Vertu memm

Frétt

Niðurstöður úr könnun meðal erlendra ferðamanna – Langflestir gáfu veitingahúsum lága einkunn vegna verðlags

Birting:

þann

Steik og grænmeti

Ferðamálastofa hefur gefið út nýja skýrslu með úrvinnslu og samantekt á upplifun og ferðahegðun erlendra ferðamanna fyrir árið 2018. Skýrslan er unnin úr gögnum könnunar Ferðamálastofu og Hagstofu Íslands sem hefur staðið yfir síðan í júní 2017.

Einnig eru birtar sérstakar samantektir fyrir sex þjóðerni og eitt markaðssvæði.

Meðal þess sem könnunin leiðir í ljós eru upplýsingar um bókunar- og ákvörðunarferlið varðandi Íslandsferð, dvalarlengd, tegund gistimáta, útgjöld, tilgang ferðar, hvaða landshlutar voru heimsóttir, hvaða afþreying var nýtt, og álit eða ánægju með ýmsa þætti sem snerta ferðalög fólks hér á landi.

Ítarlegri þekking

Gagnasöfnun vegna könnunarinnar hófst um mitt ár 2017 en með henni verður til ítarlegri þekking á viðhorfi og atferli erlendra ferðamanna en hingað til hefur legið fyrir. Þar skipta mestu regluleg gagnasöfnun, greining og örari birting á niðurstöðum. Þannig eiga að skapast forsendur til að fylgjast betur með breytingum og þróun á lýðfræði, ferðahegðun og viðhorfum erlendra ferðamanna og með því mynda kjölfestu til framtíðar í þekkingu á þessari undirstöðuatvinnugrein. Könnunin er tvískipt, annars vegar flugvallakönnun á Keflavíkurflugvelli sem framkvæmd er við brottför og hins vegar netkönnun sem send er eftir á til þeirra svarenda sem samþykkja frekari þátttöku. Nefna má að á bak við flugvallarhluta könnunarinnar 2018 eru svör frá yfir 22 þúsund manns.

Í skýrslunni eru niðurstöður settar fram með myndrænum hætti og í töflum þar sem finna má svör eftir helstu þjóðernum og markaðssvæðum. Tenging er inn á töflusett í Excel með frekari greiningu gagna eftir fleiri bakgrunnsbreytum og tímabilum.

Viðhorf og upplifun: veitingahús og matur

Tvær spurningar voru lagðar fyrir ferðamenn í tengslum við mat og veitingahús, en þær voru:

  • Ánægja með veitingahús og gæði matar (einkunn frá 0-10)
  • Hvað varð til þessa að veitingahús fengu ekki hærri einkunn en sjö?

Niðurstaðan varð þessi:

Niðurstöður úr könnun meðal erlendra ferðamanna 2018

Niðurstöður úr könnun meðal erlendra ferðamanna 2018

Með útgáfunni fylgja sjö stuttar samantektir (tvíblöðungar) með helstu upplýsingum um lýðfræði, ferðahegðun og viðhorf Bandaríkjamanna, Breta, Þjóðverja, Frakka, Kanadamanna, Kínverja og Norðurlandabúa.

Könnuna í heild sinni er hægt að skoða með því að smella hér.

Myndir: úr safni og úr skýrslu Ferðamálastofu.

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar hér >>

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið