Vertu memm

Áhugavert

Íslenskur yfirkokkur nýráðinn á hótel í Noregi

Birting:

þann

Björgvin Jóhann HreiðarssonBjörgvin Jóhann Hreiðarsson hefur verið ráðinn sem yfirkokkur á Rica hótelinu í Narvik í Noregi sem er nýjasta hótelið í Rica hótelkeðjunni.  Björgvin er 36 ára matreiðslumaður og lærði fræðin sín hjá Bjarka Hilmarssyni á Hótel Geysi, en hann hefur meðal annars unnið á Hótel Leirubakka, Hótel Glym og Skandinavian á Laugaveginum.

Árin 2008 og 2009 starfaði Björgvin Bolkesjo hóteli í Noregi ásamt þeim Hilmari Þór Harðarsyni matreiðslumanni og Sigurði Rúnari Ásgeirssyni sem er í dag yfirmatreiðslumaður yfir Rica hótelinu í Stavanger.

Rica hótelið Narvik er staðsett í miðbæ Narvikur sem er 14 þúsund manna bæjarfélag í norður Noregi.  Hótelið er 16 hæða fjölskyldu og ráðstefnuhótel með 148 herbergi og fundaraðstöðu fyrir 300 manns.  Hótelið opnaði 1. mars 2012.

Veitingastaðurinn sjálfur tekur 230 manns í sæti en með öðrum hliðarsölum er hægt að taka 400 manns í mat í heildina.  Yfirþjónn er norðmaðurinn Morten Andreassen, en á veitingastaðnum er boðið upp á mat úr árstíðar-, og staðbundið hráefni í bland við norskan mat frá fyrri tíð sem settur hefur verið í nýjan búning.  Veitingastaðurinn er opinn frá klukkan 18:00 til 22:30, en frá kl 11:00 til 18:00 er opið fyrir bistró matseðil á hótelbarnum sem staðsettur er upp á 16. hæð.

Myndir: af facebook síðu Rica hótelsins í Narvik.

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Lesa meira
Auglýsingapláss

Áhugavert

Enduðu á sjúkrahúsi eftir að hafa smakkað á ofursterkum hamborgara

Birting:

þann

Sterkur matur

Sterkur maturBlaðamennirnir Arron Hendry og Ruari Barrett frá blaðinu The Argus ætluðu að smakka á The XXX Hot Chilli Burger á veitingastaðnum Burger Off í Brighton Englandi og skrifa grein um hann, en það endaði á annan hátt.

Þeir náðu einum bita hvor, en þá hafnaði meltingakerfi þeirra þessu og leiðin lá á sjúkrahúsið í Brighton.

18 ára aldurstakmark

Blaðið The Daily Mail, hafði skrifað um þennan hamborgara sem er svo sterkur að fólk þarf að skrifa undir plagg um að það taki ábyrgðina á að borða hann, vegna þess að fimm hafa endað á sjúkrahúsi sem reyndu að borða hann, einnig er aldurstakmark 18 ár á að kaupa hann.

Habanero chillien er skráður sem ekstra sterkur, en er bara 300000 á skala Scoville, sá sterkasti chilli er Trinidad Moruga Scorpion sem er á skalanum 1,4 – 2 miljónir, en hvað haldið þið að talan hafi verið fyrir borgarann, hún var 7 til 11 miljónir á áðurnefndum skala til samanburðar er Tabasco sósan 2500 – 5000 og piparúði er 500000 – fimm miljónir á skalanum.

Skilaboð frá blaðamönnunum eru skýr, borðið mildari mat

Mikið hefur færst í vöxt í Evrópu og þá sérstaklega norður hlutanum að krydda matinn mikið.

Hlutir eins og hvítlaukur, chilli, karrý voru ekki fundin upp sem krydd, heldur voru það aðstæður sem neyddu fólk til að byrja að nota þau, því hér áður fyrr var ekkert sem heitir kæling á mat, hann varð að borða sama dag og honum var slátrað, því súrefnið byrjar strax að skemma mat sem er í hita, þannig að þessir sterku hlutir í náttúrunni voru til þess að vinna á móti ýldubragðinu.

Og vegna þess og að ekki náðist að ná dauðastirnuninni úr dýrinu fyrir eldun, þá er mikið af kássum í þessum heimshluta, það þurfti með öðrum orðum að sjóða í tætlur.

Önnur ástæða sem mannskepnan lærði fljótt var að þegar hún borðaði svona sterkan mat þá gaf líkaminn frá sér undarlega lykt sem hafði þann eiginleika að halda skordýrum í skefjum.

En við hér upp í Norðrinu höfðum kulda, frost og ís og þurftum ekki að glíma við sömu vandamál, við gátum kælt, fryst, súrsað, þurrkað og þegar við fengum salt bættist söltun við.

Burger Off í Brighton Englandi

Burger Off í Brighton Englandi

Væru báðir á klósettinu

Vegna þessa er okkar meltingakerfi mótækilegt á annan máta en þeirra í heitu löndunum, við þolum mjólkurvörur, salt, sykur, en fáum oft velgju eftir að hafa borðað eitthvað sterkt, en fólk í Asíu og heitu löndunum, fær vanlíðan ef það neytir mjólkurvara en getur borðað sterkan mat eins og ekkert sé.

Dæmi:

íslendingur getur borðað mjólkurvörur daglega og líður bara mjög vel.

Mexíkani getur borðað chillipipar eins og sælgæti og líður bara mjög vel.

En ef þessu yrði snúið við, væru þeir sennilega báðir á klósettinu meira og minna.

Matreiðslumenn athugið

Þetta er það sem matreiðslumenn þurfa að hafa í huga þegar þeir skapa rétti og hver styrkleikinn eigi að vera.

 

/Sverrir

twitter og instagram icon

 

Lesa meira

Áhugavert

Kokkaliðið FC-KOKKS upp fyrir haus í drullu

Birting:

þann

FC KOKKS - Mýrarbolti

Kári Þorsteinsson Kex Hostel, Viktor Örn Andrésson Bláa Lónið, Steinar Sveinsson Grillinu á Hótel Sögu, Þráinn Freyr Vigfússon Kolabrautin, Þórður Matthías Þórðason Fellini Veitingastaður, Kristófer Unnsteinsson Bláa Lónið, Björn Ingi Óskarsson Bláa Lónið, Benedikt Fannar Gylfason Bláa Lónið, ásamt fleirum snillingum

Evrópumeistaramótið í mýrarbolta var spilaður nú um verslunarmannahelgina á Ísarfirði í Tungudal.  Metþátttaka var á mótinu eða rúmlega 100 lið skráðu sig í keppnina og var eitt af þeim kokkaliðið FC-KOKKS.

„Við spiluðum 3 leiki, töpuðum fyrsta leiknum 2-1, svo unnum við 1-0 og gerðum markalaust í siðasta.  Komumst sem betur fer ekki áfram“.

Sagði Þráinn hress í samtali við veitingageirinn.is, en engin stórvægileg meiðsli var á mannskapnum eftir þessa harða baráttu.

Meðfylgjandi myndir eru frá Viktori og eru þær birtar hér með góðfúslegu leyfi hans.

Drulluhressir kokkar í Mýrarbolta

Þórður á grillinu

Auðvitað var sælkeraveisla hjá kokkunum í útilegunni

 

Lesa meira

Áhugavert

Kemur eins og ferskir vorvindar í annars mayones-smurða skyndibitamenningu Akureyrar

Birting:

þann

Það var nú á vordögum að ráðist var í að breyta húsnæði við Ráðhústorg á Akureyri  í skyndibitastað. Það voru eigendur Serrano þeir Emil, framkvæmdarstjóri, og Einar Örn, sem reyndust svo djarfir.  Ljóst þótti að staðurinn þyrfti á mikilli yfirhalningu að halda áður en að hægt yrði að opna þar veitingastað, þar sem að húsnæðið hýsti áður tískufataverslunina Didda Nóa. Þetta verkefni réðust þeir í ásamt her verkamanna og var því lokið nú seinnipartinn í júlí.

Staðurinn sem rúmar 25 manns í sæti var svo opnaður með látum þann 26. júlí síðastliðinn og hafa móttökurnar verið mjög góðar að sögn Herdísar veitingastjóra. Fyrsta daginn var fyrstu 200 viðskiptavinunum  gefinn „burrito“ en hinir tæplega 500 sem á eftir komu þurftu reyndar að borga, en að sögn veitingastjóra þá er þetta stærsta opnun Serrano hingað til. Haft var á orði að þrátt fyrir örsmáa hnökra á opnuninni þá voru Akureyringar og nærsveitungar afar skilningsríkir og tóku þessu öllu með stóískri ró eins og þeim einum er lagið. Staðurinn gefur sig út fyrir að vera með áherslu á ferskt hráefni og að hafa hollustuna í fyrirrúmi og kemur því eins og ferskir vorvindar í annars mayones-smurða skyndibitamenningu Akureyrar. Þarna er meðal annars hægt að fá burrito, quesadillas, nachos og því er ljóst að þarna er kominn mjög fínn kostur fyrir þá sem kjósa hollari skyndibita en „börger og franskar“.

Þrátt fyrir að hafa aðeins verið starfræktur í örfáa daga þótti starfsfólki staðarins skemmtilegt að sjá að sömu andlitin koma dag eftir dag og líta því framtíðina afar björtum augum.  Eigendurnir eru einnig afar þakklátir með þessar móttökur sem þeir hafa fengið og eru þær langt fram úr okkar væntingum, sagði Emil Helgi í samtali við fréttamann.

Myndir og texti: Magnús

Lesa meira
  • Goggi á Kalda bar 22.09.2020
    Georg Leite | Hristarinn Happy Hour með The Viceman George Leite eða Goggi er barþjónn sem á ættir sínar að rekja til Brasilíu. Hann er menntaður viðskiptafræðingur og auk þess að vera barþjónn hefur hann reynt fyrir sér sem leikari og á fjölmörgum vettvöngum. Hann er einn af eigandi heildsölunnar Drykkur sem flytur inn úrval […]
  • Bjartur Daly Þórhallsson 14.09.2020
    Bjartur Daly Þórhallsson | Hristarinn Happy Hour með The Viceman Bjartur Daly er barþjónn sem hefur grunn frá Danmörku. Undanfarin ár hefur hann unnið á mörgum af vinsælustu börum landsins enn í dag starfar hann á veitingastaðnum Skál á Hlemmi Mathöll. Að undanförnu hefur Bjartur vakið athygli með kokteila-stefnu sem allir ættu að kynna sér […]

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag