Vertu memm

Frétt

Telja fyrirtækin komast í gegnum ástandið – 89% veitingastaða ætla að vera með opið í ár

Birting:

þann

Hvammstangi - Hauganes

Hvammstangi – Hauganes

Ferðaþjónustufyrirtæki á Norðurlandi telja að þau muni komast í gegnum það ástand sem Covid-19 veirufaraldurinn hefur skapað og ætla að vera með opið hjá sér í sumar. Þetta kemur fram í niðurstöðum könnunar sem Markaðsstofa Norðurlands gerði í byrjun maí. Meirihluti þeirra er að nýta úrræði ríkisstjórnarinnar, þar af eru flest þeirra að nýta hlutabótaleiðina.

Alls sögðu tæplega 39% að mjög líklega myndi fyrirtækið þeirra lifa Covid-19 ástandið af og tæp 38% segja það frekar líklegt. Þá var spurt um hvort fyrirtæki yrðu með opið hjá sér í sumar og ánægjulegt er að 91% þeirra sem svöruðu þessari spurningu svöruðu henni játandi. Þar af voru 60% sem verða með opið hjá sér allt árið og opnunin því ekki aðeins bundin við háönnina á komandi mánuðum.

Þegar spurt hvar um hvort fólk væri sammála þeirri fullyrðingu að íslenskir ferðamenn væru mikilvægir fyrir þeirra fyrirtæki, kom í ljós að meirihlutinn telur svo vera. Alls sögðu tæp 36% að þau væru mjög sammála þessari fullyrðingu og tæp 23% að þau væru frekar sammála.

89% veitingastaða ætla að vera með opið í ár

Af þeim sem voru með veitingarekstur voru 63% þeirra að nýta úrræði stjórnvalda. Þau úrræði voru eftirfarandi:

  • 94% að nota hlutabótaleið
  • 6% ætla að nota brúarlán
  • 11% ætla að nota hlutabótaleið til uppsagnar
  • 6% ætla að fara í frystingu lána

Hins vegar voru 35% sem hafa ekki notað úrræði stjórnvalda.

  • 45% sögðu að úrræði stjórnvalda hentuðu ekki
  • 15% sögðust ekki þurfa þess
  • 15% sögðust bara vera með sumarstarfsemi

1% vissi ekki hvort fyrirtækið væri að nýta úrræði stjórnvalda.

89% veitingastaða ætla að vera með opið í ár. 74% þeirra sem svöruðu sögðu telja sig lifa ástandið af vegna Covid 19.

 Hér má lesa nánar um niðurstöðurnar.

Mynd: northiceland.is

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Frétt

Tíu ísbúðir þurfa að bæta verðmerkingar

Birting:

þann

Ísbúð - Ís

Neytendastofa gerði könnun á ástandi verðmerkinga hjá 30 ísbúðum á höfuðborgarsvæðinu, dagana 23. til 26. júní sl. Samhliða því skoðaði Neytendastofa vefsíður 17 ísbúða til að athuga hvort þar væru veittar upplýsingar um fyrirtækin.

Seljendur verða að birta verð með skýrum og greinargóðum hætti þannig að neytendur viti endanlegt verð vöru og þjónustu fyrir kaup. Þá skal þess gætt á vefsíðum að fram komi upplýsingar um fyrirtækið svo sem kennitala, heimilisfang, netfang, virðisaukaskattsnúmer, hvort fyrirtækið er ehf. eða hf. og starfsleyfi.

Könnun Neytendastofu leiddi í ljós að 20 ísbúðir voru með allar vörur verðmerktar.Í 10 ísbúðum vantaði vermerkingar á einhverjar af þeim vörum sem þær selja. Í flestum tilvikum sem vantaði verðmerkingar var það á gosi, sælgæti eða íspinnum. Þá vantaði upplýsingar um fyrirtækið á öllum vefsíðunum sem skoðaðar voru.

Neytendastofa upplýsti ísbúðirnar í framhaldinu um þær skyldur sem á þeim hvíla og fór fram á úrbætur þar sem þörf var á.

Neytendastofa hvetur neytendur til að vera á verði og koma ábendingum um verðmerkingar til skila í gegnum Mínar síður sem finna má á vefslóðinni www.neytendastofa.is

Mynd: úr safni

Lesa meira

Frétt

Sælkerabúðin – Starfsmaður óskast

Birting:

þann

Sælkerabúðin - Starfsmaður óskast

Lesa meira

Frétt

Götubitahátíð Íslands á Miðbakkanum 18 – 19 júlí

Birting:

þann

Reykjavik Street Food - Götubitahátíð 2019 - Fish and Chips Wagon

Mynd frá Götubitahátíðinni í fyrra

Götubitahátíð Íslands (Iceland Street Food Festival) verður haldin á Miðbakkanum í Reykjavík, 18-19 júlí n.k.

Hátíðin mun saman standa af mismunandi söluaðilum þar sem götubiti verður seldur í gámum, matvögnum og tjöldum. Einnig verða, bjórbíllinn, kaffivagn, skemmtanir fyrir börnin, hjólabretta keppni, körfubolta veisla ásamt öðrum nýjungum. Boðið verður uppá lifandi tónlist og önnur frábær skemmtiatriði.

Samhliða hátíðinni þá verður haldin í annað sinn keppnin í “Iceland Street Food Awards” þar sem fjölmargir íslenskir aðilar muna keppa upp titilinn besti “Götubitinn 2020”.

Sjá einnig:

Fish & Chips vagninn og Jömm með áhugaverðustu götubitana – Myndir frá Götubita hátíðinni

Sigurvegarinn mun svo í framhaldi keppa fyrir Íslands hönd í alþjóðlegri keppni – “European Street Food Awards” sem haldin verður seinna í haust og kynna þar íslenskan götubita.

Sjá einnig:

Jömm keppti á meðal bestu í heimi í European Street Food Awards

Heimsþekktir dómarar innan matvælageirans dæma í keppninni þar ytra og mikill áhugi hjá erlendum blaðamönnum á viðburðinum.

Mynd: Ólafur Sveinn Guðmundsson

Lesa meira
  • Jim Beam Black í kakó 17.06.2020
    Jim Beam Black og Kakó 30 ml Jim Beam BlackFyllt með kakóToppað með rjóma Tækni: Blandað beint Glas: ÚtilegubolliSkreyting: Súkkulaði spænir Aðferð:  Jim Beam Black og kakó er hellt beint í bolla eða glas og hrært saman. Rjóminn settur ofaná og súkkulaði spænir stráð yfir. Frábær drykkur í útileguna! Ert þú að fylgja Viceman Instagram og Facebook?Fróðleikur, uppskriftir og […]
  • Hvað er Bourbon? 14.06.2020
    Árlega er Bourbon dagurinn haldin hátíðlegur þann 14 júní. Í fyrstu voru það aðeins Bandaríkjamenn sem héldu hann hátíðlegan enn á síðustu árum hafa unnendur Bourbon tekið þátt í að halda daginn hátíðlegan enda er Bourbon á mikilli vinsældar siglingu. Hvað er bourbon? Bourbon er tegund af Amerísku viskí og er talið að viskíið dragi […]

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag