Vertu memm

Nýtt bakarí, veitingahús, fisk- og kjötbúð og hótel

Þessir veitingastaðir verða í nýju mathöllinni á Selfossi – Aðeins eitt rými óráðstafað

Birting:

þann

Mathöllin á Selfossi

Hálfdán og Þórður Orri hönnuðir, í rýminu uppi í risi.

Átta nýir veitingastaðir verða í nýrri mathöll sem opna mun í sumar í endurreistu Mjólkurbúi Flóamanna í miðbæ Selfoss. Í Mjólkurbúinu verður einnig bjórgarður, vínbar og stærðarinnar matar- og upplifunarsýning sem fengið hefur nafnið Skyrland.

Átta veitingastaðir, tveir barir og sýning

Þeir veitingastaðir sem verða eru Flatey Pizza, Smiðjan Brugghús verður með hamborgarastað og bjórgarð (bar). Nýir staðir verða í mathöllinni en þeir heita Pasta Romano (pasta) og El Dordito (Taco).

Á sýningunni sem heitir Skyrland verður veitingastaður með skálar og boozt sem því tengist. Aðrir staðir óska nafnleyndar að sinni.

Einn bás laus í einni stærstu mathöll landsins

Vignir Guðjónsson er talsmaður verkefnisins og segir hann í samtali við Veitingageirann að einungis einn bás sé á lausu.

„Það hefur gengið mjög vel að raða inn í þessa bása og það er aðeins einn þeirra óráðstafaður. Það er stærsti básinn í húsinu, tæpir 30 fermetrar og er hugsaður sem staður í ákveðnum gæðaklassa, ekki ósvipaður Skál, Kröst, Hipstur og slíkum stöðum sem við þekkjum frá öðrum mathöllum,“

segir Vignir.

Mikið er lagt í hönnun og alla umgjörð í Mjólkurbúinu. Innanhússhönnun er í höndum Hálfdán Pedersen, sem hannað hefur nokkra af vinsælustu veitingastöðum landsins, svo sem Snaps, Kex og Sumac.

„Mjólkurbúið er hjartað í þessum fyrsta áfanga nýs miðbæjar. Húsið er afar tignarlegt og blasir við þegar komið er yfir Ölfusárbrúna. Selfoss er í miðju helsta ferðamannasvæðis landsins og skemmtileg matarupplifun verður sífellt stærri hluti ferðaþjónustu.

Hér er stöðugur straumur sumarbústaðafólks og höfuðborgarbúa að sækja sér uppliftingu og svo styttist í erlendu ferðamennina. Við höfum mikla sannfæringu fyrir því að Mjólkurbúið verði eitt helsta kennileiti og aðdráttarafl á Suðurlandi,“

segir Vignir.

Í nýja miðbænum á Selfossi er teflt saman nýju og gömlu á spennandi hátt. Alls verða reist 35 hús, sem öll hafa áður staðið á Íslandi, en urðu eldi eða eyðileggingu að bráð. Húsin eru í þessum klassíska íslenska stíl, en eru ný og vönduð og í þeim fjölbreytt nútíma miðbæjarstarfsemi, svo sem veitingahús, verslanir, þjónusta og íbúðir. Fyrsti áfangi miðbæjarins verður opnaður núna í júní 2021.

Mjólkurbúið var hannað af Guðjóni Samúelssyni og upphaflega byggt á Selfossi árið 1929 en rifið aðeins 25 árum síðar. Endurbyggt húsið er hið stærsta í nýjum miðbæ Selfoss, um 1.500 fermetrar að stærð á þremur hæðum sem tengjast saman í fallegu miðrými með háum bogadregnum gluggum. Áætlað er að dyrnar í Mjólkurbúinu opni í byrjun júní næstkomandi.

Kíkið á www.mathollselfoss.is fyrir fleiri myndir og upplýsingar.

Sjá einnig:

Ný mathöll opnar í gamla Mjólkurbúi Flóamanna á Selfossi

Mynd: aðsend:

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Nýtt bakarí, veitingahús, fisk- og kjötbúð og hótel

Það var fjölskylda Hlöðvers Sigurðssonar, stofnanda Hlöllabáta sem tók við rekstri Litlu Kaffistofunnar

Birting:

þann

Litla Kaffistofan

Nú fyrir stuttu var greint frá að nýir rekstraðilar hafa tekið við Litlu Kaffistofunnar, en þá höfðu hjónin Katrín Hjaltadóttir og Svanur Gunnarsson séð um reksturinn í fimm ár. Litla kaffistofan er í eigu Olís.

Í fréttatilkynningu frá Litlu Kaffistofunnar var allt á huldu hverjir nýju rekstraðilar væru, annað en að þeir séu vel kunnugir því að reka veitingahús.

Í Viðskiptablaðinu kemur fram að það er fjölskylda Hlöðvers Sigurðssonar, stofnanda Hlöllabáta, sem hefur tekið við rekstri Litlu kaffistofunnar við Suðurlandsveg, og verður staðurinn opnaður að nýju nú í ágúst. Hann verður með svipuðu sniði og áður hefur þekkst, en fjölskyldan hyggst þó fríska aðeins upp á hann.

Elín Guðný Hlöðversdóttir, dóttir Hlöðvers, segir lykilinn að velgengni í veitingarekstri felast í að taka virkan þátt í rekstrinum sjálfur, en viðtalið við hana er hægt að lesa vefnum vb.is hér.

Mynd: facebook / Litla Kaffistofan

Lesa meira

Nýtt bakarí, veitingahús, fisk- og kjötbúð og hótel

Einn flottasti kokkur landsins opnar veitingastað á Kársnesinu

Birting:

þann

Ólafur Helgi Kristjánsson matreiðslumeistari

Ólafur Helgi Kristjánsson matreiðslumeistari.
Mynd: Bændablaðið

Í Kópavogi eða nánar tiltekið við Hafnarbraut 13B á Kársnesinu standa yfir miklar framkvæmdir, en þar mun veitingastaðurinn Brasserie Kársnes opna með haustinu.

Eigendur eru hjónin Ólafur Helgi Kristjánsson matreiðslumeistari og Sólveig Júlíana Guðmundsdóttir.

Staðurinn mun taka rúmlega 80 manns í sæti og opnunartími verður frá klukkan 11:30 til 23:00 og til 00:00 um helgar.

Brasserie Kársnes

„Þetta verður svona kósý, röff hverfisstaður fyrir Kársnesið en við viljum auðvitað fá alla í heimsókn til okkar alveg sama hvar þeir búsettir til þess að gera vel við sig í mat og drykk í þægilegu umhverfi.“

Sagði Ólafur í samtali við veitingageirinn.is.

Hádegin verða með góðum mat á sanngjörnu verði fyrir fyrirtækin í hverfinu.

Það verður opið yfir daginn þannig að fólk getur droppað inn og fengið sér kaffi eða kalda drykki, svo á kvöldin þegar fólk vill gera vel við sig, þá er farið í kósý brasserie stemningu þar sem hráefnin og vínin fá að njóta sín og verðið stillt í hófi.

Brasserie Kársnes

„Ég hef nú sagt að matarþemað verði svona skandinavian street food hvað sem það er nú,“

sagði Ólafur hress aðspurður um matargerðina á staðnum.

Ólafur er vel þekktur í veitingageiranum, enda metnaðarfullur matreiðslumeistari og hefur hefur mikla ástríðu fyrir matargerð af ólíkum uppruna. Ólafur hefur töluverða innsýn inn í mismunandi matagerð þar sem hann hefur starfað sem kokkur í Kaupmannahöfn, Skotlandi og á Íslandi.

Íslenskt hráefni frá öllum landshlutum hefur Ólafur mikinn áhuga á, en hann var alinn upp í Mývatnssveit þar sem hægt að er að vinna með mjög fjölbreytt hráefni úr náttúrunni.

Ólafur lærði fræðin sín á Perlunni og útskrifaðist árið 2001 og sem meistari árið 2012. Strax eftir útskrift í Perlunni starfaði Ólafur sem matreiðslumaður á Hótel Holti. Ólafur var rekstaraðili og matreiðslumaður í veiðihúsi við Hofsá og Selá í Vopnafirði og þaðan lá leiðin til Kaupmannahafnar og bjó þar í eitt ár og starfaði á þremur stöðum, þ.e. Den elvede bud, Era Ora (Michelin veitingastaður) og S.P.Q.R.

Starfaði sem Sous chef á fjögurra stjörnu hóteli í miðbæ Edinborgar, Radisson Blu.

Ólafur hefur verið í samstarfi við Bocuse d´Or akademíunnar hér á Íslandi, yfirkokkur á galadinner matreiðslumeistara hjá Klúbbi matreiðslumeistara árið 2018 og 2019,
þar sem hann undirbjó og stýrði kvöldinu ásamt öðrum matreiðslumönnum.

Ólafur hefur starfað á veitingastöðunum Skólabrú, Iðusölum, Arion Banka, Hótel Natura, Hótel Sögu sem yfirmatreiðslumaður svo fátt eitt sé nefnt.

„Við erum fjölskyldan í þessu saman þannig að þetta er svona fjölskyldu stemning sem verður á staðnum“

sagði Ólafur að lokum.  Veitingageirinn.is kemur til með að fylgjast vel með Brasserie Kársnes og flytja fréttir, birta myndir, matseðla ofl., fylgist vel með.

„Brasserie Kársnes er byrjað ….. kominn í gallann, greiddur og allt að gerast“

Skoðið vídeó af Brasserie Kársnes í framkvæmdum hér.

Fylgist með á Instagram: Brasserie Kársnes

Lesa meira

Nýtt bakarí, veitingahús, fisk- og kjötbúð og hótel

Hannes Boy breytist í PopUp Vegan Boy – Myndir

Birting:

þann

Rekstraraðilar veitingadeildar Sigló hótels

Rekstraraðilar veitingadeildar Sigló hótels. Saman reka þau veitingastaðinn Sunnu á Sigló hótel, Kaffi Rauðku, og Hannes Boy.
F.v. Jimmy Wallster, Sólrún Guðjónsdóttir, Halldóra Guðjónsdóttir og Bjarni Rúnar Bequette ásamt börnum þeirra.
Mynd: aðsend

Veitingastaðurinn Hannes Boy á Siglufirði er einstaklega fallegur staður sem býður upp á huggulegt og rómantískt umhverfi með útsýni yfir fallega smábátahöfnina og tignarleg fjöllin.

Staðurinn stendur í sólgulu húsi við smábátahöfnina og er nefndur eftir sjóaranum Hannesi.

Hannes Boy - PopUp Vegan Boy

Veitingastaðurinn opnaði árið 2010 og hefur verið boðið upp á fínni mat. Nú hafa rekstraraðilar breytt konseptinu á staðnum og bjóða nú upp á grænkera sælkeraverslun og veitingastað í sumar og heitir staðurinn Vegan Boy – Deli & Boutique og er PopUp staður.

Hannes Boy - PopUp Vegan Boy

Hannes Boy - PopUp Vegan Boy

Réttur dagsins og súpa dagsins er unnin úr þeim vörum sem er til sölu í versluninni. Fersk salöt og boost eru í handhægum og umhverfisvænum umbúðum sem henta vel til að taka með. Svo má einni tilla sér í sólinni fyrir utan og neyta réttanna þar. Einnig er til sölu fallegar vörur eins og glös, hnífaparasett, ýmis borðbúnaður og spennandi gjafavörur og margt fleira.

Hannes Boy - PopUp Vegan Boy

Hannes Boy - PopUp Vegan Boy

Hannes Boy - PopUp Vegan Boy

„Það er skemmtileg áskorun fyrir okkur að opna stað sem er alveg vegan og höfum við fundið fyrir þörfinni fyrir því hérna fyrir norðan. Við höfum mikinn áhuga á vegan matargerð og gaman að sjá hvað þróunin í grænkera matargerð er langt á veg komin.

Vegan hópurinn á Íslandi er fer stækkandi með hverju ári og langar okkur að mæta þeim hóp með áhuga og fjölbreytni.“

Sagði Halldóra Guðjónsdóttir í samtali við veitingageirinn.is

Hannes Boy - PopUp Vegan Boy

Grænmetislasagna með grillaðri papriku. Verð: 2690,-
Virkilega gott.

Hannes Boy - PopUp Vegan Boy

Myndir: Smári / Veitingageirinn.is

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið