Vertu memm

Frétt

Ráðherra afhentar tillögur um betri merkingar á matvælum

Birting:

þann

Matarkerra

Samráðshópur um betri merkingar á matvælum hefur skilað tillögum til Kristjáns Þórs Júlíussonar, sjávarútvegs- og landbúnaðarráðherra. Í þeim felast meðal annars leiðir til að bæta skilyrði og stöðu neytenda til að taka meðvitaða og upplýsta ákvörðun varðandi uppruna matvæla, auka ráðgjöf og bæta leiðbeiningar varðandi notkun þjóðfána á matvælum og að stjórnvöld stuðli að því að hægt verði að nota nýjar tæknilausnir til að geta stóraukið upplýsingagjöf til neytenda.

Samráðshópurinn er liður í samkomulagi sjávarútvegs- og landbúnaðarráðherra, Bændasamtaka Íslands, Neytendasamtakanna, Samtaka verslunar og þjónustu, Félagi atvinnurekenda, og Samtaka iðnaðarins sem undirritað var í febrúar 2019. Samkomulagið lýtur að því að gera gangskör í því að bæta merkingar á matvælum og tryggja betur rétt neytenda til upplýsinga.

Í skýrslunni er einnig að finna yfirlýsingu frá þeim aðilum sem standa að skýrslunni, en hún hljóðar svo:

„Það er sameiginlegt hagsmunamál neytenda, stjórnvalda, verslunarinnar, framleiðenda og innflytjenda að bæta enn frekar merkingar á matvælum og tryggja þannig betur rétt neytenda til upplýsinga, m.a. um uppruna, framleiðsluhætti, lyfjanotkun og umhverfisáhrif þeirra.

Undirritaðir aðilar ítreka því mikilvægi þess að standa vel að merkingum matvæla og hvetja ofangreinda aðila til þess að láta sig þetta mikilvæga málefni varða.Vilji undirritaðra er að tillögur starfshópsins nái fram að ganga og munu allir leggjast á eitt um að svo megi verða.“

Tillögur hópsins má finna í meðfylgjandi skýrslu en helstu tillögur hans eru að:

  • Stjórnvöld fylgist vel með þróun nýrra tæknilausna og stuðli að því að slíkar lausnir verði nýttar í sem mestum mæli en þær geta stóraukið upplýsingagjöf um matvæli til neytenda.
  • Aukin verði ráðgjöf og leiðbeiningar bættar um notkun þjóðfána á matvælum.
  • Bætt verði skilyrði og staða neytenda til þess að taka meðvitaða og upplýsta ákvörðun varðandi uppruna fersks kjöts sem er á boðstólnum á veitingastöðum, mötuneytum og öðrum stöðum sem selja matvæli sem ekki eru forpökkuð.
  • Bætt verði skilyrði og staða neytenda til þess að taka meðvitaða og upplýsta ákvörðun varðandi uppruna fiskafurða sem seldar eru í matvöruverslunum með því að gera auknar kröfur til merkinga fiskafurða hér á landi. Lagt er til að gerðar verði sambærilegar kröfur og gerðar eru innan Evrópusambandsins.
  • Upplýsa rekstraraðila, sem selja matvæli sem ekki eru forpökkuð, um mikilvægi réttrar tilgreiningar á þeim efnisþáttum sem skipt hefur verið út fyrir aðra þætti. Hér er t.d. átt við matvæli sem ekki innihalda dýraafurðir en eru merkt „mjólk“ eða „rjómi.“ Mikilvægt er að tryggja að upplýsingar og merkingar á matvælum séu ekki villandi fyrir neytendur.
  • Taka til skoðunar valkvæðar merkingar sem geta bætt upplýsingagjöf til neytenda svo sem Nutri Score næringamerki sem notað er innan Evrópusambandsins, sameiginlegt upprunamerki fyrir innlendar búvörur sem og matarhandverksmerki sem er til þess fallið að auka möguleika neytenda á að aðgreina matarhandverk frá fjöldaframleiddum vörum.
  • Yfirvöld sýni gott fordæmi og birti kolefnisspor þeirra máltíða sem boðið er upp á í mötuneytum ríkisaðila. Jafnframt er lagt til að skapaður verði efnahagslegur hvati sem stuðla að því að matvælaframleiðendur, vinnsluaðilar og verslunin greini og birti upplýsingar um kolefnisspor.
  • Bændasamtök Íslands hafa lýst yfir vilja til að eiga og reka sameiginlegt myndmerki fyrir landbúnaðinn, svokallað Búvörumerki, sem matvælaframleiðendur hafa val um að setja framan á umbúðir matvæla úr innlendum búvörum sem innihalda að lágmarki 75-80% innlend hráefni. Að mati hópsins myndi innleiðing slíks merkis auðvelda upplýst val neytenda tengt uppruna búvara og sér því ávinning af henni fyrir neytendur. Hópurinn vill jafnframt sjá að framleiðendur séu hvattir til að leggja metnað sinn í að merkja á skýran hátt upprunaland búvara, óháð því hvort þeim sé það skylt eða ekki.
  • Átaksverkefni verði hrundið af stað sem miðar að því að tryggja aukna meðvitund neytenda um rétt sinn til upplýsinga um matvæli og hvar þeir geti nálgast slíkar upplýsingar. Átakið verði einnig til þess fallið að fyrirtæki verði betur meðvituð um þær kröfur sem til þeirra eru gerðar.
  • Kannað verði viðhorf neytenda til merkinga matvæla.

 Nálgast má skýrsluna hér.

Mynd: úr safni

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Frétt

Hinn goðsagnakenndi kokkur Pierre Troisgros látinn, 92 ára að aldri

Birting:

þann

Pierre Troisgros

Pierre Troisgros árið 2012

Franski kokkurinn Pierre Troisgros, einn af stofnendum Nouvelle-matargerðarinnar, er látinn 92 ára að aldri.

Troisgros var þekktur fyrir að búa til klassíska rétti eins og lax í sorrelsósu og fyrir að reka fjölskylduhótel sitt og veitingastað, Troisgros sem hefur haldið þremur Michelin stjörnum síðan 1968.


Mynd: Wikimedia Commons: Pierre Troisgros. Höfundur myndar er Troisgros Fanny. Birt undir CC BY-SA 4.0 Free Documentation License leyfi.

Lesa meira

Frétt

263 umsóknir í Matvælasjóð

Birting:

þann

Kristján Þór Júlíusson, sjávarútvegs- og landbúnaðarráðherra

Kristján Þór Júlíusson, sjávarútvegs- og landbúnaðarráðherra

Alls bárust 263 umsóknir um styrki úr nýstofnuðum Matvælasjóði, en umsóknarfrestur var til mánudagsins 21. september 2020. Sjóðurinn hefur 500 milljónir til úthlutunar og næstu skref eru þau að umsóknirnar fara til fagráða sjóðsins sem munu veita umsögn um þær og í kjölfarið mun stjórn sjóðsins gera tillögu til ráðherra um úthlutun úr sjóðnum.

Sjá einnig:

Kristján Þór opnar fyrir umsóknir í Matvælasjóð – Frábært tækifæri fyrir þá sem luma á góðri hugmynd

Úthlutað er úr fjórum styrktarflokkum, Báru, Afurð, Fjársjóð og Keldu.

Bára styrkir verkefni á hugmyndastigi og er styrknum ætlað að fleyta hugmynd yfir í verkefni. Alls bárust 126 umsóknir í Báru.

Afurð styrkir verkefni sem komin eru af hugmyndastigi og miða að því móta og þróa afurð og gera hana verðmætari. Alls bárust 50 umsóknir í Afurð.

Kelda styrkir rannsóknarverkefni sem miða að því að skapa nýja þekkingu. Alls bárust 48 umsóknir í Keldu.

Fjársjóður styrkir sókn á markaði. Alls bárust 37 umsóknir í Fjársjóð.

Kristján Þór Júlíusson, sjávarútvegs- og landbúnaðarráðherra:

„Það er frábært að sjá hversu mikill áhugi er á Matvælasjóði og staðfesting á þeirri sókn sem fram undan er í íslenskri matvælaframleiðslu. Með sjóðnum rennum við frekari stoðum undir íslenska matvælaframleiðslu og hvetjum til aukinnar verðmætasköpunar og nýsköpunar.“

Frumvarp sjávarútvegs- og landbúnaðarráðherra um stofnun sjóðsins var samþykkt á Alþingi í apríl sl. Hlutverk sjóðsins að styrkja þróun og nýsköpun við framleiðslu og vinnslu matvæla úr landbúnaðar- og sjávarafurðum. Áhersla er á nýsköpun, sjálfbærni, verðmætasköpun og samkeppnishæfni íslenskrar matvælaframleiðslu um land allt. Áætlað er að úthlutun fari fram í lok október eða byrjun nóvember.

Nánar um sjóðinn á www.matvælasjóður.is

Mynd: stjornarradid.is

Lesa meira

Frétt

Reykjagarður hefur stöðvað sölu á kjúklingi vegna gruns um salmonellu

Birting:

þann

Heill Kjúklingur

Matvælastofnun varar við neyslu á tilteknum kjúklingi vegna gruns um salmonellu. Reykjagarður hf. hefur stöðvað sölu og innkallar af markaði eina lotu af kjúklingi.

Innköllunin nær eingöngu til eftirfarandi rekjanleikanúmers:

Vöruheiti: Holta, Kjörfugl og Krónu kjúklingur (Heill fugl, bringur, lundir, bitar)
Rekjanleikanúmer: 001-20-33-1-02
Dreifing: Iceland verslanir, Hagkaupsverslanir, Krónan, KR, Kjarval, Nettó, Costco, Extra24, Heimkaup, Kaupfélag Skagfirðinga, Bjarnabúð, Kjörbúðin, Hlíðakaup

Neytendur sem hafa keypt kjúklinga með þessu rekjanleikanúmeri eru beðnir að skila vörunni til viðkomandi verslunar eða beint til Reykjagarðs hf., Fosshálsi 1, 110 Reykjavík.

Mynd: úr safni

Lesa meira
  • Goggi á Kalda bar 22.09.2020
    Georg Leite | Hristarinn Happy Hour með The Viceman George Leite eða Goggi er barþjónn sem á ættir sínar að rekja til Brasilíu. Hann er menntaður viðskiptafræðingur og auk þess að vera barþjónn hefur hann reynt fyrir sér sem leikari og á fjölmörgum vettvöngum. Hann er einn af eigandi heildsölunnar Drykkur sem flytur inn úrval […]
  • Bjartur Daly Þórhallsson 14.09.2020
    Bjartur Daly Þórhallsson | Hristarinn Happy Hour með The Viceman Bjartur Daly er barþjónn sem hefur grunn frá Danmörku. Undanfarin ár hefur hann unnið á mörgum af vinsælustu börum landsins enn í dag starfar hann á veitingastaðnum Skál á Hlemmi Mathöll. Að undanförnu hefur Bjartur vakið athygli með kokteila-stefnu sem allir ættu að kynna sér […]

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag