Vertu memm

Viðtöl, örfréttir & frumraun

Kokkaflakk í eyrun – Fyrsti þátturinn er kominn í loftið

Birting:

þann

Kokkaflakk - Ólafur Örn Ólafsson

Þátturinn Kokkaflakk í eyrun, hóf göngu sína í vikunni

Þátturinn Kokkaflakk í umsjá veitingamannsins Ólafs Arnar Ólafssonar er kominn á dagskrá Hljóðkirkjunnar. Kokkaflakk í eyrun er á dagskrá alla þriðjudaga og fyrsti þátturinn er kominn á veiturnar Podbean, Spotify og Apple.

Hljóðkirkjan framleiðir hlaðvarpsþætti og annað er viðkemur hljóði og mynd. Dómsdagur – mánudögum. Kokkaflakk – þriðjudögum. Draugar fortíðar – miðvikudögum. STVF – fimmtudögum. Besta platan – föstudögum.

„Já krakkar mínir, nú þurfið þið ekki lengur að horfa á sjónvarpið alltaf bara! Nú getið þið hlustað á MIG tala við allskonar fólk um mat og allskonar annað, í staðinn.“

Segir Ólafur í tilkynningu, en hann er framreiðslumeistari að mennt og hefur t.a.m. verið öflugur með þættina Kokkaflakk sem sýnt hafa verið í Sjónvarpi Símans, sem nú fara af stað í hlaðvarpsformi.

Kokkaflakk - Ólafur Örn Ólafsson

Ólafur Örn Ólafsson

Kokkaflakk hefur notið mikilla vinsælda eins og áður sagði sem sjónvarpsþáttur hjá Sjónvarpi Símans.  Í þáttunum heimsótti Ólafur íslenska matreiðslumeistara sem störfuðu erlendis, forvitnaðist um matargerð þeirra og lífi og upplifði borgina sem þeir bjuggu í frá sjónarhóli þeirra. Ólafur ferðaðist til Osló, Berlín, Ghent, New York og París.

„Og ekki nóg með það, heldur þegar þið eruð búin að hlusta á mig þá getið þið hlustað á allt gúmmelaðið sem Hljóðkirkjan er með á sínum snærum. Dómsdagur, Draugar fortíðar, Snæbjörn talar við fólk og Besta platan.  S/O á Baldur Ragnarsson fyrir að vera snillingur og koma Þættinum svona fallegum í loftið. Að horfa á sjónvarp er fyrir lúða, hlustaðu frekar á Hlaðvarp“

segir Ólafur, en fyrsti gestur hans er Sonja Grant sem er vel kunnug lesendum veitingageirans, en hún veit allt sem hægt er að vita um kaffi og þá sérstaklega gæðakaffi, því hún hefur helgað líf sitt kaffi undanfarin rúm 20 ár.

Hún hefur stjórnað vinsælustu kaffihúsum á Íslandi og tekið þátt í að leiða byltingu gæðakaffis á Íslandi. Sonja er líka leiðandi í alþjóðlegu samstarfi kaffifólks, haldið Íslandsmót í kaffidrykkjum og heldur námskeið um kaffi í húsakynnum kaffibrennslunnar sinnar, Kaffibrugghússins.

Sonju finnst ekki leiðinlegt að tala um kaffi og gerir það af mikilli þekkingu.

Þáttinn er hægt að hlusta í heild sinni hér.

Myndir: facebook / Kokkaflakk

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Viðtöl, örfréttir & frumraun

Kjötsúpueldun í beinni útsendingu fékk mikla athygli – Átta þúsund áhorf á viðburðinn – Sjáðu myndbandið hér

Birting:

þann

Gísli Matthías Auðunsson

Gísli Matthías Auðunsson,matreiðslumeistari, eldaði gömlu góðu ömmukjötsúpuna í beinni útsendingu á samfélagsmiðlum síðastliðinn laugardag en um átta þúsund manns horfðu á útsendinguna.

Á laugardaginn, fyrsta vetrardag, var kjötsúpudagurinn haldinn með breyttu sniði vegna kórónuveirufaraldursins. Í stað uppákomu á Skólavörðustíg eins og undanfarin ár, eldaði Gísli Matthías Auðunsson, matreiðslumeistari, kjötsúpu í beinni útsendingu á Netinu frá Súlnasal Hótel Sögu.

Var um samstarfsverkefni Landssamtaka sauðfjárbænda og Sölufélags garðyrkjumanna að ræða og tókst vel að elda gömlu góðu ömmukjötsúpuna í beinni sem þjóðin hafði valið nokkrum dögum fyrr sem besta kjötsúpan á Facebook-síðu lambakjöts.

„Þrátt fyrir nokkra tæknihnökra þá gekk þetta stórvel og fengum við um átta þúsund áhorf á viðburðinn sem er nokkuð gott. Við munum síðan halda áfram að framhefja viðburðinn á síðunni okkar í um vikutíma í viðbót,“

segir Hafliði Halldórsson, framkvæmdastjóri Icelandic Lamb.

Vekja athygli á hráefninu

„Okkur finnst þetta mikilvægt samstarf því það er engin kjötsúpa nema að hafa grænmeti og lambakjöt, það getur ekki án hvors annars verið. Við höfum alltaf styrkt þennan viðburð, garðyrkjubændur hafa látið í té grænmeti í súpuna, rófur, kartöflur, gulrætur og hvítkál ef hefur þurft.

Það hefur verið gaman að fara niður eftir á Skólavörðustíg og smakka mismunandi útgáfur af súpum í gegnum árin á fyrsta vetrardag. Það er stemning að taka þátt í þessu og ánægjulegt að geta gert það. Þetta var gert öðruvísi núna vegna ástandsins og ég held að við höfum náð til yngri markhóps í gegnum samfélagsmiðlana. Þetta vekur vitund og það voru margir sem sáu útsendinguna og þó að allir hafi ekki horft frá upphafi til enda þá vekur þetta athygli á hráefninu sem slíku.

Þetta er hvatning fyrir fólk að fara út í búð og kaupa þessar afurðir, íslenskt grænmeti og lambakjöt og með þessu móti höfum við sennilega náð til þeirra sem ætluðu sér jafnvel ekki að elda kjötsúpu. Það að fá fólk til að dansa þennan dans í eldhúsinu og útbúa sína útgáfu af íslensku kjötsúpunni er mikilvægt,“

segir Kristín Linda Sveinsdóttir, markaðsstjóri Sölufélags garðyrkjumanna.

Kjötsúpueldun í beinni útsendingu (upptaka)

Mynd: bbl.is

Lesa meira

Viðtöl, örfréttir & frumraun

Áhugaverður þáttur – Í eldlínunni: (Um)bylting í eldhúsinu

Birting:

þann

The Heat: A Kitchen (R)evolution

Mynd: skjáskot úr myndbandi.

Kanadísk heimildarmynd um kokkastarfið var sýnt í Ríkisútvarpinu, þar sem sjö kvenkyns kokkar ræða hvað þarf til að komast á toppinn í geira sem lengi hefur verið stjórnað af körlum og hvernig kokkamenningin er hægt og rólega að breytast.

Smellið hér til að horfa á þáttinn.

Lesa meira

Viðtöl, örfréttir & frumraun

Svona var veitingalífið á fyrsta vetrardag fyrir 50 árum

Birting:

þann

Í dag er fyrsti vetrardagur, laugardagurinn að lokinni 26. viku sumars og svona var veitingalífið á fyrsta vetrardag fyrir 50 árum síðan.

fyrsti vetrardagur, laugardagurinn að lokinni 26. viku sumars

Mynd: timarit.is

Lesa meira

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag