Vertu memm

Viðtöl, örfréttir & frumraun

Kjötsúpueldun í beinni útsendingu fékk mikla athygli – Átta þúsund áhorf á viðburðinn – Sjáðu myndbandið hér

Birting:

þann

Gísli Matthías Auðunsson

Gísli Matthías Auðunsson,matreiðslumeistari, eldaði gömlu góðu ömmukjötsúpuna í beinni útsendingu á samfélagsmiðlum síðastliðinn laugardag en um átta þúsund manns horfðu á útsendinguna.

Á laugardaginn, fyrsta vetrardag, var kjötsúpudagurinn haldinn með breyttu sniði vegna kórónuveirufaraldursins. Í stað uppákomu á Skólavörðustíg eins og undanfarin ár, eldaði Gísli Matthías Auðunsson, matreiðslumeistari, kjötsúpu í beinni útsendingu á Netinu frá Súlnasal Hótel Sögu.

Var um samstarfsverkefni Landssamtaka sauðfjárbænda og Sölufélags garðyrkjumanna að ræða og tókst vel að elda gömlu góðu ömmukjötsúpuna í beinni sem þjóðin hafði valið nokkrum dögum fyrr sem besta kjötsúpan á Facebook-síðu lambakjöts.

„Þrátt fyrir nokkra tæknihnökra þá gekk þetta stórvel og fengum við um átta þúsund áhorf á viðburðinn sem er nokkuð gott. Við munum síðan halda áfram að framhefja viðburðinn á síðunni okkar í um vikutíma í viðbót,“

segir Hafliði Halldórsson, framkvæmdastjóri Icelandic Lamb.

Vekja athygli á hráefninu

„Okkur finnst þetta mikilvægt samstarf því það er engin kjötsúpa nema að hafa grænmeti og lambakjöt, það getur ekki án hvors annars verið. Við höfum alltaf styrkt þennan viðburð, garðyrkjubændur hafa látið í té grænmeti í súpuna, rófur, kartöflur, gulrætur og hvítkál ef hefur þurft.

Það hefur verið gaman að fara niður eftir á Skólavörðustíg og smakka mismunandi útgáfur af súpum í gegnum árin á fyrsta vetrardag. Það er stemning að taka þátt í þessu og ánægjulegt að geta gert það. Þetta var gert öðruvísi núna vegna ástandsins og ég held að við höfum náð til yngri markhóps í gegnum samfélagsmiðlana. Þetta vekur vitund og það voru margir sem sáu útsendinguna og þó að allir hafi ekki horft frá upphafi til enda þá vekur þetta athygli á hráefninu sem slíku.

Þetta er hvatning fyrir fólk að fara út í búð og kaupa þessar afurðir, íslenskt grænmeti og lambakjöt og með þessu móti höfum við sennilega náð til þeirra sem ætluðu sér jafnvel ekki að elda kjötsúpu. Það að fá fólk til að dansa þennan dans í eldhúsinu og útbúa sína útgáfu af íslensku kjötsúpunni er mikilvægt,“

segir Kristín Linda Sveinsdóttir, markaðsstjóri Sölufélags garðyrkjumanna.

Kjötsúpueldun í beinni útsendingu (upptaka)

Mynd: bbl.is

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Viðtöl, örfréttir & frumraun

Árið er 1989 – Veitingahúsarekstur á villigötum – Gömul saga og ný?

Árið er 1989 – Veitingahúsarekstur á villigötum – Gömul saga og ný?

Birting:

þann

Árið er 1989 - Veitingahúsarekstur á villigötum - Gömul saga og ný?

Árið er 1989 - Veitingahúsarekstur á villigötum - Gömul saga og ný?

Mynd: Tímaritið Heimsmynd – 6. tölublað – 01.09.1989

Lesa meira

Viðtöl, örfréttir & frumraun

Tilraunaveiðar með humargildrur ganga vonum framar

Birting:

þann

Humar - Leturhumar

Tilraunaveiðar með humargildrur á Ingu P SH ganga vonum framar og er auðsjáanlega humar víða í Breiðafirði.

Á mbl.is kemur fram að nokkuð óvænt tókst að ná í 120 kíló undan Arnarstapa, en þar hafa slíkar veiðar ekki verið stundaðar áður.

Fyrst voru gildrurnar í tilraunaveiðunum lagðar ellefu mílur vestur af Öndverðarnesi og var afli með ágætum en veður hamlaði þó veiðum. Í síðustu viku voru svo gildrurnar færðar í svokallað Jökuldýpi sem er þekkt humarsvæði, en áður fyrr voru humartogskip þar að veiðum, að því er fram kemur á mbl.is sem fjalla nánar um það hér.

Mynd: úr safni

Lesa meira

Viðtöl, örfréttir & frumraun

Einn besti matreiðslumaður á Íslandi gefur út matreiðslubók – Sjáðu sýnishorn úr bókinni hér

Birting:

þann

Matreiðslubókin Sumac - Þráinn Freyr Vigfússon

Þráinn Freyr Vigfússon

Sumac hefur verið einn vinsælasti veitingastaður landsins um árabil og nú lítur matreiðslubók staðarins dagsins ljós. Áhersla er lögð á ferskt og gott hráefni sem matreitt er undir áhrifum Mið-Austurlanda og Norður-Afríku.

Eldur, framandi krydd, fjölbreytileiki og hollar og girnilegar nýjungar eru meginstef bókarinnar sem inniheldur fleiri en hundrað uppskriftir sem prýtt hafa matseðil Sumac.

Höfundur bókarinnar, matreiðslumeistarinn Þráinn Freyr Vigfússon, ólst upp á Sauðárkróki. Hann hóf ungur störf við uppvask á sumarhóteli föður síns og heillaðist samstundis af hasarnum og spennunni í eldhúsinu.

Þráinn hefur starfað á mörgum virtum veitingastöðum á Íslandi og erlendis. Hann opnaði veitingastaðina Sumac og ÓX árið 2017. Þráinn hefur verið valinn kokkur ársins hérlendis, keppt fyrir Íslands hönd í Bocuse d’Or og verið meðlimur og þjálfari kokkalandsliðs Íslands.

Bókina prýða glæsilegar ljósmyndir eftir Heiðdísi Guðbjörgu Gunnarsdóttur.

Bókina er hægt að kaupa í gegnum heimasíðuna Sumac.is.

Fleiri fréttir um Þráinn hér.

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag