Hinrik og Kristinn sigruðu í alþjóðlegri matreiðslukeppni í Grikklandi

Hinrik Lárusson og Kristinn Gísli Jónsson

Klúbbur matreiðslumeistara í Norður Grikklandi stóð fyrir alþjóðlegri matreiðslukeppni í dag sem haldin var í heimalandi þeirra.

Yfir 350 keppendur voru skráðir til leiks í mismunandi keppnisgreinum og kepptu þar Íslensku kokkarnir Hinrik Lárusson og Kristinn Gísli Jónsson í keppninni „Team of the year“.

Hinrik og Kristinn sigruðu í keppninni með glæsibrag.

Skylda var að nota bláskel, ólífuolíu, ólífur og rissotto grjón.

Keppnis-matseðillinn hjá Íslenska liðinu var eftirfarandi:

• Létt grafinn makríll, bláskel, dill og jurtir.
• Sjávarrétta súpa með blómkáli og ólífuolíu vinaigrette.
• Pönnusteikt íslenskt lambafillet með grænertu risotto, reyktum lauk, svörtum ólífum og soðgljáa.

Viktor Örn Andrésson dæmdi í keppninni fyrir Íslands hönd.

„Mér var boðið að koma að dæma hérna. Og í kjölfarið buðu þeir mér að taka keppendur frá Íslandi hingað út þar sem þetta er alþjóðleg keppni, m.a. með löndum frá Asíu og Evrópu.“

Sagði Viktor í samtali við veitigageirinn.is, aðspurður um þátttöku Íslands í keppninni.

Mynd: Viktor Örn Andrésson