Vertu memm

Starfsmannavelta

Iðnó til leigu – ertu með góða hugmynd?

Birting:

11 mánuðir síðan

þann

IÐNÓ, menningarhús við Tjörnina í Reykjavík

Reykjavíkurborg auglýsir eftir áhugasömum aðilum til að taka Iðnó á leigu undir menningarstarf og annað sem styður við starfsemi þess og eykur líf í húsinu.

Iðnó var lokað fyrir um 8 mánuðum síðan, rekstraraðilar á Iðnó þeir Þórir Bergsson matreiðslumaður og René Boonekamp sögðu á sínum tíma að ástæðan var að það reyndist fjárhagslega ómögulegt að halda áfram með reksturinn á þessum fordæmalausu tímum.

Iðnó skellir í lás

Markmið Reykjavíkurborgar með útleigu Iðnó er að:

  • Iðnó verði opin og lifandi miðstöð menningarstarfs sem laði að sér breiðan hóp gesta.
  • Menningarstarfsemi Iðnó verði af þeim meiði að hún auki fjölbreytni í menningarlandslagi miðborgarinnar.
  • Allri starfsemi í húsinu verði hagað á þann veg sem hæfir merkri sögu þess, byggingagerð og staðsetningu í hjarta borgarinnar. Fyllsta tillit sé tekið til þessa í innréttingum, tæknibúnaði, rekstri og umgengni.

Mat tilboða:

Umsóknir verða metnar á grundvelli eftirfarandi þátta:

  • Fyrirhugaðri menningarstarfsemi og hversu vel hún samræmist markmiði Reykjavíkurborgar með útleigunni.
  • Reynslu umsækjanda af menningarrekstri.
  • Leigufjárhæð og getu til að standa skil á henni.
  • Annarri starfsemi sem eykur sýnileika hússins og aðsókn að því.

Umsækjendur sem sækjast eftir því að taka húsið á leigu skulu vera í skilum með opinber gjöld og greiðslur lífeyrissjóðsiðgjalda og geta ekki verið í vanskilum við Reykjavíkurborg.

Sérstök matsnefnd Menningar- og ferðamálasviðs Reykjavíkurborgar ásamt fulltrúa úr menningarlífi borgarinnar mun fara yfir umsóknir.

Reykjavíkurborg áskilur sér rétt til að taka ákjósanlegasta tilboði að dómi matsnefndar eða hafna öllum.

Athygli skal vakin á því að möguleiki er til veitingareksturs í Iðnó sem gæti stutt við aðra starfsemi hússins.

Samningstími:

Gert er ráð fyrir að nýr leigusamningur hefjist 1. mars 2021 og gildi til fimm ára með möguleika á framlengingu í allt að þrjú ár til viðbótar, samþykki báðir aðilar slíka framlengingu.

Samningsaðilum er heimilt að segja upp samningnum með eins árs fyrirvara, þó eigi fyrr en 1. mars 2022.

Nánari upplýsingar:

Menningar- og ferðamálasvið Reykjavíkurborgar tekur á móti fyrirspurnum á netfangið [email protected]

 Umsókn um leigu Iðnó 2021

Fylgigögn með umsókn:

Eftirfarandi gögnum ber að skila með umsókn:

  1. Staðfesting frá Tollstjóra að umsóknaraðili sé í skilum með opinber gjöld.
  2. Staðfesting frá viðkomandi lífeyrissjóðum að umsóknaraðili sé í skilum með lífeyrissjóðsiðgjöld.
  3. Greinargerð sem lýsir fyrirhugaðri menningarstarfsemi og reynslu af menningarstarfsemi.
  4. Tilgreina hverjir samstarfsaðilar umsóknaraðila eru, ef um þá er að ræða.
  5. Greiðsluhæfi leigjanda til að geta staðið undir umsömdum leigugreiðslum.

Skil umsókna:

Skilafrestur umsókna er til og með 7. febrúar 2021. Ekki verður tekið við umsóknum sem berast eftir framangreindan tíma.

Umsóknir skulu berast til menningar- og ferðamálasviðs Reykjavíkurborgar með annarri hvorri af eftirfarandi leiðum:

  • í lokuðu umslagi í móttöku ráðhúss Reykavíkur við Tjarnargötu.
  • með tölvupósti á [email protected]. Sendi umsækjandi þátttökutilkynningu með tölvupósti skal hann ganga úr skugga um að þátttökutilkynning hafi skilað sér til menningar- og ferðamálasviðs með staðfestingu þess efnis.

Mynd: reykjavik.is

Tög:

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Lesa meira
Auglýsingapláss

Starfsmannavelta

Daniel Humm hættir á Claridge eftir ágreining um vegan-væðingu

Birting:

3 vikur síðan

þann

14.11.2021

Eftir

Daniel Humm

Daniel Humm er einn af stofnendum þriggja Michelin-stjörnu veitingastaðnum Eleven Madison Park í New York, sem var breytt í fine dining vegan veitingastað fyrr á þessu ári.

Fimm stjörnu hótelið Claridge í Mayfair Lundúnum hefur misst yfirmatreiðslumanninn Daniel Humm eftir að stjórnendur hótelsins hafnaði tillögu hans um að breyta veitingastað hótelsins, Davies and Brook, í vegan stað.

Hótelið sendi frá sér yfirlýsingu á Twitter á föstudaginn s.l. þar sem fram kemur að þetta væri „ekki leið sem við viljum fylgja“ á veitingastaðnum, sem býður upp á fjögurra rétta matseðil á 125 pund á mann, þar á meðal kavíar og foie gras.

„Við virðum og skiljum fullkomlega vegan matreiðslustefnuna sem Daniel hefur áhuga á. Hins vegar er þetta ekki sú leið sem við viljum fara í hér hjá Claridge’s í augnablikinu, því miður, höfum við ákveðið sameiginlega að fara hvor í sína áttina.“

Daniel Humm mun yfirgefa hótelið í lok árs, en tilkynningu og sýn hans á vegan fæði er hægt að lesa í meðfylgjandi Instagram tilkynningu frá honum:

Mynd: Instagram / Daniel Humm

Lesa meira

Starfsmannavelta

Rakang Thai og Blásteini lokað – Guðmundur: „Þetta er búinn að vera hrikalega erfiður tími undanfarin ár.“

Birting:

2 mánuðir síðan

þann

15.10.2021

Eftir

Rakang - Tælenskur veitingastaður

Veitingastaðnum Rakang Thai og sportbarnum Blásteini í Hraunbænum var lokað í síðustu viku. Guðmundur Ingi Þóroddsson, eigandi staðanna, segir undanfarin ár hafa reynst mjög erfið í rekstri vegna Covid-19. Ákvörðunin hafi verið erfið en henni fylgi ákveðinn léttir.

„Þetta er búinn að vera hrikalega erfiður tími undanfarin ár.“

Segir Guðmundur í samtali við visir.is sem fjallar nánar um málið hér.

Rakang - Tælenskur veitingastaður - Guðmundur Ingi Þóroddsson

Guðmundur Ingi Þóroddsson

Myndir: Ólafur Sveinn Guðmundsson / Veitingageirinn.is

Lesa meira

Starfsmannavelta

Starfslið Snaps hefur sagt starfi sínu lausu vegna víðtækrar óánægju með stjórnarhætti nýs rekstrarstjóra

Birting:

2 mánuðir síðan

þann

13.10.2021

Eftir

Snaps bistro bar

Nær allt starfslið veitingahússins Snaps við Óðinstorg hefur sagt starfi sínu lausu vegna víðtækrar óánægju með stjórnarhætti nýs rekstrarstjóra, að því er fram kemur á visir.is.

Í lok september sendu alls átta þjónar, vaktstjórar, barþjónar og kokkar inn uppsagnarbréf og hættu um mánaðamótin. Síðasta laugardag gengu svo þrír þjónar út á miðri vakt og hafa ekki snúið aftur til starfa.

Að sögn fyrrverandi starfsmanna snýr óánægjan meðal annars að launakjörum, undirmönnun, lakri gæðastjórnun og alvarlegum samskiptavanda sem hafi allt komið til í kjölfar stjórnendaskiptanna. Enginn í hópnum hyggst vinna uppsagnarfrest sinn og hafa margir nú þegar ráðið sig í önnur störf.

Segir allt í góðu á Snaps

Þórir Helgi Bergsson, rekstrarstjóri Snaps, vildi lítið kannast við uppsagnirnar þegar fréttastofa visir.is leitaði eftir viðbrögðum.

Stemmir það að þjónar hafi gengið út hjá þér á laugardaginn?

„Nei, þetta er bara innanhúsmál sem við erum að fást við. Það er bara þannig, það er bara allt í góðu hér.“

En þú kannast samt sem áður við þetta?

„Ég kannast bara við að það eru ákveðin … það er ekkert í gangi sko, ekkert til að setja í fréttir allavega.“

Þegar Þórir er spurður nánar út í það hvað átti sér stað á laugardag ítrekar hann að það sé einkamál.

Nánari umfjöllun er hægt að lesa á visir.is hér.

Mynd: úr safni

Lesa meira

RSS Fríar smáauglýsingar

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið