Vertu memm

Keppni

Kynning hafin á WBC-2020 landsliðum kjötiðnaðarmanna – Stofnfundur fyrsta landsliðs íslenskra kjötiðnaðarmanna á næsta leiti

Birting:

þann

Breska landsliðið - World Butchers Challenge (WBC)

Breska landsliðið
F.v.: Bryce Lawson, Mark Ramsay, Tom Wood (Liðstjóri), Jessica Leliuga, Michael Dufton og Simon Taylor
Mynd: worldbutcherschallenge.com

Þó svo það sé langt í að heimsmeistarakeppni í kjötskurði verður haldin, þá eru landsliðin nú þegar byrjuð að undirbúa fyrir keppnina. Heimsmeistarakeppnin í kjötskurði fer fram í Sakramentó í Bandaríkjunum í september árið 2020, en keppnin er haldin á tveggja ára fresti.

Eins og fram hefur komið þá er val á landsliði Íslands í kjötiðn í fullum gangi, en landsliðið mun taka þátt í heimsmeistarakeppninni.

Á heimasíðu World Butchers Challenge (WBC) var Breska landsliðið kynnt á miðvikudaginn s.l. og er það fyrsta liðið sem kynnt er fyrir heimsmeistarakeppnina WBC-2020. Meðlimir í landsliði Bretlands eru Bryce Lawson, Mark Ramsay, Tom Wood (Liðstjóra), Jessica Leliuga, Michael Dufton og Simon Taylor. Breska landsliðið keppti einnig með sömu landsliðsmönnum í síðustu heimsmeistarakeppni þar sem liðið fékk verðlaun fyrir bestu vöruna úr nautakjöti.

11 þjóðir tóku þátt í heimsmeistarakeppninni sem fram fór á Norður Írlandi í mars s.l., þar sem heimamenn urðu hlutskarpastir og hrepptu heimsmeistaratitilinn.

Stofnfundur landsliðs íslenskra kjötiðnaðarmanna

Stofnfundur fyrsta landsliðs íslenskra kjötiðnaðarmanna verður haldinn þriðjudaginn 25. september næstkomandi klukkan 16.00 upp á Stórhöfða 31 í húsakynnum Matvís.

Ákveðið hefur verið í samræmi vel valda aðila sem búa ekki á höfuðborgarsvæðinu að bjóða upp á fjarfund svo flestir geta tekið þátt í fjörinu. Allir þeir sem eru áhugasamir eru velkomnir.

„Við þurfum ekki bara að skipa í landsliðið sjálft, við þurfum bæði framkvæmdarvald og fjármálanefnd sem sér um að fá styrki til að fjármagna þetta ævintýri.“

Matvís

Höfuðstöðvar Matvís, Stórhöfði 31, 110 Reykjavík

Segir í tilkynningu sem að Jóhannes Geir Númason kjötiðnaðarmeistari sendi frá sér, en hann hefur staðið að undirbúningi íslenska landsliði kjötiðnaðarmanna.

Landsliðið mun skipa 6 manns og í Heimsmeistarakeppninni fær hvert lið 3 klukkutíma og 15 mínútur til að úrbeina og útbúa vörur úr ½ svínaskrokk, ½ nautaskrokk, einum lambaskrokk og 5 kjúklingum.

Fyrir áhugasama er bent á að hafa samband við Jóhannes á netfangið: [email protected] eða í síma: 821-1830.

 

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar hér >>

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið