Vertu memm

Starfsmannavelta

Nýir rekstraraðilar veitingastaðarins Múlabergs

Birting:

þann

Múlaberg

Múlaberg Bistro & Bar er notalegur veitingastaður og bar staðsettur á Hótel Kea, í hjarta Akureyrar. Boðið er uppá léttan og fjölbreyttan matseðil og frábæra kokteila!

Nýir rekstraraðilar hafa tekið við rekstri Múlabergs, veitingastaðarins á Hótel Kea á Akureyri. Nýju eigendurnir tóku við staðnum 1. júní síðastliðinn.

Múlaberg var opnað árið 2013 eftir gagngerar breytingar en veitingastaðurinn á hótelinu á sér áratuga langa og glæsta sögu. Keaveitingar, dótturfélag Hótels Kea, hefur átt og rekið Múlaberg en nú hafa nýir eigendur tekið við keflinu.

Sjá einnig:

Myndir frá opnunarpartý Múlabergs Bistro & Bar

Nýju eigendurnir eru þau Ingibjörg Bergmann, Snæbjörn Bergmann, Hlynur Halldórsson og hjónin Jóhann Stefánsson og Katrín Ósk Ómarsdóttir sem taka við rekstri Múlabergs. Hópurinn kom saman í þetta spennandi verkefni en úr ólíkum áttum, öll með brennandi áhuga á veitingarekstri.

Jóhann og Katrín eiga saman tvo Lemon staði á Akureyri og Hamborgarafabrikkuna á Akureyri. Systkinin Snæbjörn og Ingibjörg Bergmann hafa unnið í veitingabransanum í fleiri ár og bæði hafa þau lokið námi sem framreiðslumenn. Ingibjörg hefur undanfarið ár starfað sem yfirþjónn á Múlabergi og þekkir því vel til staðarins og rekstursins. Hlynur Halldórsson hefur einnig starfað lengi á ýmsum veitingahúsum og er menntaður matreiðslumaður sem og húsasmiður.

„Við erum ótrúlega spennt fyrir þessu. Þetta er búið að gerast mjög hratt, eins og svo margt á þessum sérstöku tímum undanfarið, en það er bara betra. Þá hefur maður engan tíma til að ofhugsa, bara gera og demba sér í þetta,“

segir Ingibjörg í samtali við Kaffið, fréttavef á Norðurlandi.

Múlaberg

„Við ætlum ekki að breyta neinu fyrst um sinn. Það er mjög margt vel gert á Múlabergi, sem flestir þekkja enda sækja margir staðinn reglulega,“

segir Snæbjörn, einn eigendanna. Þar vísar hann m.a. í „Happy Hour“ á þessu vinsælasta götuhorni bæjarins og segir aðsóknina hafa verið mjög mikla síðustu daga.

Þótt Múlaberg hafi verið opið síðustu vikur hefur eldhúsið verið lokað frá því að samgöngubann vegna Covid var sett á.

„Við ætlum að drífa í því að opna eldhúsið aftur til að svara mikilli eftirspurn og það mun sennilega gerast eftir ca. 10 daga. Við erum með metnaðarfullar áætlanir fyrir staðinn og munum kynna skemmtilegar nýjungar í haust. Þangað til verður Múlaberg rekið með nokkuð óbreyttu sniði. Við hlökkum til að sjá sem flesta og kappkostum að skapa gestum okkar ánægjulega upplifun,“

segir Snæbjörn að lokum í samtali við norðlenska fréttavefinn Kaffið.

Myndir: facebook / Múlaberg

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Starfsmannavelta

GOTT í Reykjavík hættir rekstri

Birting:

þann

GOTT í Reykjavík

GOTT í Reykjavík er staðsett í Konsúlat hótelinu við Hafnarstræti 17 – 19

Rekstraraðilar GOTT í Reykjavík hafa ákveðið að loka dyrunum frá og með næstu mánaðamótum. Staðurinn hefur notið mikilla vinsælda meðal borgarbúa en GOTT í Vestmannaeyjum verður áfram opinn, að því er fram kemur á mbl.is.

„Það hefur auðvitað orðið algjör forsendubrestur, við erum staðsett inni á Icelandair Konsúlat hótelinu sem er lokað og verður að minnsta kosti fram á næsta vor.

Það flækir málin töluvert þar sem rekstrarkostnaður okkar eykst umtalsvert við að vera ein með starfsemi í húsinu en það hefur löngum verið stefna GOTT að vera með litla álagningu á mat og drykk.“

segir Klara Óskarsdóttir, rekstrarstjóri GOTT í Reykjavík og einn eigenda í samtali við mbl.is sem fjallar nánar um málið hér.

Mynd: facebook / GOTT í Reykjavík

Lesa meira

Starfsmannavelta

Le Bistro á Laugaveginum hættir rekstri

Birting:

þann

Le Bistro á Laugaveginum

Le Bistro á Laugaveginum.
Mynd: úr safni – Veitingageirinn.is

Veitingastaðurinn Le Bistro við Laugaveg 12 í Reykjavík hefur hætt rekstri.

Le Bistro var lítill ekta franskur bístró og vínbar sem bauð upp á klassískan og nútímalegan franskan mat ásamt miklu úrvali af víni og bjór.

Le Bistro á Laugaveginum

Le Bistro á Laugaveginum

Lesa meira

Starfsmannavelta

Bakarameistarinn kaupir þrotabú Jóa Fel

Birting:

þann

Brauð

Bakarameistarinn hefur keypt þrotabú Jóa Fel bakarís og hyggst opna aftur útibúin við Holtagarða og Spöngina, samkvæmt heimildum Viðskiptamoggans.

Þar segir jafnframt að ekki stendur til að nýta vörumerki Jóa Fel, sem mun því að öllum líkindum hverfa úr umferð.

Nánari umfjöllun um málið er hægt að lesa á mbl.is hér.

Mynd: úr safni

Lesa meira

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag