Mæðgurnar Guðbjörg Birkis Jónsdóttir og Tobba Marinósdóttir

Nýr veitingastaður opnar í mars úti á Granda þar sem 17 sortir voru áður til húsa. Tobba Marinósdóttir, ritstjóri og ábyrgðarmaður DV, ásamt fjölskyldu eru eigendur veitingastaðarins sem hefur fengið nafnið Granólabarinn.

Granólabarinn er kaffi-, veitingastaður og heilsufæðisverslun þar sem boðið verður upp á sykurlausar kræsingar.

Granólabarinn er staðsettur úti á Granda þar sem 17 sortir voru áður til húsa.

„Matseðilinn verður samsettur af vinsælustu réttum fjölskyldunnar svo sem snickersgranólastykkjum, nicecream og hristingum. Ekkert viðbætt rugl og engar aukaafurðir. Fallegur matur fyrir alla. Við munum aldrei selja neitt (nema mögulega kaffi) sem yngsta barnið í fjölskyldunni má ekki borða,“

segir Tobba í samtali við Smartland á mbl.is.

Granóla-„snickers“ er meðal þess sem verður á matseðlinum.

Tobba Marinósdóttir og móðir hennar Guðbjörg Birkis Jónsdóttir, hófu í fyrra að framleiða handgert granóla úr íslenskum höfrum og án viðbætts sykurs sem hefur verið fáanlegt í Bónus, Nettó, Hagkaup og nú bætist Granólabarinn við.

Myndir: facebook / Granólabarinn og Náttúrulega gott

Götumarkaðurinn „pop up“ er án efa eitt mest spennandi veitingahúsa konseptið á Íslandi í dag. Þar er að finna gríðarlega spennandi nýja staði og eiga þeir það allir sameiginlegt að vera alþjóðlegir!

Just Wingin It – Vængjavagninn er amerískur kjúklingavængjastaður sem hefur heldur betur slegið í gegn. Þeir unnu titilinn „besti smá bitinn“ í keppninni um „Besti Götubitinn 2020“ og voru dómnefnd sammála um að þetta væru bestu kjúklingavængir sem væri í boði á Íslandi.

Arctic Pies – er nýr ástralskur staður þar sem boðið eru uppá vinsælasta skyndibitann í Ástralíu, kjöt og grænmetis bökur. Bökurnar eru handgerðar með dýrindis úrvali af kjötmeti og meðlæti, en einnig eru þeir með grænmetis og vegan útgáfur af sínum bökum.

Nýr spennandi Dim Sum „pop up“ staður opnar á Götumarkaðnum 12 febrúar n.k. Bao Bao – Yum Cha er nýtt gríðarlega spennandi konsept þar sem hinn sjálfmenntaði kokkur frá Kanada, Lea Jade Kuliczkowski mun kynna fyrir okkur kínversku arfleið sinni í formi matar.

Hugmyndin er innblásin af ömmu hennar og bernskuminningum frá í kínahverfinu í Toronto. Heildar hugmyndin af konseptinu er að gestir njóti með vinum og fjölskyldu, deili matnum spjalli saman og upplifi ekta Kantóska matarupplifun og stemmingu.

Bókaðu borð sem fyrst, því um takamarkað sæta pláss er í boði og fagnaðu kínverska nýja árinu, ári Uxans. Borða pantanir fara í gegnum e-mailið: [email protected]

Mónópól Bar – er „pop up“ barinn í húsnæðinu og er stjórnað af Andreas, en þess má geta að hann er frá Svíþjóð.

Komdu og kíktu á alþjóðlegasta Götumarkaðinn á Íslandi, til hvers að fara erlendis, þegar þú getur komið á Götumarkaðinn Klapparstíg 28-30

Staðsetning:

Klapparstígur 28-30 (inngangur við Hjartatorg)

Opið – miðvikudaga til sunnudaga.

Arnþór Sigurðsson og Helga Guðmundsdóttir

Í október í fyrra lokaði Hólabúðin og 380 veitingastaðurinn á Reykhólum, en þá höfðu þá Ása Fossdal og Reynir Þór Róbertsson staðið vaktina frá opnun verslunarinnar frá árinu 2015. Veitingastaðurinn opnaði árið 2018.

Sjá einnig:

Nýr veitingastaður á Reykhólum – Ærkjöt er í hávegum haft á matseðlinum

Húsnæði verslunarinnar og veitingastaðarins, sem er í eigu sveitarfélagsins, var auglýst til leigu og barst ein umsókn, frá Helgu Guðmundsdóttur og Arnþóri Sigurðssyni og var gengið til samninga við þau.

Í tilkynningu segir að Helga mun stjórna versluninni, sem enn hefur ekki fengið nafn. Sveitarfélagið veitti styrk á grundvelli stefnumótandi byggðaáætlunar fyrir árin 2018-2024, til opnunar og reksturs verslunar á Reykhólum. Það mun létta róðurinn við undirbúninginn.

Veitingastaðurinn 380 á Reykhólum, en nafnið er til komið vegna póstnúmers Reykhóla 380.
Lagt verður meiri áhersla á verslunina til að byrja með.

Þau stefna að formlegri opnun 1. apríl næstkomandi, en jafnvel fyrr ef vel gengur að koma hlutunum af stað. Aðspurð segjast þau leggja áherslu á verslunina til að byrja með, því mikilvægast er að koma henni í gang. Þau segjast hlakka mikið til að koma vestur og takast á við þetta verkefni.

Myndir: facebook / Hólabúð Reykhólahreppi og reykholar.is