Vertu memm

Viðtöl, örfréttir & frumraun

Kjarnafæði gefur matvælabraut VMA hraðkæli

Birting:

þann

Hraðkælir - Sjokker

Rúnar Ingi Guðjónsson (til hægri), gæðafulltrúi hjá Kjarnafæði, afhenti Benedikt Barðasyni skólameistara, fyrir hönd VMA, hraðkælinn.

Óhætt er að segja að fjölmörg fyrirtæki hugsi hlýlega til skólastarfs í Verkmenntaskólanum á Akureyri (VMA) og sýni skólanum í verki stuðning með margvíslegum hætti.

Slíkt er ómetanlegt og hjálpar skólanum, eins og hann vill og kappkostar, að vera í fremstu röð. Mikilvægur þáttur í starfi verknámsskóla eins og VMA er að vera vel tækjum búinn og þar stendur hnífurinn oft í kúnni því mörg tæki á verknámsbrautunum kosta mikla peninga en fjárheimildir til tækjakaupa eru hins vegar þröngar.

Mýmörg dæmi eru um að atvinnulífið hafi hlaupið undir bagga og gert VMA kleift að fá ýmsan tækjabúnað til kennslu sem ekki hefði verið mögulegt fyrir skólann að kaupa.

Nýjasta dæmið er hraðkælir – stundum kallaður sjokker – sem hefur lengi vantað í eldhúsið á matvælabraut VMA. Júlía Skarphéðinsdóttir, formaður Klúbbs matreiðslumeistara á Norðurlandi, gekk í málið og setti upp áætlun um að safna fjármunum frá mörgum fyrirtækjum til þess að fjármagnað kaupin á hraðkælinum.

Hraðkælir - Sjokker

Hún hafði fyrst samband við Kjarnafæði og þurfti ekki að leita lengra því Kjarnafæði ákvað að kaupa kælinn og færa matvælabraut VMA hann að gjöf.

Rúnar Ingi Guðjónsson, gæðafulltrúi hjá Kjarnafæði, afhenti Benedikt Barðasyni skólameistara, fyrir hönd VMA, hraðkælinn.

Þetta er afar höfðinglegur stuðningur Kjarnafæðis við skólann og margoft áður hefur fyrirtækið verið matvælabrautinni sterkur bakhjarl. Fyrir hraðkælinn og allan stuðning Kjarnafæðis við skólastarfið vill Verkmenntaskólinn koma á framfæri einlægum þökkum til eigenda og stjórnenda fyrirtækisins.

Myndir: vma.is

Ef þú hefur áhuga á að auglýsa hér á veitingageirinn.is, hafðu þá samband við okkur á netfangið [email protected] og við sendum til baka allar upplýsingar. ... smellið hér til að lesa fleiri fréttir og tilkynningar frá styrktaraðilum vefsins.

Viðtöl, örfréttir & frumraun

Bóndadagurinn – Magnús á Réttinum: „Við þurftum að fara á byrjunarreit aftur…“ – Myndband

Birting:

þann

Magnús Þórisson matreiðslumeistari

Magnús Þórisson matreiðslumeistari

Bóndadagurinn er í dag og markar upphaf Þorra og þá borða Íslendingar þorramat, súra hrútspunga, svið og íslenskan gamaldags mat.

Á Suðurnesjum hafa nokkur þúsund manns sótt vinsæl þorrablót undanfarin ár. Þau verða hvergi núna en líkalega verða nokkur miklu minni í heimahúsum.

Einn þeirra sem þarf að hjálpa til í því er Magnús Þórisson matreiðslumeistari og hans fólk á Réttinum í Keflavík. Hann setti þorramat í trog og tók á móti sjónvarpsmönnum Víkurfrétta með súrum pungum.

Mynd: Skjáskot úr myndbandi

Lesa meira

Viðtöl, örfréttir & frumraun

Gamla bíó í samstarf við Lux veitingar

Birting:

þann

Lux Veitingar

Viktor Örn Andrésson og Hinrik Örn Lárusson

Gamla bíó hefur hafið samstarf við Lux veitingar og munu þeir nú sjá um veitingar í öllum veislum í Gamla bíó.

Lux veitingar voru stofnaðar af þeim Hinriki Lárussyni og Viktori Erni Andréssyni árið 2018. Eins og nafnið gefur til kynna þá standa Lux veitingar fyrir lúxus, gæði og persónulega þjónustu. Viktor og Hinrik hafa starfað á mörgum af bestu veitingastöðum Íslands.

Viktor og Hinrik kynntust þegar þeir kepptu í heimsmeistarakeppni í matreiðslu ‘Bocuse d´Or árið 2017. Báðir hafa þeir mikla ástríðu fyrir keppnismatreiðslu og voru báðir í Kokkalandsliðinu um nokkur ára skeið.

Viktor Örn vann gull í keppninni kokkur ársins árið 2013 og 2014 tók hann einnig gullið í norðurlandakeppninni.

Mynd: aðsend

Lesa meira

Viðtöl, örfréttir & frumraun

Kokkarnir og kolefnisfótsporið – Landsfrægir matreiðslumeistarar á Zoom fundi

Birting:

þann

Kokkur - Matreiðslumaður

Slow food Reykjavík, hefur opnar pallborðsumræður um ábyrgð matreiðslumanna í loftslagsmálum. Kolefnisspor matvælaframleiðslu er gríðarþungt og er það mikilvægur póstur til að draga saman losun.

Hvert og eitt okkar getur gert margt, en kokkar og matreiðslumenn sem elda fyrir fjölda manns á hverjum degi geta gert meira, er fram kemur í facebook viðburði hjá Slow food Reykjavík.

Til þess að ræða þessi mál eru:

Sævar Helgi Bragason, sem gerði hina frábæru þættina: Hvað höfum við gert?, og hefur sérfræðiþekkingu á loftslagsmálum.

Dominique Plédel Jónsson sem hefur verið kyndilberi Slow food hugsjónarinnar hér á landi um árabil.

Alexandra Kjeld, umhverfisverkfræðingur hjá EFLU verkfræðistofu, sem hefur þróað kolefnisreikni fyrir máltíðir, Matarspor

Kokkarnir

Gísli Matthías Auðunsson, matreiðslumeistari og eigandi Slippsins í Vestmanneyjum.

Sveinn Kjartansson, matreiðslumeistari í Seðlabankanum.

Gunnar Garðarsson matreiðslumeistari og eigandi Mathússins Bjargarsteins í Grundarfirði.

Kristín Birta Ólafsdóttir, nýútskrifaður matreiðslumaður.

Dóra Svavarsdóttir, matreiðslumeistari stýri umræðum, formaður Slow food Reykajvík og hefur mikið unnið í matarsóunarmálum.

Viðburðinum verður streymt á fésbókarsíðu Slow food Reykjavík á morgun Fimmtud. 21. janúar kl 16 – 17.30.

Áhorfendum gefst kostur á að senda inn spurningar og athugasemdir.

Mynd: úr safni

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag