Vertu memm

Viðtöl, örfréttir & frumraun

Reykjavík Meat fagnar 2 ára afmæli sínu með girnilegu afmælistilboði – Myndir og vídeó

Birting:

þann

Veitingastaðurinn Reykjavík Meat

Veitingastaðurinn Reykjavík Meat fagnar nú tveggja ára afmæli og af því tilefni býður staðurinn upp á girnilegan 4 rétta seðil á frábæru afmælisverði, aðeins 6.990 kr.

Reykjavík Meat opnaði þann 7. september 2018 á horninu á Frakkastíg og Hverfisgötu í nýju húsi á gamalgrónum stað í miðbæ Reykjavíkur, og hefur fest sig í sessi sem eitt af vinsælustu steikhúsum landsins.

Sjá einnig:

Nýr veitingastaður stimplar sig inn rækilega í veitingaflóru Reykjavíkur

Ásamt miklum metnaði í hráefnis vali og breiðu úrvali af steikum, þá er vínkompan sem grípur forvitin augu. Í henni er rými fyrir allt að 90 tegundir af rauðvíni og hátt í 360 flöskur.

„Við erum mjög mikið að vinna með frönsk, ítölsk og bandarísk vín. En erum þó með vín frá Spáni, Argentínu, Chile, Suður-Afríku, Ástralíu, Nýja-Sjálandi og Portúgal. Við erum með flottan lista yfir Bordeaux sem eru einmitt frábær vín oft með flottum, þroskuðum tannínum sem þú einmitt vilt með fitumiklum steikum sem dæmi má nefna Sashi og Ribeye steikur.“

Segir á heimasíðu Reykjavík meat.

Mikill metnaður er líka í kokteilgerð hjá Reykjavík Meat en Íslandsmeistari Barþjóna er einn af veitingastjórum staðarins, Patrekur Ísak og má til gamans geta þess að Patrekur hreppti fjórða sætið á heimsmeistaramóti sama ár.

Sjá einnig:

Patrekur Ísak er Íslandsmeistari barþjóna – Öll úrslit kvöldsins í RCW

Afmælistilboðið

Þetta girnilega afmælistilboð hófst 31. ágúst s.l. og stendur yfir til 13. september næstkomandi.

Carpaccio
Klettasalat, parmesan, truffluolía, sítróna.

Bleikja
Svartur hvítlaukur, parmaskinka, pera,
graskersfræ, stökkt brauð, dill

Nautalund
Sæt kartafla, rauðlaukur, sellerírót, smælki kartöflur, soðgljái.

“SNICKERS”
Salthnetur, karamella, mjólkursúkkulaði

Vídeó

3D myndir af RVK Meat hér.

Myndir: aðsendar

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Viðtöl, örfréttir & frumraun

Kjötsúpueldun í beinni útsendingu fékk mikla athygli – Átta þúsund áhorf á viðburðinn – Sjáðu myndbandið hér

Birting:

þann

Gísli Matthías Auðunsson

Gísli Matthías Auðunsson,matreiðslumeistari, eldaði gömlu góðu ömmukjötsúpuna í beinni útsendingu á samfélagsmiðlum síðastliðinn laugardag en um átta þúsund manns horfðu á útsendinguna.

Á laugardaginn, fyrsta vetrardag, var kjötsúpudagurinn haldinn með breyttu sniði vegna kórónuveirufaraldursins. Í stað uppákomu á Skólavörðustíg eins og undanfarin ár, eldaði Gísli Matthías Auðunsson, matreiðslumeistari, kjötsúpu í beinni útsendingu á Netinu frá Súlnasal Hótel Sögu.

Var um samstarfsverkefni Landssamtaka sauðfjárbænda og Sölufélags garðyrkjumanna að ræða og tókst vel að elda gömlu góðu ömmukjötsúpuna í beinni sem þjóðin hafði valið nokkrum dögum fyrr sem besta kjötsúpan á Facebook-síðu lambakjöts.

„Þrátt fyrir nokkra tæknihnökra þá gekk þetta stórvel og fengum við um átta þúsund áhorf á viðburðinn sem er nokkuð gott. Við munum síðan halda áfram að framhefja viðburðinn á síðunni okkar í um vikutíma í viðbót,“

segir Hafliði Halldórsson, framkvæmdastjóri Icelandic Lamb.

Vekja athygli á hráefninu

„Okkur finnst þetta mikilvægt samstarf því það er engin kjötsúpa nema að hafa grænmeti og lambakjöt, það getur ekki án hvors annars verið. Við höfum alltaf styrkt þennan viðburð, garðyrkjubændur hafa látið í té grænmeti í súpuna, rófur, kartöflur, gulrætur og hvítkál ef hefur þurft.

Það hefur verið gaman að fara niður eftir á Skólavörðustíg og smakka mismunandi útgáfur af súpum í gegnum árin á fyrsta vetrardag. Það er stemning að taka þátt í þessu og ánægjulegt að geta gert það. Þetta var gert öðruvísi núna vegna ástandsins og ég held að við höfum náð til yngri markhóps í gegnum samfélagsmiðlana. Þetta vekur vitund og það voru margir sem sáu útsendinguna og þó að allir hafi ekki horft frá upphafi til enda þá vekur þetta athygli á hráefninu sem slíku.

Þetta er hvatning fyrir fólk að fara út í búð og kaupa þessar afurðir, íslenskt grænmeti og lambakjöt og með þessu móti höfum við sennilega náð til þeirra sem ætluðu sér jafnvel ekki að elda kjötsúpu. Það að fá fólk til að dansa þennan dans í eldhúsinu og útbúa sína útgáfu af íslensku kjötsúpunni er mikilvægt,“

segir Kristín Linda Sveinsdóttir, markaðsstjóri Sölufélags garðyrkjumanna.

Kjötsúpueldun í beinni útsendingu (upptaka)

Mynd: bbl.is

Lesa meira

Viðtöl, örfréttir & frumraun

Áhugaverður þáttur – Í eldlínunni: (Um)bylting í eldhúsinu

Birting:

þann

The Heat: A Kitchen (R)evolution

Mynd: skjáskot úr myndbandi.

Kanadísk heimildarmynd um kokkastarfið var sýnt í Ríkisútvarpinu, þar sem sjö kvenkyns kokkar ræða hvað þarf til að komast á toppinn í geira sem lengi hefur verið stjórnað af körlum og hvernig kokkamenningin er hægt og rólega að breytast.

Smellið hér til að horfa á þáttinn.

Lesa meira

Viðtöl, örfréttir & frumraun

Svona var veitingalífið á fyrsta vetrardag fyrir 50 árum

Birting:

þann

Í dag er fyrsti vetrardagur, laugardagurinn að lokinni 26. viku sumars og svona var veitingalífið á fyrsta vetrardag fyrir 50 árum síðan.

fyrsti vetrardagur, laugardagurinn að lokinni 26. viku sumars

Mynd: timarit.is

Lesa meira

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag