Vertu memm

Frétt

Mathallir Reykjavíkur á Hlemmi og Granda opna aftur fyrir gesti og gangandi

Birting:

þann

Hlemmur Mathöll

Mathallir Reykjavíkur á Hlemmi og Granda hafa opnað fyrir gesti og gangandi. Fyrst um sinn verða mismunandi opnunartímar hjá stöðum en verða svo samræmdir eftir því sem samfélagið kemst í eðlilegra horf.

Á Hlemmi er búið að byggja vegg og skipta því Mathöllinni í tvö 50 manna rými. Á Granda eru einnig tvö rými sem geta hýst 50 manns hvort um sig. Ekki má svo gleyma útiborðum sem eru kærkomin á sólríkum dögum.

Talið er inn í Mathallirnar og 2 metra reglan er að sjálfsögðu í gildi. Snertifletir eru hreinsaðir og spritt í boði fyrir alla gesti.

Opnunartímar næstu daga hjá Mathöllinni á Hlemmi

  • BRAUÐ & CO: Kl. 8:00 – 16:00.
  • TE & KAFFI: Kl. 8:00 – 17:00.
  • FLATEY PIZZA: Kl. 11:30 – 21:00.
  • SKÁL: Kl. 17:00 – 21:00.
  • BANH MI: Kl. 11:00 – 20:00.
  • FUEGO: Mán – Lau Kl. 17:00 – 21:00. Lokað Sunnudag.
  • KRÖST: Mán – Mið Kl. 12:00 – 21:00. Fim – Lau Kl. 12:00 – 22:00. Lokað Sunnudag.
  • TIL SJÁVAR & TIL SVEITA: Þri – Mið Kl. 11:00 – 21:00. Fim – Sun Kl. 11:00 – 22:00. Lokað Mánudag
  • OSTERIA EMILIANA: Lokað.

Opnunartímar næstu daga hjá Granda Mathöll

  • FJÁRHÚSIÐ: Kl. 11:00 – 21:00.
  • HÆNSNAKOFINN: Kl. 11:00 – 21:00.
  • FRYSTIHÚSIÐ H13: Kl. 11:00 – 21:00.
  • GASTRO TRUCK: SUN – FIM Kl. 11:30 -21. FÖS – LAU Kl. 11:30 – 21:30
  • KORE: Kl. 11:30 – 21:00
  • SPES KITCHEN: Kl. 11:30 – 21:00
  • SKJALDBAKAN: 17:30 – 21:00
  • LAX: LOKAÐ

Hlemmur lifnar við 👍 Hlökkum til að fá ykkur í heimsókn 🙂

Posted by Hlemmur – Mathöll on Tuesday, May 5, 2020

Mynd: facebook / Hlemmur Mathöll

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Frétt

COVID-19: Fjöldamörk úr 50 í 200 manns og fleiri tilslakanir

Birting:

þann

Reykjavík - Loftmynd

Ný auglýsing heilbrigðisráðherra um takmörkun á samkomum vegna farsóttar tekur gildi mánudaginn 25. maí. Þar með verður allt að 200 manns heimilt að koma saman í stað 50 nú, heimilt verður að opna líkamsræktarstöðvar með sömu takmörkunum og gilda um sund- og baðstaði og öllum veitingastöðum, þar með töldum krám og skemmtistöðum, og einnig spilasölum, verður heimilt að hafa opið til kl. 23.00. Hvatt er til þess að viðhalda tveggja metra nálægðarmörkum eftir því sem kostur er, eins og nánar er fjallað um í auglýsingunni. Auglýsingin er í fullu samræmi við tillögur sóttvarnalæknis. Ráðherra kynnti ákvörðun sína um breytingar á takmörkun á samkomum á fundi ríkisstjórnar í morgun.

Með nýrri auglýsingu verður framkvæmd tveggja metra reglurnar breytt nokkuð. Horft er til þess að vernda þá sem eru viðkvæmir með því að skapa þeim sem það kjósa aðstæður til að viðhalda tveggja metra fjarlægðarreglu. Þannig verði til dæmis á veitingastöðum, í leikhúsum og bíósölum boðið upp á að minnsta kosti nokkur sæti sem geri þetta kleift.

Á líkamsræktarstöðvum verður, líkt og á á sund- og baðstöðum, takmörkun á fjölda gesta sem miðast við að þeir séu aldrei fleiri en nemur helmingi af leyfilegum hámarksfjölda samkvæmt starfsleyfi. Eins og fram kemur í auglýsingunni verða áfram gerðar sömu kröfur um sótthreinsun og þrif almenningsrýma og hingað til.

Frá upphafi COVID-19 faraldursins hér á landi hafa greinst smit hjá rúmlega 1.800 einstaklingum. Undanfarið hefur nýsmitum fækkað verulega og hafa aðeins fimm einstaklingar greinst það sem af er maímánuði. Í minnisblaði sóttvarnalæknis segir að þær tilslakanir sem gerðar voru á samkomutakmörkunum 4. maí síðastliðinn virðist ekki hafa leitt til fjölgunar sjúkdómstilfella.

Ný auglýsing um takmörkun á samkomubanni gildir til 21. júní.

Mynd: úr safni

Lesa meira

Frétt

Grunur um salmonellu í kjúklingi frá Reykjagarði í fjórða sinn á einu ári

Birting:

þann

Kjúklingur - Kjúklingabringur

Matvælastofnun varar við neyslu á ferskum kjúklingi (bringum, lundum, bitum og vængjum) frá Reykjagarði vegna gruns um salmonellu. Er þetta í fjórða sinn á einu ári sem varað er við neyslu á kjúklingi frá Reykjagarði.

Kjúklingurinn er seldur undir merkjum Holta og Kjörfugls. Fyrirtækið hefur innkallað vöruna af markaði.

Innköllunin á einungis við eftirfarandi framleiðslulotu:

Vöruheiti: Holta og Kjörfugl
Vörutegund: Ferskar bringur, lundir, bitar og vængir
Framleiðandi: Reykjagarður hf., Fosshálsi 1, 110 Reykjavík
Rekjanleikanúmer: 019-20-16-1-01
Dreifing: Verslanir Iceland, Hagkaupa og Costco

Neytendur sem hafa keypt kjúklinga með þessu rekjanleikanúmeri geta skilað vörunni til viðkomandi verslunar eða beint til Reykjagarðs hf. að Fosshálsi 1, 110 Reykjavík.

Sjá einnig:

Matvælastofnun varar við neyslu á ferskum kjúklingi frá Reykjagarði

Grunur um salmonellu í kjúklingi

Grunur um salmonellu í kjúklingi

Mynd: úr safni

Lesa meira

Frétt

Varað við Rizi Reisöl hrísgrjónaolíu

Birting:

þann

Rizi Reisöl hrísgrjónaolía

Matvælastofnun varar við neyslu á Rizi Reisöl hrísgrjónaolíu sem Dai Phat flytur inn vegna aðskotaefna (lífræn leysiefni; esterar) sem fundust í olíunni. Fyrirtækið hefur innkallað vöruna í samvinnu við Heilbrigðiseftirlit Reykjavíkur.

Matvælastofnun fékk upplýsingar um innköllunina í gegnum ACN evrópska hraðviðvörunarkerfið (sem áður hét RASFF) og upplýsti heilbrigðiseftirlitið.

Innköllunin á eingöngu við um eftirfarandi framleiðslulotu:

Vörumerki: Rizi
Vöruheiti: Reisöl
Strikanúmer: 8850345950490
Best fyrir: 11.03.2021
Nettómagn: 500 ml
Framleiðsluland: Holland
Innflytjandi: Dai Phat Trading ehf.
Dreifing: Dai Phat Trading ehf, Faxafeni 14, 108 Reykjavík

Neytendur sem keypt hafa vöruna er bent á að neyta hennar ekki, farga henni eða skila henni í þeirri verslun þar sem hún var keypt gegn endurgreiðslu.

Lesa meira
  • Alþjóðlegi Paloma dagurinn 22.05.2020
    Í dag er Alþjóðlegi Paloma dagurinn.  Hvað er Paloma?  Paloma er þjóðar kokteill Mexíkó búa. Um er að ræða einfaldan kokteil sem inniheldur Tekíla, límónu safa og greipaldin gos. Paloma er ferskur kokteill með sítrustónum sem mynda virkilega góða bragðsamsetningu með góðu Tekíla. Margir halda að heimsfrægi kokteillinn Margaríta sé þjóðar drykkur Mexíkó enn staðreyndin […]
  • Ameríski Handverks Bjórdagurinn 19.05.2020
    Síðastliðin sunnudag var hin árlegi American Craft Beer Day haldin. Í tilefni þess ákváðu Viceman og bjórsérfæðingurinn Hjörvar Óli að halda Bjórsmakk á facebook síðu Viceman. Teknir voru fyrir sex bjór stílar og tveir bjórar smakkaðir í hverjum stíl. Annarsvegar Amerískur bjór og hinsvegar Íslenskur bjór. Samtals voru því smakkaðir tólf bjórar í heildina . […]

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag