessu verkefni og fer fjölgandi. Meðal þeirra eru flestir af virtustu veitingastöðum landsins. Þeir munu geta notað upprunamerkið í öllu markaðsefni, á vefnum, í matseðlum o.s.frv. og verða sérstaklega merktir. Samningurinn við Icelandair Hotels er stærsti einstaki samningurinn og stærsti samningur þessarar gerðar sem gerður hefur verið hér á landi, að því er fram kemur í tilkynningu.

Aðrar íslenskar sauðfjárafurðir, eins og ull, gærur, lopapeysur og handverk verða einnig auðkenndar með merkinu enda sé hráefnið sannarlega íslenskt.  Í tilkynningu segir að þetta er langstærsta átak af þessu tagi sem ráðist hefur verið í.

Myndir: Kormákur Máni Hafsteinsson / Kox

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið