Vertu memm

Frétt

Hugur í norðlenskri ferðaþjónustu

Birting:

þann

North Iceland

Meirihluti forsvarsmanna ferðaþjónustufyrirtækja á Norðurlandi eru telja að fyrirtæki þeirra muni komast í gegnum þá erfiðleika sem Covid-19 faraldurinn hefur orsakað. Þetta kemur fram í nýrri könnun sem Markaðsstofa Norðurlands stóð fyrir í ágúst.

Könnunin er svipuð þeirri sem var gerð á vormánuðum, en tilgangurinn var að sjá hvort eitthvað hefði breyst hjá fyrirtækjunum síðan þá.

Sjá einnig:

Telja fyrirtækin komast í gegnum ástandið – 89% veitingastaða ætla að vera með opið í ár

Heilt yfir eru niðurstöðurnar svipaðar, en þó hefur orðið sú breyting að helmingi fleiri eru nú að nýta hlutabótaleið stjórnvalda. Engu að síður er tæplega helmingur fyrirtæki ekki að nýta úrræði stjórnvalda og meirihluti sagði ástæðan vera þá að úrræði stjórnvalda henti þeim ekki.

Sem fyrr segir er þó hugur í forsvarsmönnum hjá meirihluta fyrirtækja, því samtals sögðu 76% aðspurðra að það væri líklegt eða mjög líklegt að fyrirtæki þeirra myndi lifa af það ástand sem hefur skapast vegna Covid-19. Þó hefur þeim fjölgað sem segjast óvissir um hvort fyrirtækið verði opið næstu 12 mánuði, en það fór úr 8% í 18%.

„Niðurstöðurnar eru jákvæðar eins og í vor og ánægjulegt að sjá bjartsýnina sem er ríkjandi. Það er þó umhugsunarefni sem þarf að skoða nánar hversu stór hluti getur ekki nýtt sér úrræði stjórnvalda og má velta því fyrir sér hvort það er smæð fyrirtækja, árstíðarsveiflan eða aðrar ástæður fyrir því,“

segir Arnheiður Jóhannsdóttir, framkvæmdastjóri Markaðsstofu Norðurlands.

 Smelltu hér til að skoða samantekt á niðurstöðum könnunarinnar.

Mynd: úr pdf-skjali

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Frétt

COVID-19: Lokun kráa og skemmtistaða framlengd til 27. september

Birting:

þann

Svandís Svavarsdóttir heilbrigðisráðherra

Svandís Svavarsdóttir heilbrigðisráðherra

Svandís Svavarsdóttir heilbrigðisráðherra hefur fallist á tillögu sóttvarnalæknis um að framlengja tímabundna lokun skemmistaða og kráa til og með sunnudagsins 27. september næstkomandi. Reglugerð heilbrigðisráðherra þessa efnis hefur verið send til birtingar í Stjórnartíðindum.

Sjá einnig:

COVID-19: Skemmtistöðum og krám á höfuðborgarsvæðinu lokað tímabundið

Sem fyrr tekur lokunin til kráa og skemmtistaða í Reykjavík, Mosfellsbæ, Hafnarfirði, Garðabæ, Kópavogi, Kjósarhreppi og á Seltjarnarnesi.

Samkvæmt fyrri ákvörðun ráðherra sem var einnig í samræmi við tillögu sóttvarnalæknis gilti lokunin frá 18. september til 21. september og var gripið til hennar vegna mikils fjölda COVID-19 smita sem rekja mátti til kráa og skemmtistaða í miðbæ Reykjavíkur.

Eins og fram kemur í meðfylgjandi minnisblaði sóttvarnalæknis til heilbrigðisráðherra, dags. 20. september, segir að þar sem ekki hafi tekist að fullu að ná utan um þessa aukningu smita, telji hann brýnt að krár og skemmtistaðir verði áfram lokaðir til og með 27. september næstkomandi.

Mynd: stjornarradid.is

Lesa meira

Frétt

COVID-19: Skemmtistöðum og krám á höfuðborgarsvæðinu lokað tímabundið

Birting:

þann

Skál - Bjór - Gleði - Pöbb - Skemmtistaður

Heilbrigðisráðherra hefur fallist á tillögu sóttvarnalæknis um að loka skemmtistöðum og krám á höfuðborgarsvæðinu, tímabundið í fjóra daga frá og með deginum í dag 18. september til 21. september.

Þetta er gert til að sporna við útbreiðslu COVID-19. Reglugerð heilbrigðisráðherra þessa efnis hefur þegar tekið gildi. Meðfylgjandi er minnisblað sóttvarnalæknis til heilbrigðisráðherra um þessar ráðstafanir.

Í minnisblaði sóttvarnalæknis segir að á þremur sólarhringum þar sem greindust alls 38 smit hafi a.m.k. fjórðungur þeirra tengst heimsókn á ákveðnar krár og skemmtistaði í Reykjavík fyrir rúmri viku. Bregðast þurfi við sem fyrst með markvissum aðgerðum til að koma í veg fyrir útbreiddan faraldur með tilheyrandi afleiðingum segir í minnisblaðinu.

Lokunin tekur til kráa og skemmtistaða í Reykjavík, Mosfellsbæ, Hafnarfirði, Garðabæ, Kópavogi, Kjósarhreppi og á Seltjarnarnesi. Í 18. gr. reglugerðar nr. 1277/2016 eru taldar upp og skilgreindar mismunandi tegundir veitingastaða.

Í tilvikum þar sem staðir eru með rekstrarleyfi fyrir fleiri tegundum veitingastaða en krám og skemmtistöðum er áframhaldandi starfsemi heimil hvað þær tegundir varðar. Þannig geta veitingastaðir sem í rekstrarleyfi eru skráðir sem veitingahús eða kaffihús, haldið áfram starfsemi á þeim grundvelli, en kráar- og skemmtistaðastarfsemi er óheimil.

Mynd: úr safni

Lesa meira

Frétt

Eldstæðið opnar dyr fyrir matarfrumkvöðla

Birting:

þann

Eldstæðið

Undanfarna fjóra mánuði hefur frumkvöðullinn Eva Michelsen, ásamt góðu teymi, unnið hörðum höndum að því að standsetja húsnæði í Kópavogi og gera það klárt fyrir Eldstæðið, deilieldhús fyrir matarfrumkvöðla, smáframleiðendur og áhugasama um matgæðinga.

Sjá einnig:

Eldstæðið – Atvinnueldhús fyrir matarfrumkvöðla og smáframleiðendur opnar í sumar

Eldstæðið er nú komið með starfsleyfið og fyrstu framleiðendur að hefja starfsemi.

„Við erum afskaplega ánægð með viðtökurnar sem við höfum fengið og streyma inn allskonar fyrirspurnir í tengslum við aðstöðuna og hvað sé hægt að gera þar,“

segir Eva.

Icelandic Startups tilkynnti á dögunum að valin hefðu verið tíu sprotafyrirtæki úr hópi 70 umsókna til þátttöku í 10 vikna viðskiptahraðli fyrir nýjar lausnir í landbúnaði, haftengdum iðnaði og smásölu sem hefur göngu sína í byrjun næstu viku [21. september]. Stór hluti þeirra lausna byggir á framleiðslu og vinnslu matvæla og hefur Matarauður Íslands veitt Eldstæðinu styrk til að taka á móti hópnum án endurgjalds meðan á hraðlinum stendur.

„Við erum afskaplega stolt og þakklát að geta unnið með frumkvöðlunum sem taka þátt í viðskiptahraðlinum,“

bætir hún við.

„Markmiðið með hraðlinum er að aðstoða frumkvöðla við að byggja upp næstu kynslóð fyrirtækja með því að veita þeim faglega undirstöðu og hraða ferlinu frá því að hugmynd kviknar þar til viðskipti taka að blómstra, aðgangur að Eldstæðinu er því kærkomin og mikilvæg viðbót við verkefnið“

segir Salóme Guðmundsdóttir, framkvæmdastjóri Icelandic Startups, sem hefur umsjón með hraðlinum í samstarfi við Íslenska sjávarklasann með stuðningi Nettó, Matarauðs Íslands og Landbúnaðarklasans.

Um þessar mundir er verið að vinna úr öllum þeim umsóknum sem Eldstæðinu hafa borist. Til stendur að hafa opið hús þegar aðstæður leyfa þar sem áhugasömum gefst tækifæri til að kynna sér aðstöðuna og það sem Eldstæðið hefur upp á að bjóða.

Nánari upplýsingar eru að finna á www.eldstæðið.is og samfélagsmiðlum.

Aðsend mynd.

Lesa meira
  • Goggi á Kalda bar 22.09.2020
    Georg Leite | Hristarinn Happy Hour með The Viceman George Leite eða Goggi er barþjónn sem á ættir sínar að rekja til Brasilíu. Hann er menntaður viðskiptafræðingur og auk þess að vera barþjónn hefur hann reynt fyrir sér sem leikari og á fjölmörgum vettvöngum. Hann er einn af eigandi heildsölunnar Drykkur sem flytur inn úrval […]
  • Bjartur Daly Þórhallsson 14.09.2020
    Bjartur Daly Þórhallsson | Hristarinn Happy Hour með The Viceman Bjartur Daly er barþjónn sem hefur grunn frá Danmörku. Undanfarin ár hefur hann unnið á mörgum af vinsælustu börum landsins enn í dag starfar hann á veitingastaðnum Skál á Hlemmi Mathöll. Að undanförnu hefur Bjartur vakið athygli með kokteila-stefnu sem allir ættu að kynna sér […]

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag