Vertu memm

Nýtt bakarí, veitingahús, fisk- og kjötbúð og hótel

Sælkerabúð Slippsins opnar í desember

Birting:

þann

Sælkerabúð Slippsins - Slippurinn í Vestmannaeyjum

Eigendur Slippsins
Auðunn Arnar Stefnisson, Katrín Gísladóttir, Indíana Auðunsdóttir og Gísli Matthías Auðunsson

Síðastliðna daga hafa eigendur Slippsins í Vestmannaeyjum unnið hörðum höndum að breyta veitingarými ÉTA að Strandvegi 79 í sælkerabúð Slippsins.

Opnað verður snemma í desember og verður búðin opin fram að áramótum.

Ferskur fiskur og fiskréttir, gómgleðjandi ostar, gæða hráskinkur og meyrnað kjöt ásamt nokkrum gæðavörum í bland verður í boði í sælkerabúðinni.

„Við höfum fengið til liðs við okkur Eirný Ostasérfræðing sem oft hefur verið kennd við Ljúfmetisverslunina Búrið og Matarmarkað Íslands sem hún hefur stjórnað um árabil sem ætlar að vera okkur innan handar. Ekki hægt að fá betri reynslu inn í fjölskyldufyrirtækið okkar.“

Segir í tilkyningu frá Slippnum.

Hægt verður að panta sérlagað Nauta wellington fyrir jól og áramót, ásamt mismunandi týpum af gröfnum laxi, hinni víðfrægu humarsúpu Slippsins, súkkulaðimús svo eitthvað sé nefnt.

Mynd: facebook / Slippurinn

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Nýtt bakarí, veitingahús, fisk- og kjötbúð og hótel

Noma opnar hamborgarastað

Birting:

þann

POPL - Noma

Einn besti veitingastaður í heimi Noma, sem er einnig þekktur fyrir 18 rétta matseðil sem kostar litlar 54 þúsund á mann, stefnir nú á að opna hamborgarastað.

Tveggja Michelin-stjörnu veitingastaðurinn Noma sem staðsettur er í Kaupmannahöfn í Danmörku, í eigu René Redzepi, opnar hamborgarastaðinn POPL við Strandgötuna í Kaupmannahöfn þar sem fjölbreyttur matseðill verður í boði.

Um 6 mánaðarbið er eftir borði á Noma en á POPL verður hægt að ganga beint inn frá götunni og panta rétti til að borða á staðnum eða taka með. Það er ekkert launungarmál að Noma fer í þessar framkvæmdir vegna heimsfaraldursins Covid-19.

POPL - Noma

Starfsfólkið á POPL

POPL er frá latneska orðinu „populus“ sem þýðir fólk, og mun staðurinn opna 3. desember næstkomandi.

Bragðgóður matseðill, þar sem boðið verður upp á mahóní samloka með þangfræjum og krækiberjum, nautakjöts-, grænmetis-, og vegan hamborgara, franskar og nokkra hliðardiska.

POPL - Noma

Hamborgararnir kosta í kringum 3000 íslenskar krónur og franskar og aðrir hliðardiskar á 1000 íslenskar krónur.

„Við leggjum mikla alúð og metnað í hamborgarana, nautakjötið kemur t.a.m. frá lífrænum býlum við strendur Vaðhafsþjóðgarðsins. Grænmetis- og vegan hamborgararnir eru gerðir úr gerjuðum kínóa.“

segir René Redzepi fréttatilkynningu.

Heimasíða POPL

Myndir: poplburger.com

Lesa meira

Nýtt bakarí, veitingahús, fisk- og kjötbúð og hótel

Kurdo Kebab opnar á Ísafirði

Birting:

þann

Kurdo Kebab á Ísafirði

Kurdo Kebab á Ísafirði

Eigendur Kurdo Kebab og Kurdo Pizza á Akureyri hafa opnað nýjan veitingastað á Ísafirði undir nafninu Kurdo Kebab.

Staðurinn er staðsettur í húsinu Neista í miðbæ Ísafjarðar og býður upp á kebab, Shawrama, Falafel og fleira góðgæti.

Matseðilinn er hægt að skoða í heild sinni á vefslóðinni www.kurdokebab.com

Mynd: facebook / Kurdo Kebab

Lesa meira

Nýtt bakarí, veitingahús, fisk- og kjötbúð og hótel

Lemon opnar á Sauðárkróki – Sólskin í glasi og sælkerasamlokur

Birting:

þann

Lemon afgreiðsla

Sjöundi Lemon staðurinn mun opna í byrjun árs 2021 á Sauðárkróki. Um er að ræða sérleyfisstað sem rekinn verður af hjónunum Stefáni Jónssyni og Hasna Boucham. Mikil eftirspurn er eftir slíkum veitingastað á Sauðárkróki.

„Fólkið hér hugsar um heilsuna og vill hollan og góða skyndibita,“

segir Stefán.

Veitingastaðurinn verður að Aðalgötu 20b en einnig verður í húsnæðinu að finna Escape room sem og Sport bar.

Lemon afgreiðsla

Lemon opnaði fyrsta samloku- og djússtaðinn í mars 2013 og hefur vaxið jafnt og þétt síðan þá. Nú eru þrír staðir á höfuðborgarsvæðinu, Suðurlandsbraut 4, Hjallahrauni 13 í Hafnarfirði og í Salalaug Kópavoginni. Tveir staðir eru á Akureyri, Ráðhústorgi og Glerárgötu og einn staður er á Húsavík að Héðinsbraut.

Sjöundi staðurinn verður svo opnaður með pomp og prakt á Sauðárkróki í byrjun árs 2021.

Lemon

Eigendurnir Unnur Guðríður Indriðadóttir og Jóhanna Soffía Birgisdóttir

„Við erum virkilega spennt fyrir opnun Lemon á Sauðárkróki. Það verður boðið upp á sömu áherslur á nýja staðnum, sælkerasamlokur og ferskustu djúsa landsins, einstakt andrúmsloft og stemningu,“

segir Unnur Guðríður Indriðadóttir, einn eigenda Lemon.

Veitingastaðurinn Lemon hefur notið mikilla vinsælda á meðal landsmanna, en staðurinn sérhæfir sig í samlokum og ferskum söfum.

„Samlokurnar og djúsarnir hafa verið aðalsmerki okkar en það er einnig hægt að fá vefjur, salöt, hafragraut, orkuskot og kaffi hjá okkur,“

segir Jóhanna Soffía Birgisdóttir, einn eigenda Lemon.

„Það er okkur mikill heiður að fá að bæta í á landsbyggðinni og vonum að staðirnir verða enn fleiri á næsta ári,“

segir Unnur að lokum.

Myndir: aðsendar

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag