Vertu memm

Starfsmannavelta

Óljóst hvort Grillið verður opnað aftur – Hótel Saga leitar nýrra hluthafa

Birting:

þann

Réttur frá Grillinu; Belon ostrur, laukar, rúgbrauð og dill

Bændasamtökin leita nýrra hluthafa að rekstrarfélagi Hótels Sögu. Fyrirtækið stefnir að öllu óbreyttu í þrot. Félagið skilaði 450 milljóna króna tapi í fyrra og er eigið fé félagsins neikvætt um hundruð milljóna króna.

Spilaði fall WOW air og kyrrsetning Boeing 737 MAX véla inn í versnandi stöðu á liðnu ári að því er Ingibjörg Ólafsdóttir, framkvæmdastjóra fyrirtækisins, segir í umfjöllun um stöðu þess í Morgunblaðinu í dag.

„Leitað verður eftir því að fá inn nýtt fé í formi nýrra hluthafa og fjárhagslegrar endurskipulagningar að öðru leyti. Sú vinna er á viðkvæmu stigi. Ferðaþjónustufyrirtæki eru öll í erfiðleikum eins og kunnugt er og Hótel Saga er þar engin undantekning. Við vonumst til að ná árangri við okkar endurskipulagningu á þessu ári og trúum því að það takist.“

Á þessari stundu er ekki ljóst hvort Grillið, eitt frægasta og virtasta veitingahús landsins til áratuga, verður opnað aftur og mun það að sögn Ingibjargar ráðast af því hvort rekstrarfyrirkomulag staðarins verður hagkvæmt eða ekki.

Á síðustu árum hefur Hótel Saga staðið í miklum framkvæmdum á hótelinu og nemur fjárfesting í þeirri uppbyggingu um tveimur milljörðum á árunum 2017-2018.

Sjá einnig:

Hótel Saga gerir kröfu um að matvörur séu upprunamerktar – Viðtal

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar hér >>

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið