Vertu memm

Bragi Þór Hansson

Hver er maðurinn? Nýtt á veitingageirinn.is

Birting:

þann

LOGO - VEITINGAGEIRINNHver er maðurinn er nýr liður sem er að hefjast hér á Veitingageirinn.is.  Hér er um að ræða létta kynningu á starfsfólki í veitingabransanum, en fyrirkomulagið er að sendar verða nokkrar laufléttar og skemmtilegar spurningar á viðkomandi sem svarar og um leið bendir hann á þann næsta og svo koll af kolli.

Ef keðjan slitnar þá verða aðilar valdir af fréttamönnum en áætlað er að hafa þennan lið einu sinni í viku og vonumst við að fá góð viðbrögð frá bransanum.

Ef þið lumið á einhverjum skemmtilegum spurningum sem þið viljið fá svar við, þá endilega sendið þær á netfangið [email protected]

 

/Bragi

twitter og instagram icon

 

Bragi er matreiðslumaður að mennt, en hann lærði fræðin sín á Hótel Rangá. Bragi hefur starfað meðal annars á Radisson Blu 1919 hótel, Brasserie Blanc í Englandi. Hægt er að hafa samband við Braga á netfangið [email protected] .... skoða allar greinar höfundar >>

Bragi Þór Hansson

Veitingarýni – Tryggvaskáli – Jólamatseðill

Birting:

þann

Tryggvaskáli

Nú í nóvember s.l. fór ég á veitingastaðinn Tryggvaskála, en þar var ég hluti af 20 manna hóp og við áttum pantað borð kl 19:00 og pöntuðum jólaseðilinn hjá þeim. Jólaseðillinn er 8 rétta seðill og fyrst á litið fannst mér seðillinn bara nokkuð spennandi.

Þegar við mættum á staðinn var vel tekið á móti okkur, jákvætt og gott viðmót starfsfólks og okkur vísað til borðs. Við sátum á tveimur tíu manna borðum á efri hæð hússins. Tryggvaskáli er mjög hlýlegur staður og húsið sjálft hefur langa sögu enda er þetta elsta hús á Selfossi byggt árið 1890. Meira um sögu hússins hér.

Tryggvaskáli

Jólamtseðillinn

Drykkjapantanir gengu mjög hratt fyrir sig og voru allir komnir með sína drykki innan skamms.

Því miður náðist ekki að taka myndir af öllum réttum og biðjumst við velvirðingar á því.

Heimalagað brauð kom á borðin og síðar var fyrsti réttur borinn fram:

Gæsasúpa með andarillet, foie gras og brauðteningum

„Súpan var borin fram í bolla. Ilmurinn af súpunni var mjög góður og bragðið enn betra. Súpan var mjög bragðmikil.“

Næsti réttur var:

Tryggvaskáli

Grenireykt bleikja með fáfnisgrasi, rúgbrauði, sinnepsfræum og kirsuberi

„Fallegur réttur. Fínt reykbragð af bleikjunni. Bragðið í þessum rétt var milt og létt.“

Næstu tveir réttir komu saman á disk, en það var:

Tvíreykt hangikjöt með fíkjum, brioch og grænertumauki
Og
Humar með jarðskokkum, tómat confit og humargljáa

„Þjónninn benti okkur á að best væri að byrja á því að borða humarinn og síðan hangikjötið þó það væri öfugt við hvað seðillinn sagði.  Humarinn var mjög góður og hangikjötið var algjört sælgæti, það fær fullt hús stiga hjá mér.“

Fimmti rétturinn var:
Reyktur grísahnakki með rauðkáli, fava baunum, perlulauk og sykurbrúnaðri kartöflufroðu.

„Ég gæti alveg hugsað mér að fara aftur á tryggvaskála bara til að panta mér eina stóra skál af þessari kartöflufroðu. Mjög góður réttur og kom manni alveg í jólaskapið.“

Sjötti réttur var:

Tryggvaskáli

Andabringa með ananas, skalottlauk og einiberjagljáa.

„Ég verð nú að segja að þetta hafi verið síðsti rétturinn, en samt ekki slæmur réttur. Hann var í bragðmildari kantinum á miðað við alla hina réttina.“

Fyrsti eftirrétturinn var:

Sítrónufrómas og rifsberjaseyði

„Súr og ferskur. Aðeins of mikil sýra fyrir mig en flestir voru mjög sáttir við hann. Þarna var maður farinn að vera nokkuð saddur og einn réttur eftir.“

Eftirréttur númer tvö:

Tryggvaskáli

Pralín kaka með hægeldaðri peru, skyrmús, franskt núggat og pistasíur.

„Þó að flestir hafi verið saddir þegar þessi eftirréttur kom á borðið þá kláruðu allir af disknum.  Fullkominn endir á mjög góðum seðli.“

Þjónustan var mjög góð allt kvöldið og við fengum nákvæma útskýringu á öllum réttunum. Við gengum út mjög södd og sátt.

Tryggvaskáli

Á heildina litið var þetta mjög gott kvöld. Þjónustan og maturinn alveg til fyrirmyndar. Takk fyrir okkur.

Lesa meira

Bragi Þór Hansson

Michelin staðurinn Geranium sektaður

Veitingastaðurinn Geranium, sem er eini danski veitingastaðurinn með þrjár Michelinstjörnur, hefur verið sektaður ..

Birting:

þann

Rasmus Kofoed

Sommelier á Geranium og Rasmus Kofoed yfirmatreiðslumeistari

Veit­ingastaður­inn Ger­ani­um, sem er eini danski veit­ingastaður­inn með þrjár Michel­in-stjörn­ur, hef­ur verið sektaður af heil­brigðis­yf­ir­völd­um fyr­ir að geyma sjáv­ar­fang við of mik­inn hita og of lengi.

Sekt­in hljóðar upp á 20 þúsund dansk­ar krón­ur, sem svar­ar til 323 þúsund ís­lenskra króna. Ger­ani­um á að hafa geymt fersk­an skel­fisk, svo sem ostr­ur, hum­ar og hörpu­skel, við of mik­inn hita og fram yfir leyfi­leg­an neyslu­dag, seg­ir í ákvörðun heil­brigðis­eft­ir­lits­ins. Ákvörðunin er frá 29. sept­em­ber en rataði ekki í danska fjöl­miðla fyrr en í gær, að því er fram kemur á mbl.is sem fjallar nánar um málið hér.

 

Mynd: geranium.dk / Claes Bech-Poulsen

 

Lesa meira

Bragi Þór Hansson

Verbúð 11 | Veitingarýni

Birting:

þann

Verbúð 11

Gunnar Ingi Elvarsson yfirmatreiðslumaður og Jóhann Örn Ólafsson matreiðslumeistari og vaktstjóri

Verbúð 11 er nýr veitingastaður við gömlu höfnina í Reykjavík en staðurinn opnaði 25. febrúar s.l. og hefur verið nóg að gera síðan. Verbúð 11 er fjölskyldurekinn veitingastaður sem sérhæfir sig í fiski.

Verbúð 11

Jón Sigurðsson og fjölskyldan hans eiga Verbúð 11 og einnig einu fiskverkunina sem enn er starfræk í gömlu verbúðunum, það er Sindrafiskur ehf sem er til húsa í verbúð 10. Sindrafiskur ehf rekur trilluna Sindra RE – 46 sem sér Verbúð 11 fyrir ferskum fisk.

Yfirmatreiðslumaðurinn á Verbúð 11 heitir Gunnar Ingi Elvarsson. Hann lærði fræðin sín á Hótel Ísafirði og útskrifaðist árið 2009. Eftir að hafa unnið í Reykjavík í 2 ár flutti hann til Molde í Noregi og vann á Hotel Rica Seilet í 2 ár, flutti sig svo á Molde Fjordstuer sem er veitingastaður sem sérhæfir sig í fiski. Árið 2014 flutti hann aftur til Íslands og hóf störf sem vaktstjóri á Hótel Rangá. Í byrjun september var honum svo boðin staða sem yfirmatreiðslumaður á Verbúð 11.

Að fá að taka þátt í opnun á nýjum veitingastað og vera með í að koma honum á kortið er eitthvað sem maður getur ekki sagt nei við. Spennandi og krefjandi verkefni með góðri fjölskyldu sem hugsar virkilega vel um allt og alla.

, sagði Gunnar í samtali við veitingageirinn.is

Veitingarýni

Verbúð 11

Það er mikil samkeppni veitingastaða í kringum gömlu höfnina í Reykjavík og núna 25. febrúar s.l. opnaði veitingastaðurinn Verbúð 11 og við hjá veitingageiranum ákváðum að líta við og skoða hvernig þau væru að standa sig. Það var á þriðjudagskvöldi sem við áttum pantað borð á Verbúð 11. Það var snjór og frekar kalt úti þannig það var mjög þægilegt að koma inn í hlýjan veitingastað, sjá arininn loga, þægilega tónlist og brosandi þjóna sem tóku á móti okkur og buðu okkur sæti.

Kokkarnir í eldhúsinu áttu von á okkur og voru búnir að setja saman smá smakkseðil fyrir okkur þannig það var eftir engu að bíða.

Fordrykkur
Anna María Pétursdóttir framreiðslumeistari var þjónninn okkar um kvöldið sem byrjaði á því að gefa okkur fordrykki. Þar sem annar okkar var að keyra fengum við einn áfengan og einn óáfengan.

Verbúð 11

Sky news er kokteill sem Anna fór með í Íslandsmeistarakeppni kokteila árið 2003 og lenti þar í 2. sæti.

Verbúð 11

Sá óafengi heitir Verbúð 11, en þennan drykk gerði Anna sérstaklega fyrir staðinn.

Þessir kokteilar voru báðir mjög góðir, sætir og ferskir.

Verbúð 11

Brauð

Nýbakað brauð sem var mjög gott.

Verbúð 11

Amuse bouche.
Tartar með perlulauk og sítrónusnjó

Léttur og góður Tartar.

Með fyrstu tveimur réttunum fengum við Chardonay frá chile.

Verbúð 11

Fyrsti réttur.
Rauðrófugrafinn þorskur með piparrótarkremi, súrsaðri rauðrófu, kapers og ólífum

Þorskurinn var mjög góður og kremið var létt, bragðgott og passlega mikið piparrótarbragð af því

Verbúð 11

Annar réttur.
Humar og hörpuskel með döðlugljáa, tóma- vínberja og choricho rogout og mais mauk

Bæði humarinn og hörpuskelin voru fullkomlega elduð passaði vel með örlítið sterku ragout-inu. Þessi réttur var alveg að smella saman, það eina sem var hægt að setja útá var að það vantaði að krydda hörpuskelina svoldið betur.

Vínið passaði vel með þessum fyrstu réttum og gerði góðan mat ennþá betri

Verbúð 11

Aðalréttur.
Saltfiskur með rauðlauksmauki, gulrótum, nýpum, blómkáls cous-cous og sveppa- rauðvínsgljáa

Aftur fengum við vín frá Chile en það var Cabernet sauvignon.

Saltfiskurinn sem er saltaður í allt að tvö árum og þarf útvötnun í minnsta lagi viku var án nokkurs efa besti saltfiskur sem ég hef smakkað og vínið passaði ljómandi vel með þessum rétt.

Verbúð 11

Eftirréttur.
Lakkrískaka með rabbabaraís, bökuðum rabbabara og karamellusósu

Með eftirréttinum fengum við Portvín late bottled vintage 2008.

Kakan var vel bökuð, blaut og góð á bragðið en á heildina litið var þetta frekar sætur réttur.

Eftir að við höfðum lokið við máltíðina okkar stóðum við upp saddir og mjög sáttir við þjónustuna og matinn. Við þökkuðum kærlega fyrir okkur og héldum heim á leið.

 

Heimasíða: www.verbud11.is

/Bragi Hansson

 

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag