Vertu memm

Áhugavert

Kemur eins og ferskir vorvindar í annars mayones-smurða skyndibitamenningu Akureyrar

Birting:

þann

Það var nú á vordögum að ráðist var í að breyta húsnæði við Ráðhústorg á Akureyri  í skyndibitastað. Það voru eigendur Serrano þeir Emil, framkvæmdarstjóri, og Einar Örn, sem reyndust svo djarfir.  Ljóst þótti að staðurinn þyrfti á mikilli yfirhalningu að halda áður en að hægt yrði að opna þar veitingastað, þar sem að húsnæðið hýsti áður tískufataverslunina Didda Nóa. Þetta verkefni réðust þeir í ásamt her verkamanna og var því lokið nú seinnipartinn í júlí.

Staðurinn sem rúmar 25 manns í sæti var svo opnaður með látum þann 26. júlí síðastliðinn og hafa móttökurnar verið mjög góðar að sögn Herdísar veitingastjóra. Fyrsta daginn var fyrstu 200 viðskiptavinunum  gefinn „burrito“ en hinir tæplega 500 sem á eftir komu þurftu reyndar að borga, en að sögn veitingastjóra þá er þetta stærsta opnun Serrano hingað til. Haft var á orði að þrátt fyrir örsmáa hnökra á opnuninni þá voru Akureyringar og nærsveitungar afar skilningsríkir og tóku þessu öllu með stóískri ró eins og þeim einum er lagið. Staðurinn gefur sig út fyrir að vera með áherslu á ferskt hráefni og að hafa hollustuna í fyrirrúmi og kemur því eins og ferskir vorvindar í annars mayones-smurða skyndibitamenningu Akureyrar. Þarna er meðal annars hægt að fá burrito, quesadillas, nachos og því er ljóst að þarna er kominn mjög fínn kostur fyrir þá sem kjósa hollari skyndibita en „börger og franskar“.

Þrátt fyrir að hafa aðeins verið starfræktur í örfáa daga þótti starfsfólki staðarins skemmtilegt að sjá að sömu andlitin koma dag eftir dag og líta því framtíðina afar björtum augum.  Eigendurnir eru einnig afar þakklátir með þessar móttökur sem þeir hafa fengið og eru þær langt fram úr okkar væntingum, sagði Emil Helgi í samtali við fréttamann.

Myndir og texti: Magnús

Viltu birta grein á Veitingageirinn.is? Sendu okkur póst [email protected] Með pistlinum þarf að fylgja nafn höfundar, titill og mynd.

Lesa meira
Auglýsingapláss

Áhugavert

Taktu prófið! Hvað veist þú um matreiðslufagið? #3

Birting:

þann

Grillkokkur - Kokkahúfa

Við spyrjum lesendur veitingageirans: Hvað veist þú um matreiðslufagið?

Kerfið sér síðan um að birta niðurstöðuna við lokaspurninguna.

Gangi ykkur vel.

Deildu niðurstöðunni

Share your score!
Tweet your score!

#1. Undirstöðu sósa fyrir tartarsósu er?

#2. Undirstöðu sósa fyrir mousselinesósu er?

#3. Hvað fær bavarois búðing til að stífna?

#4. Hvað fær créme caramel til að stífna?

#5. Sósa með spergli Pompadour er?



#6. Chateaubriand er matreitt úr?

#7. Calvados vín er búið til úr?

#8. Sósan sem notuð er í eftirréttinn Belle Helene heitir?

Ljúka

Viltu fleiri spurningar?  Smelltu þá hér.

Mynd: úr safni

Lesa meira

Áhugavert

Marentza Poulsen snaraði fram dýrindis smurbrauð

Birting:

þann

Marentza Poulsen - Klambrar Bistrø - Smurbrauð

Marentza Poulsen

Það þarf vart að kynna smurbrauðsdrottningu okkar Íslendinga Marentzu Poulsen, en hún hefur til að mynda rekið sumarveitingastaðinn Flóran í garðskála Grasagarðsins frá árinu 1997.

1. september s.l. fór Flóran í vetrardvala og hefur Marentza ekki setið auðum höndum síðan.

Klambrar Bistrø býður meðal annars upp á 3-4 tegundir af smurbrauði að hætti Frú Poulsen. Á meðfylgjandi mynd hér að ofan má sjá Marentzu leggja lokahönd á dýrindis smurbrauð.

Klambrar Bistrø - Smurbrauð

Klambrar Bistrø á Kjarvalstöðum

Klambrar Bistrø

Klambrar Bistrø er tiltölulega nýr veitingastaður en hann opnaði í febrúar í fyrra og er staðsettur á Kjarvalstöðum.

Virkilega girnilegir réttir eru á boðstólnum hjá Klambrar Bistrø, en hann er stúfullur af smurbrauði, hnallþórum, fiskréttum svo fátt eitt sé nefnt.

Hver er Marentza Poulsen?

Marentza Poulsen er fædd og uppalin í Færeyjum hjá matelskandi foreldrum og fluttist á unglingsaldri með fjölskyldu sinni til Íslands. Þar hóf Marentza sinn starfsferil innan veitingageirans, fyrst á Hótel Sögu og síðar á Hótel Loftleiðum. Þegar hún var 18 ára gömul fór hún til Kaupmannahafnarþar sem smurbrauðsjómfrúin varð til, Marentza hefur því sterkar taugar til Danskrar matarhefðar auk áhrifa frá móður sem kunni að nýta og gera dýrindis máltíðir úr því sem til féll.

Eftir að Marentza fluttist aftur heim til Íslands hefur hún meira og minna starfað við matargerð og veisluþjónustu auk námskeiðahalds því tengdu. Þar má nefna stöðu veitingastjóra til margra ára í Oddfellowhúsinu og á Hótel Borg, rekstur kaffíhúss í Hlaðvarpanum og sumarhótels á Skálholti.

Marentza hefur haldið fjöldan allan af námskeiðum þar sem hún fór stórum í tilraunum sínum til að beina Íslendingum inn á rétta braut hvað varðar jólaundirbúning, veisluhöld af öllum stærðum og gerðum og borðskreytingum að ógleymdu litla hnetuborðinu sem prýddi mörg heimili landans í aðventunni á 10. áratugnum.  Texti um Marentzu: floran.is

Fleiri fréttir um Marentzu Poulsen hér.

Girnilegar hnallþórur

Hnallþórur hafa verið vinsælar á veisluborðum Íslendinga um langt skeið og það verður enginn svikinn af þessum hnallþórum á veitingastaðnum Klambrar Bistrø.

Myndir: facebook / Klambrar Bistrø

Lesa meira

Áhugavert

Er viðburður framundan hjá þér? – Komdu honum á framfæri þér að kostnaðarlausu

Birting:

þann

Logo - Veitingageirinn

Hér á vefnum veitingageirinn.is hefur verið í notkun viðburðardagatal í nær 15 ár þar sem hægt er að fylgjast með hvað framundan er í veitingabransanum.

Við bjóðum veitingahús, hótel, félagasamtök og aðra starfsemi að auglýsa í viðburðardagatalinu, en þessar birtingar eru án endurgjalds.

Sendu tölvupóst á [email protected] og fáðu allar upplýsingar.

Einnig er hægt að senda í gegnum þetta form hér.

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag