Vertu memm

Nemendur & nemakeppni

Mikael Jens er með skýra sýn á hvert hann vill stefna

Birting:

þann

Mikael Jens Halldórsson

Mikael Jens Halldórsson

Mikael Jens Halldórsson hóf nám í grunndeild matvæla- og ferðagreina í Verkmenntaskólanum á Akureyri núna á haustönn. Við val á námsbrautinni hafði hann skýra sýn á hvert hann vildi stefna, eitt af markmiðunum er að auka virði íslenska lambakjötins sem liður í því að treysta rekstrargrunn sauðfjárframleiðslu.

Mikael er sveitastrákur, frá Molastöðum í Fljótum. Hann var fyrst í grunnskóla á Sólgörðum í Fljótum en var í efstu bekkjum grunnskóla á Hofsósi – í Grunnskólanum austan Vatna.

Á Molastöðum rekur fjölskyldan sauðfjárbú og einnig er þar nautaeldi til kjötframleiðslu og hross.

„Sauðfjárbúskapur er erfið búgrein og bændur þurfa því að finna leiðir til þess vinna meira úr kjötinu og fá þannig meira fyrir afurðirnar. Það kom því upp í minn huga að afla mér þekkingar á sviði matvælavinnslu og eldamennsku. Í upphafi var ég með í huga að læra kjötiðnaðarmanninn en núna beinist áhuginn að því að fara í matreiðsluna að lokinni grunndeild.

Vissulega er kostnaðarsamt fyrir bændur að koma sér upp viðurkenndri aðstöðu til kjötvinnslu en hvers konar aukin vinnsla á kjötinu, bæði lamba- og nautakjötinu, með það í huga að selja beint frá býli, er allrar athygli verð og ostavinnsla er einnig áhugaverður kostur. Bændurnir á Brúnastöðum í Fljótum hafa einmitt verið að vinna og selja geita- og sauðfjárosta,“

segir Mikael og bætir við að hann hafi mikinn áhuga á að leggja sín lóð á vogarskálarnar til þess að treysta búsetu í sveitum með því að auka verðmæti þeirra afurða sem þar eru framleiddar.

Auk um fjögurhundruð fjár er nautaeldi á Molastöðum auk nokkurra hesta. Mikael segir föður sinn fyrst og fremst vinna á búinu en annist auk þess skólaakstur. Móðir hans starfi hins vegar á Siglufirði sem bókari.

„Eins og staðan er núna er útilokað fyrir fólk að lifa eingöngu á sauðfjárrækt, bændur þurfa að vera í öðrum störfum til hliðar við sauðfjárræktina, sem er óviðunandi staða. Ég vil búa áfram í Fljótum og taka þátt í að auka virði búfjárframleiðslunnar,

Ég var ákveðinn í því að fara í kjötiðnaðarmanninn en mér virðist matreiðslunámið vera víðtækara og ég hugsa að það verði ofan á. Að því loknu hef ég síðan áhuga á því að fara í Landbúnaðarháskólann og taka búfræðina.

Það sem af er hefur mér fundist námið í grunndeild matvæla hér í VMA vera æðislegt. Kennararnir eru frábærir og andrúmsloftið gott, ég kann mjög vel við þetta,“

segir Mikael sem býr á Heimavist MA og VMA.

Mynd: vma.is

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Lesa meira
Auglýsingapláss

Nemendur & nemakeppni

Útskrift frá Hótel- og matvælaskólanum í MK – Systkini útskrifast

Birting:

þann

Útskrift frá Hótel- og matvælaskólanum og Menntaskólanum í Kópavogi - Vor 2021

Húfurnar settar upp

Útskrift frá Hótel- og matvælaskólanum og Menntaskólanum í Kópavogi var haldin við hátíðlega athöfn í Digraneskirkju dagana 27. og 28. maí sl.

Alls voru útskrifaðir 57 stúdentar frá Menntaskólanum í Kópavogi 28. maí og 9 með lokapróf í bakstri, 11 í framreiðslu og 22 í matreiðslu frá Hótel- og matvælaskólanum. Í ár útskrifuðust 49 iðnmeistarar, 10 matsveinar, 3 matartæknar, 5 ferðaráðgjafar og 27 leiðsögumenn.

Útskrift frá Hótel- og matvælaskólanum og Menntaskólanum í Kópavogi - Vor 2021

Skólameistari Guðríður Eldey Arnardóttir.

Í ræðu sinni fagnaði skólameistari, Guðríður Eldey Arnardóttir nýjum lögum um háskóla þar sem lokapróf á 3. þrepi er nú jafngilt stúdentsprófi sem inntökuviðmið í háskóla. Jafnframt fjallaði skólameistari um nýja reglugerð um vinnustaðanám sem færir skólanum meira forræði yfir heildstæðu námi til sveinsprófs.

Sjá einnig:

Ný reglugerð um vinnustaðanám

Aðgengi iðnmenntaðra að háskólum samþykkt á Alþingi

Útskrift frá Hótel- og matvælaskólanum og Menntaskólanum í Kópavogi - Vor 2021

Bjarki Sveinbjörnsson frá Rótarýklúbbnum Borgum afhenti Elenóru Rós Georgesdóttur bakara viðurkenningu fyrir góðan árangur í verknámi.

Eftirtaldir nemendur hlutu sérstaka viðurkenningu fyrir afburða námsárangur:
Auður Þórhildur Ingólfsdóttir, verkleg matreiðsla
Júlía Khlamova, aðferðafræði matreiðslu
Elva Björk Magnúsdóttir , bestur árangur á lokapróf meistaraskóla
Sóley Huld Árnadóttir, fyrir góðan námsárangur í ferðamálanámi frá Ferðamálaskólanum
Kerstin Geiger, fyrir góðan árangur í almennri leiðsögn frá Leiðsöguskólanum
Helga Medek, fyrir góðan árangur í gönguleiðsögn frá Leiðsöguskólanum

Útskrift frá Hótel- og matvælaskólanum og Menntaskólanum í Kópavogi - Vor 2021

Baldur Sæmundsson áfangastjóri verknáms ásamt Elvu Björk Magnúsdóttur sem hlaut viðurkenningu fyrir bestan árangur á lokapróf meistaraskóla.

Það var létt yfir gestum athafnarinnar og bjartsýni fyrir framtíðinni.

„megi maturinn ykkar smakkast vel, megi kökurnar verða sætar, veislurnar dýrðlegar og ferðirnar frábærar“

Með þessum orðum kvaddi skólameistari nemendur inn í sumarið og þakkaði veturinn sem var á margan hátt erfiður en lærdómsríkur.

Tvíburasystur dúx og semidúx

Útskrift frá Hótel- og matvælaskólanum og Menntaskólanum í Kópavogi - Vor 2021

Margrét Friðriksdóttir forseti bæjarstjórnar Kópavogs, Sigurbjörg Erla Pétursdóttir Biering dúx skólans, Guðbjörg Viðja Pétursdóttir Biering semidúx og Nisarat Sengthong Bjarnadóttir fékk verðlaun fyrir frábæran námsárangur í sérgreinum verknáms.

Egill Orri Elvarsson, nýstúdent, og Jakob H. P. Burgel Ingvarsson, bakari, fluttu ávörp fyrir hönd útskriftarnema og veittar voru viðurkenningar fyrir framúrskarandi námsárangur. Nisarat Sengthong Bjarnadóttir fékk verðlaun fyrir hæsta meðaleinkunn á lokaprófi í matreiðslu. Sá sérstæði viðburður átti sér stað að Sigurbjörg Erla Pétursdóttir Biering varð dúx skólans með meðaleinkunnina 9,89 og tvíburasystir hennar Guðbjörg Viðja varð semidúx með einkunnina 9,70 en árangur Sigurbjargar er sá besti í sögu skólans.

Systkini útskrifast

Útskrift frá Hótel- og matvælaskólanum og Menntaskólanum í Kópavogi - Vor 2021

Svo skemmtilega vildi til að fimmtudaginn 27. maí útskrifuðust þrjú systkini frá MK, þau Henrý Þór, Þorleifur Karl og Anna María Reynisbörn. Henrý Þór og Þorleifur Karl útskrifuðust sem meistarar í bakaraiðn frá Meistaraskólanum og Anna María sem ferðaráðgjafi frá Ferðamálaskólanum.

Útskrift frá Hótel- og matvælaskólanum og Menntaskólanum í Kópavogi - Vor 2021

Þess má einnig geta að við þessa sömu útskriftarathöfn útskrifuðust hjón sem meistarar í matreiðslu og tveir bræður með meistararéttindi í matreiðslu annars vegar og framreiðslu hins vegar. Áfangastjóri verknáms, Baldur Sæmundsson, átti leið í Reynisbakarí nú á dögunum og fannst tilvalið að kippa með sér skírteinum bræðranna til afhendingar en þeir gátu því miður ekki verið viðstaddir athöfnina sl. fimmtudag. Þar sem systir þeirra var í nágrenninu gafst síðan tilefni til að ná þeim öllum saman á mynd.

Myndir: facebook / Menntaskólinn í Kópavogi

Lesa meira

Nemendur & nemakeppni

Aðgengi iðnmenntaðra að háskólum samþykkt á Alþingi

Birting:

þann

Lilja Dögg Alfreðsdóttir með frumvarpið sem samþykkt var í dag.

Lilja Dögg Alfreðsdóttir með frumvarpið sem samþykkt var í dag.

Frumvarp um aðgengi iðnmenntaðra að háskólum var samþykkt á Alþingi, en frá þessu greinir Lilja Dögg Alfreðsdóttir menntamálaráðherra á facebook í dag.

Mikilvægri hindrun í skólakerfinu rutt úr vegi og fólk með fjölbreyttari bakgrunn fær aðgang að háskólum.

„Löngu tímabær breyting, sem jafnar stöðu verk- og bóknáms,“

segir Lilja að lokum.

Frumvarpið í heild sinni hér.

Mynd: facebook / Lilja Dögg Alfreðsdóttir

Lesa meira

Nemendur & nemakeppni

Ákveðnir og duglegir kokkanemar

Birting:

þann

Sigurður Bergmann og Davíð Þór Þorsteinsson

Sigurður Bergmann og Davíð Þór Þorsteinsson

Sigurður Bergmann og Davíð Þór Þorsteinsson hafa þekkst lengi. Þeir voru saman í Síðuskóla á Akureyri og síðan lá leið beggja í grunndeild matvæla í VMA. Því námi luku þeir vorið 2018 og núna á vorönn lá leið þeirra félaga aftur í VMA – í 2. bekk í matreiðslu á matvælabrautinni.

Í 2. bekk í kokkanáminu eru tíu nemendur og hefur Ari Hallgrímsson, brautarstjóri matvælabrautar og matreiðslumeistari, yfirumsjón með náminu, sem er blanda bóklegra og verklegra greina frá mánudegi til fimmtudags. Á miðvikudögum og fimmtudögum eru verklegar æfingar. Miðvikudagarnir fara í undirbúning matreiðslunnar og á fimmtudögum er punkturinn settur yfir i-ið og fjölbreyttir réttir töfraðir á diska, bæði heitir og kaldir.

Til þess að komast inn í 2. bekkinn í matreiðslu þurfa nemendur að hafa komist á samning hjá matreiðslumeistara. Sumir nemendur hafa lokið tilsettum námstíma á samningi þegar þeir koma í skólann, aðrir ekki.

Báðir stefna þeir Sigurður og Davíð Þór að því að taka þriðja bekkinn í matreiðslu og fara síðan í kjölfarið í sveinspróf. En að því loknu sjá þeir framhaldið á nokkuð ólíkan hátt.

Sigurður segist lengi hafa stefnt að því að verða slökkviliðsmaður og í þá átt horfi hann enn, þó svo að hann sé að læra að verða matreiðslumaður. Sigurður þekkir nokkuð vel til matreiðslu, enda er faðir hans, Sigmar Benediktsson, starfandi kokkur og ungur að aldri fór Sigurður að vinna á veitingahúsi, til að byrja með í uppvaskinu á Bautanum. Núna vinnur Sigurður með náminu sem aðstoðarkokkur á veitingahúsinu Bryggjunni á Akureyri.

Davíð Þór er staðráðinn í því að fara í þriðja bekkinn og taka síðan sveinspróf í matreiðslunni. Síðan segist hann vel geta hugsað sér að starfa utan landsteinanna í matreiðslu, e.t.v. í Frakklandi eða jafnvel Noregi, þar sem hann þekkir vel til, eftir að hafa búið þar í hálft annað ár.

„Ég er búinn að læra alveg helling síðan ég byrjaði í grunndeildinni hérna í VMA. Þegar ég byrjaði kunni ég varla meira en að spæla egg en það hefur breyst!“

segir Davíð í samtali við vma.is, en hann starfar á veitingahúsinu Múlabergi á Akureyri með skólanum.

Sigurður segir að námið í vetur hafi bætt umtalsvert við þekkingarbrunninn sem hann hafi fengið í grunndeildinni og í vinnu sinni á Bryggjunni. Ari hafi kennt ýmsa gamla og góða, klassíska hluti í matreiðslunni sem mikilvægt sé að kunna skil á.

Þegar litið var inn í verklega kennslustund í 2. bekk í matreiðslu í síðustu viku voru nemendur að elda lambaskanka. Ýmsar leiðir eru farnir í að matreiða skankana en Sigurður og Davíð Þór fóru þá leið að láta þá „malla“ í ofninum yfir nóttina – í fjórtán tíma – á 65 gráðu hita. Með því móti segjast þeir vera nokkuð öruggir um að skankarnir séu fyrsta flokks.

Þeir eru sammála um að eldamennskan geti oft verið nokkuð stressandi. En lykilatriði sé að vanda undirbúninginn sem best. Sé hann góður þurfi ekki að hafa miklar áhyggjur.

„Þetta getur vissulega verið stressandi starf. Það býður ekki bara upp á Ítalíutónlist og kósíheit,“

segir Sigurður Bergmann.

Mynd: vma.is

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið