Vertu memm

Viðtöl, örfréttir & frumraun

Hver er maðurinn? – Kristinn: „við öskruðum úr okkur allan kraft“

Birting:

þann

Kristinn Gísli Jónsson

Kristinn Gísli Jónsson er meðlimur í Kokkalandsliðinu

Hver er maðurinn?, er fastur liður hér á veitingageirinn.is. Þar fá lesendur veitingageirans að fræðast meira um fagmanninn sem svarar spurningum. Sá sem situr fyrir svörum, skorar á næsta viðmælanda og svo koll af kolli.

Sindri skoraði á Kristinn að taka við keflinu og eru hér svörin hans.

Fullt nafn:
Kristinn Gísli Jónsson

Fæðingardagur og ár:
17. apríl 1996

Áhugamál?
Matur, vín, ferðalög.

Maki og Börn?
Kærastan mín Björg Eva.

Hvar lærðir þú?
Ég lærði á Lava Restaurant og á Dill.

Núverandi starf?
Kokkur á silfra Restaurant

Hvers vegna fórstu í kokkinn?
Fór í kokkinn vegna þess að það var alltaf mikill áhugi á matreiðslu hjá mér.

Segðu okkur eitthvað sem enginn annar veit um þig?
Er með hrikalega golfsveiflu.

Hver eru verstu mistök sem þú hefur nokkurn tímann gert í eldhúsinu?
Þau eru svo mörg, ekki hægt að velja.

Hvaða persónu er þér minnisstæðast að hafa eldað fyrir?
Beyoncé og Jay Z.

Hvaða íslenski skyndibitastaður er í uppáhaldi hjá þér og af hverju?
Le Kock, þeir gera bestu geggjaðan skyndibita.

Hver er skrítnasta ósk sem þú hefur fengið inní eldhús?
Blue nauta short ribs.

Hver er lengsta vakt sem þú hefur unnið, og hvað var að gerast?
Um 16 klst, man ekki ástæðuna

Hvaða tæki er mest notað í eldhúsinu þínu?
Thermomix.

Besti matur sem þú hefur smakkað?
Smakkseðill á Asador Extebarri.

Ef þú gætir ekki unnið í veitingabransanum hvað værir þú þá að gera?
Örugglega bara ennþá að reyna klára framhaldsskóla.

Hver er uppáhalds fagmaður þinn í veitingabransanum á Íslandi og af hverju?
Það eru svo margir sem ég lít upp til að ég get ekki valið.

Kristinn er meðlimur í Kokkalandsliðinu.  Eins og kunnugt er þá lenti liðið í 3. sæti á Ólympíuleikunum sem haldnir voru í Stuttgart í Þýskalandi nú á dögunum, sjá nánar hér.
Hvernig var tilfinningin að heyra Ísland í 3. sæti á Ólympíuleikunum?

Það var alveg magnað að heyra það, við öskruðum úr okkur allan kraft.

Hver tekur við keflinu, og af hverju?
Snorri Victor Gylfason því hann er lang flottastur.

Fleiri pistlar hér.

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Viðtöl, örfréttir & frumraun

Afturblik til fyrra tíma – Árið er 1837 „Öldin okkar“

Afturblik til fyrra tíma – Árið er 1837 „Öldin okkar“

Birting:

þann

Árið er 1837 "Öldin okkar"

Lesa meira

Viðtöl, örfréttir & frumraun

Kokkaflakk í eyrun – Fyrsti þátturinn er kominn í loftið

Birting:

þann

Kokkaflakk - Ólafur Örn Ólafsson

Þátturinn Kokkaflakk í eyrun, hóf göngu sína í vikunni

Þátturinn Kokkaflakk í umsjá veitingamannsins Ólafs Arnar Ólafssonar er kominn á dagskrá Hljóðkirkjunnar. Kokkaflakk í eyrun er á dagskrá alla þriðjudaga og fyrsti þátturinn er kominn á veiturnar Podbean, Spotify og Apple.

Hljóðkirkjan framleiðir hlaðvarpsþætti og annað er viðkemur hljóði og mynd. Dómsdagur – mánudögum. Kokkaflakk – þriðjudögum. Draugar fortíðar – miðvikudögum. STVF – fimmtudögum. Besta platan – föstudögum.

„Já krakkar mínir, nú þurfið þið ekki lengur að horfa á sjónvarpið alltaf bara! Nú getið þið hlustað á MIG tala við allskonar fólk um mat og allskonar annað, í staðinn.“

Segir Ólafur í tilkynningu, en hann er framreiðslumeistari að mennt og hefur t.a.m. verið öflugur með þættina Kokkaflakk sem sýnt hafa verið í Sjónvarpi Símans, sem nú fara af stað í hlaðvarpsformi.

Kokkaflakk - Ólafur Örn Ólafsson

Ólafur Örn Ólafsson

Kokkaflakk hefur notið mikilla vinsælda eins og áður sagði sem sjónvarpsþáttur hjá Sjónvarpi Símans.  Í þáttunum heimsótti Ólafur íslenska matreiðslumeistara sem störfuðu erlendis, forvitnaðist um matargerð þeirra og lífi og upplifði borgina sem þeir bjuggu í frá sjónarhóli þeirra. Ólafur ferðaðist til Osló, Berlín, Ghent, New York og París.

„Og ekki nóg með það, heldur þegar þið eruð búin að hlusta á mig þá getið þið hlustað á allt gúmmelaðið sem Hljóðkirkjan er með á sínum snærum. Dómsdagur, Draugar fortíðar, Snæbjörn talar við fólk og Besta platan.  S/O á Baldur Ragnarsson fyrir að vera snillingur og koma Þættinum svona fallegum í loftið. Að horfa á sjónvarp er fyrir lúða, hlustaðu frekar á Hlaðvarp“

segir Ólafur, en fyrsti gestur hans er Sonja Grant sem er vel kunnug lesendum veitingageirans, en hún veit allt sem hægt er að vita um kaffi og þá sérstaklega gæðakaffi, því hún hefur helgað líf sitt kaffi undanfarin rúm 20 ár.

Hún hefur stjórnað vinsælustu kaffihúsum á Íslandi og tekið þátt í að leiða byltingu gæðakaffis á Íslandi. Sonja er líka leiðandi í alþjóðlegu samstarfi kaffifólks, haldið Íslandsmót í kaffidrykkjum og heldur námskeið um kaffi í húsakynnum kaffibrennslunnar sinnar, Kaffibrugghússins.

Sonju finnst ekki leiðinlegt að tala um kaffi og gerir það af mikilli þekkingu.

Þáttinn er hægt að hlusta í heild sinni hér.

Myndir: facebook / Kokkaflakk

Lesa meira

Viðtöl, örfréttir & frumraun

Mötuneyti Landsvirkjunar í hnotskurn – Ingvar: Þetta er hætt að vera þessi 30 rétta endurtekni „kjötbolluhringur“ ….

Birting:

þann

Ingvar Sigurðsson matreiðslumeistari

Ingvar Sigurðsson matreiðslumeistari

Reglulega birtir Landsvirkjun viðtal við starfsfólk sitt á facebook síðu fyrirtækisins.

Nú er komið að Ingvari Sigurðssyni matreiðslumeistara en hann stýrir mötuneytinu, „Lóninu“, á skrifstofum Landsvirkjunar að Háaleitisbraut 68.

„Mötuneyti hafa tekið mjög miklum breytingum á síðustu árum.  Þetta er hætt að vera þessi 30 rétta endurtekni „kjötbolluhringur“, heldur hann áfram. „Krafa nútímans er um hollari og léttari mat, með meira grænkera- og grænmetisfæði en áður tíðkaðist,“

segir Ingvar.

Ingvar Sigurðsson matreiðslumeistari

Ingvari líður vel í Lóninu, mötuneytinu á Háaleitisbrautinni.

Bjóða alltaf upp á hreinræktaðan vegan-rétt

Ingvar og félagar í mötuneytinu hafa svarað þessu kalli með því að bjóða alltaf upp á hreinræktaðan vegan-rétt, auk aðalréttarins hverju sinni. Oft kemur líka fyrir að aðalrétturinn er vegan-réttur.

„Það má segja að þetta hafi verið náttúruleg þróun, eftir því sem yngra fólk vinnur hjá fyrirtækinu.  Það hefur mikið breyst síðan ég kom hingað fyrst, fyrir fjórtán árum. Þá var meðalaldur starfsfólks frekar hár og allt aðrar væntingar til mötuneytisins en eru núna.

Ég kom inn með ægilegum látum og ýmsar framsæknar fyrirætlanir, en þær féllu í frekar grýttan farveg hjá eldri kynslóðinni. „Er konudagur í dag?“ var viðkvæðið þegar ég reyndi að bjóða upp á grænmetisrétti,“

segir Ingvar og hlær.

Maturinn á Lóninu – #1

En síðan þá hefur jarðvegurinn orðið sífellt betri fyrir léttan, góðan og hollan mat af því tagi sem Ingvar hugðist bjóða upp á þegar hann byrjaði og nú er sem fyrr segir svo komið að grænmetisréttir eru daglegt brauð.

„Þegar maður stýrir mötuneyti er það svolítið eins og að vera hljómsveit að spila á balli: Maður verður að lesa salinn og uppfylla væntingar hópsins. Ná upp stemmningunni. En um leið þarf maður helst að vera einu skrefi á undan og sýna smá dirfsku,“

segir hann.

Hinn dæmigerði nýi starfsmaður hjá Landsvirkjun er milli þrítugs og fertugs, langskólagenginn og hefur gjarnan dvalið erlendis við nám eða störf.

„Þetta er fólk sem hugsar ofboðslega mikið um hvað það setur ofan í sig og það hefur líka ýmis sjónarmið sem fylgja nýrri kynslóðum, eins og t.a.m. um kolefnisspor matarins, áhrif hans á umhverfið og velferð dýra.

Og við þessu þurfum við að bregðast. En á sama tíma megum við ekki gleyma þeim sem fyrir eru og eru hefðbundnari í smekk og áherslum. Þetta er viðkvæmt jafnvægi,“

segir Ingvar.

Maturinn á Lóninu – #2

Ingvari er matarsóun hugleikin og hefur sterkar skoðanir á henni.

„Þetta er náttúrulega eilífðarverkefni, að minnka matarsóun. Við tókum okkur til og vigtuðum allt sem fólk setti á diskana, en borðaði ekki – fullkomlega góðan mat sem fólk leifði og endaði í tunnunni. Þá erum við ekki að tala um afskurð og slíkt, sem er óhjákvæmilegt við matargerðina. Þetta er auðvitað afar blóðugt.

Núna ætlum við að kynna þetta fyrir fólki innanhúss og reyna að fá það til að pæla aðeins í þessum hlutum.  Farðu frekar tvær ferðir ef þú þarft, fremur en að fylla diskinn strax af mat sem þú kannski klárar ekki.  Við ætlum að koma því inn hjá fólki að þetta séu verðmæti. Það er móðgun við móður náttúru að henda þessu.“

segir Ingvar

Maturinn á Lóninu – #3

Faraldur kórónuveiru (COVID-19)

Áður en veirufaraldurinn gekk yfir var starfsfólki boðið að koma með ílát í vinnuna til að taka með sér afganga heim.

„Það liggur náttúrulega niðri núna vegna COVID-faraldursins, en það gekk alveg einstaklega vel og fólk nýtti sér það til hins ýtrasta. Þar björguðum við verðmætum. Það er nefnilega þannig að þegar maður er með hlaðborð er ekki hægt að nýta matinn sem er á boðstólum algjörlega, þannig að síðasti gesturinn borði síðustu baunina sem er á boðstólum. Þetta virkar bara ekki svoleiðis.  Við reynum að nýta það sem við getum og hendum ekki mat fyrr en við erum algjörlega komin á endastöð,“

Matarsóun er hluti af stefnumótunarvinnu eldhússins

Þessi vinna í kringum matarsóunina er hluti af stefnumótunarvinnu, sem nú fer fram um starfsemi eldhússins.

„Annar þáttur í þessari vinnu er að taka á hlutfalli rauðs kjöts af því próteini sem er boðið upp á og horfa á matseðilinn út frá kolefnisspori matvælanna. Þannig mætti hugsa sér að einhvern tímann í framtíðinni verði rautt kjöt kannski bara einu sinni í mánuði, frekar en einu sinni í viku eins og oft er núna.  Á sama tíma verður að gæta þess að fara ekki of skarpt í svona breytingar. Þetta verður að vera í sátt og samlyndi við alla sem að koma.“

Segir Ingvar.

Maturinn á Lóninu – #4

„…. þróun á loftslagsvænni máltíðum.“

Þá er þessa dagana verið að taka í notkun kerfi sem heitir Matarspor, til að reikna út og birta kolefnisspor þeirra máltíða sem boðið er uppá í mötuneytinu.

„Við birtum svo á skjá í matarsalnum hvert kolefnisspor réttanna er,“

segir Ingvar, en þær niðurstöður eru byggðar á  fjölda innlendra og erlendra vistferilsgreininga (e. Life Cycle Assessment) sem hafa verið framkvæmdar til að meta umhverfisáhrif matvæla.

„Markmiðið með Matarsporinu er að fræða neytendur um kolefnisspor eigin neyslu, en um leið getur það auðvitað nýst okkur í þróun á loftslagsvænni máltíðum,“

segir Ingvar.

„Langbest að læra á Sögu.  Harður skóli og engin miskunn.“

Ingvar Sigurðsson matreiðslumeistari

Í góðum hópi í þættinum 1-2 og elda.

Sem fyrr kom fram er Ingvar búinn að vinna í mötuneytinu á Háaleitisbrautinni í fjórtán ár, eða síðan 2006. En hvernig kom það til að hann gerðist matreiðslumaður?

„Ég veit það hreinlega ekki. Það er stundum sagt að matreiðslan sæki mann bara. En ég fór ekki að læra fyrr en ég var búinn með menntaskóla. Það var á Hótel Sögu, en á þeim tíma þótti langbest að læra á Sögu. En það var harður skóli. Það var engin miskunn,“

segir Ingvar, en hann útskrifaðist úr kokkanáminu árið 1990.

Ingvar Sigurðsson matreiðslumeistari

Ungur matreiðslunemi á Hótel Sögu með forrétt Elísabetar Englandsdrottningar á kóngastellinu frá Bessastöðum. 12 karata gylling á köntum.

Fljótlega eftir útskrift hóf Ingvar störf á veitingastaðnum Argentínu, en þar vann hann í 15 ár.

„Það var mjög skemmtilegur tími. Þetta var stemmningsstaður og eigendurnir voru alveg einstakir,“

segir hann.

„Meistarakokkar Rásar tvö, vorum við kallaðir“

Ingvar Sigurðsson matreiðslumeistari

Auglýsing fyrir grillþætti á Stöð 2.

Ingvar Sigurðsson matreiðslumeistari

Argentínustrákar á leið til Egilsstaða að elda í veislu. Í fullum skrúða í fokkernum um hávetur.

Spyrill Landsvirkjunar man eftir að hafa séð andlitið á Ingvari á skjánum á þessum tíma.

„Jú, það passar, mikið rétt. Óskar Finnsson, sem var eigandi Argentínu, var alla tíð mjög seigur í því að koma sínu fyrirtæki á framfæri, með ýmsu móti. Ein hugmyndin var þessi, að fá eina matvöruverslunarkeðjuna til að kosta svona grillþætti og fá líka að borðinu svína-, nauta- eða lambakjötsframleiðendur. Svo voru bara teknir upp þættir – þetta endaði í þó nokkrum þáttaröðum. Þetta var mjög gaman. Við vorum svolítið áberandi á þessum tíma, svona 1990-2000, vorum líka í útvarpinu með uppskrift vikunnar í mörg ár. Meistarakokkar Rásar tvö, vorum við kallaðir,“

segir Ingvar og hlær.

Ingvar Sigurðsson matreiðslumeistari

Heilsíðuauglýsing um nýja vörulínu Argentínu í verslunum – kaldar sósur og grillkjöt.

Aðspurður svarar hann því neitandi, hvort það kitli hann að byrja aftur í sjónvarpinu, kannski með YouTube-rás.

„Nei. Ég hef engu við þetta að bæta,“

segir hann og brosir.

„Heppinn að hafa atvinnu af aðaláhugamáli sínu.“

Ingvar Sigurðsson matreiðslumeistari

„Paul Bocuse fékk að hitta mig,“ segir Ingvar og brosir. Bocuse var einn frægasti matreiðslumaður í heimi.

Ingvar segist vera svo heppinn að hafa atvinnu af aðaláhugamáli sínu. En nennir hann samt að elda þegar hann kemur heim til sín, eftir að hafa staðið í eldamennsku allan daginn?

„Já, ég elda alltaf heima. Sérstaklega um helgar, því þá hef ég meiri tíma í það. Mér finnst svakalega gaman að halda matarboð. Þá er ég kannski hálfan daginn að undirbúa kvöldmatinn, bara vegna þess að mér finnst það svo gaman. Ég set réttu tónlistina í græjurnar, til að fá réttu stemmninguna, brýni hnífana þannig að þeir séu eins og rakvélarblað og byrja svo að undirbúa,“

segir Ingvar að lokum.

Liðstjóri Kokkalandsliðsins

Kokkalandsliðið árið 2002

Kokkalandsliðið árið 2002

Veitingageirinn.is vill bæta hér við að það má til gamans geta að Ingvar Sigurðsson var eitt sinn liðstjóri í Kokkalandsliðinu sem hreppti tvenn gullverðlaun, annars vegar fyrir hlaðborð og hins vegar fyrir heita rétti alþjóðlegri matreiðslukeppni sem fram fór í Seoul í Suður Kóreu í júní árið 2002.

Sjá einnig:

Velgengni Kokkalandsliðsins allt til ársins 1978

Facebook færsla Landsvirkjunar:

Lífið í Landsvirkjun„Mötuneyti hafa tekið mjög miklum breytingum á síðustu árum,“ segir Ingvar Sigurðsson…

Posted by Landsvirkjun on Friday, September 4, 2020

Myndir: úr einkasafni / Ingvar Sigurðsson

Lesa meira
  • Bjartur Daly Þórhallsson 14.09.2020
    Bjartur Daly Þórhallsson | Hristarinn Happy Hour með The Viceman Bjartur Daly er barþjónn sem hefur grunn frá Danmörku. Undanfarin ár hefur hann unnið á mörgum af vinsælustu börum landsins enn í dag starfar hann á veitingastaðnum Skál á Hlemmi Mathöll. Að undanförnu hefur Bjartur vakið athygli með kokteila-stefnu sem allir ættu að kynna sér […]
  • Hákon í Hovdenak Distillery 09.09.2020
    Hákon Freyr Freysson | Í Fljótandi Formi Happy Hour með The Viceman Hovdenak Distillery er eitt af fáum handverks eimhúsum á Íslandi og hefur verið starfandi í rúmlega ár. Í handverks eimhúsum sem á ensku nefnist micro distillery eru eimingartæki sem notuð eru til að framleiðla á sterkvín. Að eima gin og annað sterkvín frá […]

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag