Vertu memm

Viðtöl, örfréttir & frumraun

Sónó í stöðugum vexti

Birting:

þann

Sónó Matseljur - Norræna húsið

Sónó Matseljur er staðsett í Norræna húsinu

All nokkrar breytingar hafa orðið á rekstrinum hjá veitingastaðnum Sónó í Norræna húsinu sem opnar aftur á kvöldin.

Sónó Matseljur er í eigu þeirra Hildigunnar Einarsdóttur og Sigurlaugar Knudsen Stefánsdóttur. Sónó er grænkeraveitingastaður og veisluþjónusta.

Fyrr í vor varð MatR því miður að hætta starfsemi í Norræna húsinu og við það veittist tækifæri hjá eigendum að taka við rekstri hússins sem breytti óneitanlega starfsemi veitingastaðarins mikið.

Flest alla daga vikunnar er boðið upp á breytilegum hádegismatseðli með heimabökuðum sætindum og bakkelsi, ferskum djúsum, barista kaffi og æðislegu víni sem henta matnum vel.

S.l. helgi opnaði Sónó föstudags- og laugardagskvöldið álíka því og upphaflega starfsemi Sónó byrjaði á og að auki býður veitingastaðurinn upp á veisluþjónustu af allskonar gerðum í og út úr húsi.

Nokkur munur er á hádegismatseðlinum og þeim að kvöldi. Yfir daginn hentar öllum, bæði þeim sem hafa tæpan tíma og þeim sem vilja sitja og njóta. Enda á þeim tíma er mikið líf í og um kring Norræna Húsið með allskonar starfsemi, viðburðum, listsýningum og ráðstefnum. Þar er bókasafn sem er ákaflega skemmtilegt, fallegt, fræðandi og frábær staður að fara með börn enda margt upp á að bjóða fyrir þau.

Sónó Matseljur

Útfærsla matarins hjá Sónó er líkastur Meze.
Meze er samsafn af smáréttum, borið fram líkt og tapas, en Meze á uppruna sinn í Mið-Austurlöndum. Orðið Meze er tekið úr Tyrknesku og þýðir að smakka eða njóta.

Á kvöldin hafa gestir meiri tíma með meze, eða smáréttum, sem hugsaðir eru á þann hátt að fólk geti deilt og notið í fallegu umhverfi.

„Við leitum eftir álíka stemmningu og við eigum að kynnast syðra í Evrópu þar sem fólk gefur sér tíma til að borða, er jafnvel borðandi heilu og hálfu kvöldin með marg rétta matseðli þar sem hver diskurinn kemur á fætur öðrum og allir eru óhræddir við að deila.“

Segir Sigurlaug í samtali við veitingageirinn.is.

Matseðlarnir eru enn á sama hátt og áður nema staðbundnari. Allt er grænmetis- eða vegan og hráefnið er af þeim bestu gæðum að hverju sinni með árstíðarbundnu íslensku grænmeti, erlendu lífrænum ávöxtum og grænmeti svo fátt eitt sé nefnt.

Sónó Matseljur

Einnig nýtur starfsfólkið eigin jurtir í matinn bæði úr gróðurhúsi Norræna Hússins og í gróðurreitum fyrir utan í samstarfi við Samtök Kvenna af Erlendum Uppruna sem dyggilega annast plönturnar af alúð og ást. Svo þegar tími gefst eru jurtir týndar úr umhverfinu, þar á meðal í mýrinni og um land allt.

Sítrónujárnurt (Aloysia triphylla)

Nú á dögunum kom Hjörtur Þorbjörnsson og vinir úr Grasagarðinum færandi hendi til Sónó með fallega sítrónujárnurt sem gjöf í gróðurhús Norræna Hússins:

„Í ljósi þessara ástar okkar á jurtum voru vinir okkar úr Grasagarðinum að gefa okkur fallega sítrónujárnurt (Aloysia triphylla) fyrir gróðurhúsið, okkur til yndis og nota. Hún er ákaflega bragðmikil og af henni kemur unaðslegur ilmur sem nærir hug og hjarta.

Ekki nóg með það að hún er bragðgóð þá er þetta mikil lækningajurt, t.d. er hún talin góð við mígreni, þunglyndi og svefnvandamálum.“

Segir Sigurlaug í samtali við veitingageirinn.is aðspurð um sítrónujárnurtina.

Nýr opnunartími er sem hér segir:

Þriðjudaga – laugardaga 11:00 16:00
Föstudagur – laugardagur 18:00-23:00

Myndir: facebook / Sónó Matseljur

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Viðtöl, örfréttir & frumraun

Heimabarinn er ný kokteilabók – Andri: „….með nákvæmlega sömu hugmynd í kollinum“

Birting:

þann

Heimabarinn

Heimabarinn er kokteilabók eftir barþjónana Ivan Svan Corvasce og Andra Davíð Pétursson.

Í bókinni má finna 63 uppskriftir af fjölbreyttum kokteilum, 19 uppskriftir af heimagerðum sírópum & líkjörum auk fróðleiks um baráhöld, glös, klaka og öll helstu vörumerkin sem notuð eru í nútíma kokteilagerð.

Bókin mun gefa þér innsýn inn í heim barþjónsins og auðvelda þér að koma þér upp þínum eigin Heimabar. Markmið bókarinnar er þú öðlast færni og þekkingu til að framreiða ómótstæðilega kokteila sem vel er tekið eftir.

„….með nákvæmlega sömu hugmynd í kollinum“

Heimabarinn

Ivan Svan Corvasce og Andri Davíð Pétursson

„Fyrir ári síðan í miðri covid bylgju komumst við Ivan Svanur að því að við værum með nákvæmlega sömu hugmynd í kollinum. Hugmyndin var að búa til íslenska kokteilabók sem yrði sérstaklega gerð fyrir fólk sem vill læra að gera kokteila heima hjá sér.  Enska hugtakið “great minds, think alike” á við í þessu samhengi, því að auki vorum við með sama nafn í huga. Bókin skyldi heita Heimabarinn. Við félagarnir ákváðum að snúa bökum saman og gera bókina í sameiningu.“

Skrifar Andri Davíð um bókina á facebook.

„Það reyndist hárrétt ákvörðun því samstarf okkar hefur verið gjörsamlega frábært.  Fyrir menn sem eiga gjarnan erfitt með að setjast niður einbeita sér að einum hlut í einu þá var ómetanlegt fyrir okkur að hafa hvorn annan. Með mikilli þrautseigju, tíma og vinnu þá náðum við markmiðinu okkar og erum að gefa fyrstu íslensku kokteilabókina sem hugsuð er fyrir heima barþjóninn“

Kokteilabókin Heimabarinn kemur bráðlega í forsölu á vefslóðinni www.heimabarinn.is

@Heimabarinn er á samfélagsmiðlum!

Facebook | Instagram

Fleiri fréttir af Andra hér og Ivan Svan hér.

Myndir: Heimabarinn.is

Lesa meira

Viðtöl, örfréttir & frumraun

Glæsilegt og skemmtilegt myndband frá Sælkerabúðinni

Birting:

þann

Viktor Örn Andrésson og Hinrik Örn Lárusson

Viktor Örn Andrésson og Hinrik Örn Lárusson

Alltaf gaman að horfa á vandað og flott myndband frá stöðum í veitingageiranum. Í nýjasta myndbandinu frá Sælkerabúðinni sýna þeir félagar Hinrik Örn Lárusson og Viktor Örn Andrésson snilldartakta og brot af því sem í boði er hjá Sælkerabúðinni.

Sjá má myndbandið hér að neðan:

Mynd: skjáskot úr myndbandi

Lesa meira

Viðtöl, örfréttir & frumraun

Grétar Matthíasson endurkjörinn formaður Barþjónaklúbbs Íslands

Birting:

þann

Grétar Matthíasson

Grétar Matthíasson er margverðlaunaður þjónn
Mynd: úr einkasafni

Aðalfundur Barþjónaklúbbs Íslands var haldin á þriðjudaginn síðastliðinn og var margt á dagskrá. Farið var yfir félagsstarfið fyrir veturinn sem framundan er, kosið var til forseta ásamt 3 nýir meðlimir í stjórn kosnir í klúbbinn til tveggja ára.

Grétar Matthíasson var endurkjörinn formaður Barþjónaklúbbs Íslands, en nýja stjórnin er eftirfarandi:

Grétar Matthíasson
Teitur Riddermann Schiöth
Elna María Tómasdóttir
Andreas Peterssen
Helgi Aron
Jóhann B. Jóhannsson
Raúl Apollonio

Keppni um titilinn Hraðasti barþjónninn var haldin í lok fundsins, en nánari umfjöllun um keppnina ásamt myndum er hægt skoða hér að neðan:

Teitur Riddermann hreppti titilinn Hraðasti barþjónninn 2021 – Myndir frá keppninni

 

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið