Vertu memm

Nemendur & nemakeppni

Paté gerð hjá matreiðslunemum í þriðja bekk – Myndir

Birting:

þann

Þriðji bekkur matreiðslunema í Verkmenntaskólanum á Akureyri (VMA)

Á þessari önn er þriðji bekkkur í matreiðslu kenndur í annað skipti í VMA. Í desember 2018 lauk fyrsti hópurinn matreiðslunámi frá VMA og í vor lýkur annar hópurinn námi sínu frá VMA og tekur sveinspróf.

Átta nemendur eru í þriðja bekk á þessari önn, sex þeirra luku öðrum bekk vorið 2018 en tveir nemendanna luku honum í desember sl.

Auk verklegra tíma þar sem nemendur vinna undir handleiðslu Theódórs Sölva Haraldssonar matreiðslumeistara eru þeir í bóklegum áföngum í fagfræði og matseðlafræði, sem Theódór kennir, áfanga þar sem fjallað er um eftirrétti, sem Ari Hallgrímsson kennir, og áfanga um vínfræði, sem Edda Björk Kristinsdóttir kennir.

Þriðji bekkur matreiðslunema í Verkmenntaskólanum á Akureyri (VMA)

Í verklegu tímunum er bæði farið í heita rétti og kalda, eins og á fyrri stigum matreiðslunámsins, en þegar komið er í þriðja bekkinn er meiri áhersla á heitu réttina. Þegar litið var inn í verklegan tíma hjá matreiðslunemum í þriðja bekk í gær voru þeir að vinna forvitnilegt paté. Í nokkrum tímum er nemendum skipt í hópa og í hlut hópstjóra kemur að verkstýra og leggja línur með matseðil út frá því hráefni sem vinna skal úr.

Þriðji bekkur matreiðslunema í Verkmenntaskólanum á Akureyri (VMA)

Nemendurnir átta með Theódór Sölva kennara.

Theódór segir að námið sé fyrst og fremst víðtæk þjálfun í ótal mörgum hlutum þar sem byggt er ofan á þá þekkingu sem nemendur hafa aflað sér á fyrri stigum námsins og á vinnustað, því allir eru þessir nemendur annað hvort að vinna í hlutastarfi með náminu eða hafa starfað áður á veitingastöðum. Theódór segir að í náminu sé tekið mið af því að nemendur fara í sveinspróf í maí og því er allt kapp lagt á að þeir verði sem allra best búnir undir það.

Myndir: vma.is

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Keppni

Íslenskur keppandi keppir á Ólympíuleikum í matreiðslu

Birting:

þann

Anton Elí Ingason

Anton Elí Ingason

Í næstu viku, 28 jan – 2 feb, fara fram Ólympíuleikar ungkokka í Indlandi og mun Ísland eiga keppanda þar. Alls taka 32 þjóðir þátt í keppninni hvaðanæva frá í heiminum. Síðast þegar Ísland keppti hreppti Ísland 6. sætið. Til mikils er að vinna, því verðlaunafé fyrir sigur í þessari sterku keppni er 1,2 milljónir.

Keppnin fer fram í 6 borgum víðsvegar um Indland og mun Ísland keppa í Deli, Goa og Kolkata.

Er þetta í annað sinn sem að ísland tekur þátt.

Sjá einnig: Frábær frammistaða Ásdísar í stærstu ungkokka keppni á Indlandi

Keppandinn sem um ræðir heitir Anton Elí Ingason og er frá Akranesi. Hann hefur verið aðstoðarmaður í Boucus O´dor þegar Bjarni Siguróli keppti fyrir Íslands hönd. Einnig hefur Anton starfað á sumum af bestu veitingahúsum Íslands eins og Nostra.

Peru eftirrétturinn

Peru eftirrétturinn

Anton hefur æft stíft fyrir keppnina í Hótel og matvælaskólanum undanfarnar vikur. Í æfingunum skiptir tímasetning öllu segir Anton, því keppendum er úthlutað tíma í verkefnin, aðeins 1 og hálfur tími á hverjum keppnisdegi og eru verkefnin mjög margbreytileg. Allt frá úrbeiningu á kjúklingi og elda aðalrétt úr honum yfir í bakstur á perueftirrétti eða grænmetisrétti úr framandi hráefni.

Aðspurður segir Anton að hann hlakki mest til að vinna með allt það framandi hráefni sem verður skaffað, margt nýtt sem hann hefur ekki unnið með áður.

Hinrik Carl Ellertsson

Hinrik Carl Ellertsson

Þjálfarinn hans í keppninni er Hinrik Carl Ellertsson, sem var rekstarstjóri á Dill restaurant auk þess að starfa í dag sem kennari við Hótel og matvælaskólann.

„Ég hef mikla trú á drengnum, hann hefur staðið sig vel í undirbúningi og er mikil tilhlökkun í hópnum.“

Veitingageirinn.is mun fylgjast vel með og færa ykkur fréttir og myndir frá keppninni.

Einnig verður hægt að fylgja keppendum á Instagram reikning Matarauðs.

Myndband frá keppninni árið 2016

Myndir: aðsendar

Lesa meira

Nemendur & nemakeppni

Listakonan AnaÏs kom í heimsókn í Hótel-, og matvælaskólann

Birting:

þann

Listakonan AnaÏs

Nemendur í öðrum bekk í matreiðslu fengu listakonuna AnaÏs í heimsókn nú á dögunum, en hún var stödd á Íslandi á vegum franska sendiráðsins.

Anaïs er sérleg áhugakona um hverskonar gerjun og vinnur hún með gerjun í listsköpun sinni í formi skúlptúra og ljósmynda.

Ostagerð var megin viðfangsefnið í þessari heimsókn. Hún fjallaði um gerlana kefir, matsoni og filmjölk. Hún leiddi nemendur í gegnum ferlið á gerjun á mjólk og síun svo úr verði ostur og fengu nemendur og kennarar að bragða á osti sem Anais hafði gert 3 dögum áður.

Þetta vakti mikinn áhuga og fengu allir nemendur ostagerla til að gera sína eigin osta í framtíðinni.

Listakonan AnaÏs

Myndir: mk.is

Lesa meira

Keppni

Besti kokkanemi Spánar valinn á viðburði Bacalao de Islandia

Birting:

þann

Kokkanemi ársins - Bacalao de Islandia

Dómarar og keppendur

Á Spáni er íslenskur saltfiskur þekktur fyrir gæði og á sér sérstakan stað í hjörtum margra. Mikilvægt er að kynna þetta hráefni fyrir yngri kynslóðum matreiðslumanna.

Því hefur markaðsverkefnið Bacalao de Islandia lagt ríka áherslu á að heimsækja kokkaskóla og kynna íslenskan saltaðan þorsk undanfarin ár, í samstarfi við þekkta matreiðslumenn. Bacalao de Islandia hefur nú náð til yfir 1000 matreiðslunema á þeim fimm árum sem verkefnið hefur staðið yfir.

Þann 14. nóvember sl. var stigið nýtt skref í þessu verkefni, en þá fór fram glæsilegur viðburður í CETT matreiðsluskólanum í Barcelona, á vegum Bacalao de Islandia. Blásið var til keppni þar sem færasti saltfiskkokkanemi Spánar var valinn. Hópur fulltrúa frá íslenskum framleiðendum og söluaðilum gerði sér ferð til Barcelona til að fylgjast með keppninni og kynna sér starfið, m.a. með heimsóknum á matarmarkaði og í saltfiskverslanir. Á meðan heimsóttu nemarnir höfuðstöðvar Iceland Seafood í Barcelona.

Kokkanemi ársins - Bacalao de Islandia

Í keppninni öttu kappi átta kokkaskólar víðsvegar frá Spáni

Kokkanemi ársins - Bacalao de Islandia

Dómnefndin að störfum.
Á meðal dómara var Michelin kokkurinn Carles Gaig.

Í keppninni öttu kappi átta kokkaskólar víðsvegar frá Spáni, meðal annars frá Barcelona, Sevilla, Bilbao, Valencia og Toledo, sem eru einmitt skólar sem Bacalao de Islandia verkefnið hefur heimsótt á undanförnum árum. Sköpunargleði og metnaður einkenndi framlag allra nemanna sem tóku þátt og þurfti dómnefndin, sem m.a. var skipuð Michelin kokkinum Carles Gaig, að taka á honum stóra sínum til að komast að niðurstöðu.

Kokkanemi ársins - Bacalao de Islandia

Odalrich Chivia frá Barcelona varð hlutskarpastur og hreppti titilinn Kokkanemi ársins 2019

Matreiðsluneminn Odalrich Chivia frá Barcelona varð hlutskarpastur, en hann mun koma til Íslands í byrjun næsta árs, ásamt kennara, og sýna íslenskum nemum hvernig Spánverjar elda saltfisk.

Stefnt er að því að hafa þessa keppni árlegan viðburð héðan í frá.

Myndir: islandsstofa.is

Lesa meira
  • Alþjóðlegi Margarita dagurinn 22.02.2020
    Í dag þann 22 febrúar er hin alþjóðlegi margarita dagur haldin hátíðlegur.  Taka skal fram að dagurinn á alls ekkert skilt við flatbökuna með sem skartar sama nafni. Um er að ræða heimsfræga kokteilinn Margarita sem inniheldur í grunninn tekíla og margir telja að eigi uppruna sinn að rekja til Mexíkó. Uppruni alþjóðlega Margarita dagsins […]
  • Frozen Margarita 22.02.2020
    Frozen Margarita45 ml Padré Azul Blanco22,5 ml Triple Sec22,5 ml Lime Safi 15 ml Sykursíróp Tækni: Blandaður Glas: CoupéSkreyting: Lime (salt ef fólk vill) Aðferð: Öll hráefnin sett í blandara ásamt einum bolla af muldum klaka. Lykil atriði að hella drykknum (krapinu) í ískalt coupé glas til að halda hitastiginu frosnu sem lengst

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag