Vertu memm

Viðtöl, örfréttir & frumraun

Nemendur í Hótel- og matvælaskólanum fóru á kostum í Granda Mathöll

Birting:

þann

Hnossgæti úr vannýttum hráefnum

Vel heppnaður viðburður

Nemendur í Hótel- og matvælaskólanum komu sáu og sigruðu öll sem eitt í nýafstöðnum viðburði sem var í hádeginu 9. apríl s.l. í Granda Mathöll.

Sjá einnig: Hnossgæti úr vannýttum hráefnum

Á heimasíðu Matarauðs Íslands kemur fram að viðburðurinn var samvinnuverkefni þeirra og Hótel- og matvælaskólans til heiðurs vannýttra hráefna sem ýmist fengu nýtt hlutverk eða nýjan búning.

Hnossgæti úr vannýttum hráefnum

„Við sjáum fram á nýja kynslóð kokka sem eru hvattir til að láta sig sjálfbærni og umhverfisvernd varða.

Það er sorglegt til þess að hugsa að um þriðjungi allra matvæla er sóað í gegnum virðiskeðju matvæla og hráefni fargað sem ella mætti nýta í ótrúlega bragðgóða rétti í meðförum fagmanna og hugmyndaríkra leikmanna. Það væri virkilega spennandi ef einhver veitingastaður myndi sérhæfa sig í matreiðslu á vannýttum hráefnum, þar sem matseðillinn væri árstíðabundinn og háður því hráefni sem gnægð væri af hverju sinni. Vissulega áskorun en myndi eflaust falla neytendum samtímans vel í geð.“

Segir í frétt á mataraudur.is.

Hnossgæti úr vannýttum hráefnum

Dómnefnd að störfum.
F.v. Ragnar Wessman, Eliza Reid og Gísli Matthías Auðunsson

Dómnefnd valdi þrjár bestu útfærslurnar, en í dómnefnd voru:

  • Eliza Reid, forsetafrú
  • Gísli Matthías Auðunsson, matreiðslumeistari
  • Ragnar Wessmann, matreiðslumeistari

Þau brögðuðu og dæmdu alls 10 rétti. Við matið þurftu þau að taka tillit til matarupplifunar, hversu einkennandi íslenskt hráefnið væri, bragð og áferð, nýsköpunarinnar við réttinn og hversu vannýtt hráefnið í raun væri.

Hnossgæti úr vannýttum hráefnum

1. sæti: Djúpsteikt hvelja, reyktur rauðmagi með líframayonnaise

Hnossgæti úr vannýttum hráefnum

2. sæti: Hafís: Þangís gerður úr stórþara og þangskeggi borið fram á íslenskri pönnuköku.

Hnossgæti úr vannýttum hráefnum

3. sæti: Húsdýragarðurinn: Brasseraður nautaháls og mergur borin fram á laufabrauði með rauðvínssósu.

Hnossgæti úr vannýttum hráefnum

Ragnar Wessman, Eliza Reid og Gísli Matthías Auðunsson

„Mikið var gaman að vera dómari í dag í nýrri herferð, „Þjóðlegir réttir á okkar veg – gerum vannýtt hráefni að nýju hnossgæti.“ Matarauður Íslands og Hótel- og matvælaskólinn standa að herferðinni. Hún snýst í stuttu máli um það nemendur skólans blésu til sóknar í baráttunni við matarsóun.

Þeir biðluðu til almennings um hugmyndir að réttum úr íslenskum hráefnum, sem eru vannýtt í matargerð, og útfærðu þannig að úr varð hnossgæti sem sómir sér vel á diskum landsmanna. Allir réttirnir voru frumlegir – og afar gómsætir!“

Skrifar Eliza Reid á facebook síðu sinni.

Aðrir réttir sem boðið var upp á:

  • Brasseruð sítrónutónuð grísakinn á mjúkri hveiti tortilla með stökkri grísapuru.
  • Lambarif með amerísku hrásalati.
  • Lifrafrauð úr rauðmagalifur á stökku kexi.
  • Reykt bleikja með íslenskum ostrusveppum og sítrónu tónuðu kartöflukremi.
  • Uxahala taco með suðrænu mayonnaise og sýrðum rauðlauk.
  • Rófu bollakaka með smjörkremi og gúrkukrapa.
  • Hunangs Torrone með ristuðum möndlum og pistasíum.
  • Grafið Lambahjarta með sýrðum ávöxtum.
  • Hvannarkrisp, kræklingakrisp, mysukrisp, hreindýramosi, fjallagrös.

Þarna mátti bragða rétti og snarl sem ekki fóru fyrir dómnefnd eins og lambabris, mysukrisp sem var eftirlæti gesta og hreindýramosi.  Lambaslög með salati, agúrkusósa, sviða “pura“ og djúpsteikt grísaeyru voru ennfremur á boðstólum til að smakka.

Gestir og gangandi fengu að kjósa sína uppáhaldsútfærslu.

Þar var Brasseraður nautaháls og mergur á laufabrauði í uppáhaldi, síðan kom lambarif með hrásalati og í þriðja sæti rauðmagalifrarfrauð á stökku kexi.

Myndir: facebook / Eliza Reid og Matarauður Íslands

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Viðtöl, örfréttir & frumraun

Frítt fyrir bakarí, hótel, veitingahús ofl.

Birting:

þann

Steik - Matreiðslumaður - Kokkur

Nú gefst fagmönnum, sælkerar (áhugafólk), veitingahús, bakarí ofl. kostur á að senda inn myndir af réttum, kokteilum, kjötvörum ofl. í gegnum einfalt form, öllum að kostnaðarlausu.

Myndirnar birtast fyrir miðju á forsíðunni undir dálknum: „Frá lesendum – Nýtt eða spennandi á matseðli“ og sent á fréttabréf veitingageirans.

Við hvetjum lesendur til að senda inn mynd í gegnum þetta form hér:

Nýtt eða spennandi á matseðli

  • Er nýr réttur eða eitthvað spennandi á matseðli hjá þér, kokteill, bakkelsi, kjötvara osfr.
  • Segðu okkur aðeins frá réttinum, þarf ekki vera langt, innihaldslýsing, uppskrift, lýsing á réttinum í einum til tveimur setningum, þitt er valið.
  • Fullt nafn eða heiti á vinnustað
  • Hvar er rétturinn í boði.... (ekki nauðsyn)
  • Til að fá staðfestingu/leyfi á birtingu.
  • Ef þú vilt birta fleiri myndir, þá vinsamlegast sendu þær á [email protected]

Sjáðu hér hvað lesendur veitingageirans hafa sent inn.

Mynd: úr safni

Lesa meira

Viðtöl, örfréttir & frumraun

Leyndarmálið á baki við eitt dýrasta nautakjöt í heimi – Myndband

Birting:

þann

Kobe - Kjöt

Kobe vöðvar eru fitusprengdari en gengur og gerist

Kobe nautakjötið, sem framleitt er í Tajima héraði í Japan, er eitt dýrasta nautakjöt í heimi. Kobe vöðvar eru fitusprengdari en gengur og gerist og er einnig með hærra hlutfalli af CLA fitusýrum.

Fóðrun og meðferð gripanna er langt og strangt ferli og er undir miklu eftirliti, en megináhersla er lögð á gæði umfram staðlaða fjöldaframleiðslu á nautakjöti.

Margar sögusagnir eru um að Kobe nautin eru gefin bjór að drekka, en það er ekki rétt samkvæmt ræktendum, aðspurðir um bjórdrykkjuna í meðfylgjandi myndbandi hér að neðan.

Kobe - Kjöt

Eftirlitsmenn fara vel yfir Kobe-kjötið og gefa einkunn á gæði áður en kjötið fer á uppboð.

Til eru eftirlíkingar á Kobe kjötinu sem framleitt er í Bandaríkjunum, en kílóverðið er töluvert lægra.  Á uppboðum selst 440 kg. ekta Kobe-naut í kringum 2 milljónir íslenskra króna.  Ekki er vitað hvort íslensk veitingahús bjóða upp á Kobe steikur í dag, en þau hafa vissulega gert það í gegnum tíðina.

Myndir: skjáskot úr myndbandi

Lesa meira

Viðtöl, örfréttir & frumraun

Þarf alltaf að vera vín? – Öflugur og fróðlegur facebook hópur – Yfir átta þúsund meðlimir

Birting:

þann

Örn Erlingsson matreiðslumaður og Grétar Matthíasson framreiðslu-, og matreiðslumaður

Örn Erlingsson matreiðslumaður og Grétar Matthíasson framreiðslu-, og matreiðslumaður

Fróðleg og áhugaverð umræða um léttvín og blandaða drykki er hægt að lesa í skemmtilegum facebook hóp sem heitir: Þarf alltaf að vera vín?

Hvetjum alla til að fylgjast með hópnum hér.

Þegar þetta er skrifað þá eru rúmlega 8200 meðlimir í hópnum, sem bæði taka virkan þátt í umræðum, aðstoða fólk og njóta síðan allskyns fróðleik frá stjórnendum hópsins, ásamt viðtöl við þjóðþekkta einstaklinga.

Að hópnum standa tveir fagmenn sem eru vel þekktir í veitingageiranum, en það eru þeir:

Grétar Matthíasson

Grétar er framreiðslu-, og matreiðslumaður að mennt og meistari í báðum greinum.  Grétar hefur verið veitingastjóri á Grillmarkaðinum til fjölda ára, er forseti Barþjónaklúbbs Íslands og margverðlaunaður framrteiðslumeistari.

Grétar hreppti titilinn Íslandsmeistari Barþjóna 2017 en hann keppti með drykkinn “Peach Perfect”, sem samanstendur af Finlandia vodka, peachtree, barbeito veremar reserva, giffard wild eldflower líkjör, lime safa og ferskju.

Grétar gerði sér lítið fyrir og vann gullið í Heimsmeistaramóti Barþjóna 2018 í flokki short drinks.

Fleiri fréttir um Grétar hér.

Örn Erlingsson

Örn lærði fræðin sín í Perlunni og útskrifaðist vorið 2013 með sveinspróf í matreiðslu. Örn hefur starfað á veitingastaðnum lava í Bláa Lóninu, Tapas barnum, Apótekinu, Grillmarkaðinum, yfirmatreiðslumaður á Skihotel Speiereck í Austurríki, sölustjóri fyrir stóreldhús hjá Bako Ísberg, svo fátt eitt sé nefnt.

Örn starfar nú sem yfirmatreiðslumaður hjá Kaffitári.

Fleiri fréttir um Örn hér.

Þarf alltaf að vera vín?, er klárlega facebook hópur sem enginn ætti að láta framhjá sér fara.

Facebook hópurinn: Þarf alltaf að vera vín?

Mynd: aðsend

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag