Vertu memm

Nýtt bakarí, veitingahús, fisk- og kjötbúð og hótel

Nýtt bakarí opnar á Ármúla – Ekki bara bakarí

Birting:

þann

RÖFF - Bakarí - Ármúla 42 í Reykjavík

Nýtt bakarí opnaði nú á dögunum sem staðsett er við Ármúla 42 í Reykjavík. Bakaríið heitir RÖFF með slagorðinu „Ekki bara bakarí.“

Það eru eigendur Veislunnar á Seltjarnarnesi sem eru rekstraraðilar RÖFF.

RÖFF - Bakarí - Ármúla 42 í Reykjavík

Ísak Runólfsson bakarameistari stendur vaktina

Á RÖFF er fjölbreyttur matseðill í boði, súpur í hádeginu, þá bæði rjómalagaðar og vegan súpur.  Fullt af sætindum, smurðum samlokum og bakkelsi, skinku brauðsnúðar, súrdeigsrúnstykki, sérbökuð vínabrauð, ostaslaufur, margar tegundir af snúðum svo fátt eitt sé talið.

Síðan má ekki gleyma vinsælu pizzurnar frá Ísaki bakarameistara sem eru bakaðar á staðnum.

Myndband:

Myndir: facebook / RÖFF

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Nýtt bakarí, veitingahús, fisk- og kjötbúð og hótel

Lalli kokkur með nýjan matarvagn

Birting:

þann

Hjörleifur Árnason matreiðslumaður

Hjörleifur Árnason með nýja vagninn

Hjörleifur Árnason matreiðslumaður, sem er betur þekktur sem Lalli kokkur stefnir á að opna nýjan matarvagn á Akureyri.

Lalli rak veitingastaðinn Akureyri Fish & Chips til fjölda ára og sagði upp húsnæðinu í fyrra eftir að það var dæmt ónýtt.

„Í allan vetur er ég búinn að vera að leita að matarvagni og sækja um leyfi hjá bænum fyrir honum. Þetta ferli er búið að taka bæði tíma og á taugarnar. Gæti skrifað heila bók um allt sem fór úrskeiðis í þessu ferli en hún yrði ekki metsölubók sökum leiðinda.“

Sagði Lalli á facebook en hann fann loksins vagn í Hollandi og lét senda hann til Íslands með Smyril line og bætir við:

„Nú taka við dagar og jafnvel vikur í að modda, laga, hanna, smíða, sækja um leyfi og koma öllum tækjunum fyrir í vagninum svo það sé hægt að fara að selja fisk og franskar aftur og eitthvað meira.“

Hvers vegna að opna matarvagn?

Veitingageirinn.is forvitnaðist hjá Lalla um matarvagninn, hvað boðið verður upp á og hvers vegna að opna matarvagn.

„Á haustdögum 2020 fór ég að skoða þann möguleika að kaupa matarvagn þar sem ég var nýbúinn að loka veitingastaðnum Akureyri fish & chips á Skipagötu á Akureyri. Ég hafði samband við nokkur fyrirtæki, bæði hérlendis og erlendis, sem sérhæfa sig í sölu á matarvögnum.

Eftir marga tölvupósta og símhringingar kom í ljós að eftirspurnin eftir matarvögnum í Evrópu er þvílík að nánast ekkert var í boði sem hentaði þeirri starfsemi sem ég var með í huga. Niðurstaðan var sú að þessi fyrirtæki gátu ekkert gert fyrir mig, kannski af því að ég er pínu óþolinmóður.“

Sagði Lalli hress í samtali við veitingageirinn.is

„Ég fór því sjálfur á stúfana og inná Hollenskri Facebook síðu sem selur notaða matarvagna og þar fann ég vagninn sem var “the perfect fit”.  Hafði samband við eigandann og náði samkomulagi um verð. Hann fór með vagninn til Rotterdam og Smyril line sá svo um að koma honum á Seyðisfjörð, þar sem ég náði í hann.

Nú fara næstu vikur í að laga vagninn að okkar aðstæðum og hlaða inn í hann tækjum frá Akureyri Fish & Chips sem hafa legið inn í geymslu í næstum ár núna.

Það sem verður öðruvísi við þennan vagn, miðað við flesta aðra vagna á landinu, er að þetta verður “drive through” eða beint í bílinn matarvagn.
Krafan um snertilaus (eða snertilítil) viðskipti verður stöðugt háværari og er matarvagn frábær leið til að koma til móts við þær kröfur.

Vagninn verður alltaf með fish & chips á boðstólnum en einnig ætlum við að prófa okkur áfram með nýja og ferska rétti þar sem áhersla verður á gott hráefni og örstuttan afgreiðslutíma. T.d. verður sérmarineraður djúpsteiktur klúklingur, leggur með læri, á seðlinum til að byrja með.

Nú er bara að krossa fingur að þær skýrslugerðir sem eftir eru taki ekki allt sumarið, við erum allavega mjög spennt að byrja.“

Við óskum Lalla til hamingju með matarvagninn og við munum fylgjast vel með framkvæmdum, formlegri opnun og fleira og flytja ykkur fréttir í máli og myndum.

Mynd: Hjörleifur Árnason / aðsend

Lesa meira

Nýtt bakarí, veitingahús, fisk- og kjötbúð og hótel

Nýtt hótel opnar 17. júní í Hafnarfirði

Birting:

þann

Hótel Hraun

Hótel Hraun

Fimmtudaginn 17. júní opnar nýtt hótel á Reykjavíkurvegi 72 í Hafnarfirði, Hótel Hraun. Á hótelinu eru 71 herbergi og glæsilegur bar.

Myndir og heimasíða: www.hotelhraun.is

Lesa meira

Nýtt bakarí, veitingahús, fisk- og kjötbúð og hótel

Gordon Ramsay opnar stærsta hamborgarastaðinn í veitingaveldi sínu

Birting:

þann

Gordon Ramsay - 02 Arena

Í júlí næstkomandi opnar Gordon Ramsay nýjan veitingastað 02 höllinni í London og er þetta stærsti skyndibitastaðurinn sem hann opnar í veitingaveldi sínu.  Í fyrra sendi hann frá sér tilkynningu að hann hefur hug á því að opna 50 nýja veitingastaði.

Ekki er um að ræða fine dining veitingastaði heldur meira í takt við skyndibitastaði, þó er hamborgarinn á nýja veitingastaðnum á Harrods í Bretlandi í dýrari kantinum eða um 15 þúsund krónur og þá á eftir að kaupa franskar og sósu.

Einnig hefur Gordon opnað „Street Burger“ veitingastaði sem staðsettir eru við St Paul’s, Covent Garden, Charing Cross Road og Woking í London og pizzustaðina „Street Pizza“ sem staðsettir eru í Battersea, Southwark, St Paul og Camden í London.

Hamborgarastaðurinn í 02 höllinni tekur 175 manns í sæti og er þar með stærsti skyndibitastaðurinn sem hann hefur opnað fram að þessu.

Sjá einnig:

Gordon Ramsay opnar þrjá nýja veitingastaði – Svona líta hamborgararnir út – Myndir og vídeó

Fleiri fréttir: Gordon Ramsay

Mynd: theo2.co.uk

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið