Vertu memm

Starfsmannavelta

Hendur í höfn í Þorlákshöfn lokar

Birting:

þann

Hendur í höfn Bistro-Café í Þorlákshöfn

Hendur í höfn Bistro-Café í Þorlákshöfn

„Sú þungbæra ákvörðun hefur verið tekin að loka Hendur í höfn. Kemur þar margt til ekki síst heimsfaraldur sl. tvö ár.  Uppbyggingin á fyrirtækinu var ákaflega skemmtilegt og gefandi verkefni og velgengnin framar öllum okkar vonum.“

Svona hefst tilkynningin sem að eigendurnir Dagný Magnúsdóttir og Vignir Arnarson birta á facebook síðu staðarins.

Hendur í höfn Bistro-café

Hendur í höfn hefur auglýst staðinn til leigu sem hægt er að lesa með því að smella hér.

Það er Dagný Magnúsdóttir sem er hugmyndasmiðurinn á bakvið Hendur í höfn og hefur hún staðið vaktina alveg frá opnun staðarins og eins í glervinnustofunni.

Staðurinn opnaði á sumardaginn fyrsta árið 2013 og varð fljótt einn vinsælasti veitingastaður Íslands.

Fljótlega varð Hendur í höfn algjörlega sprunginn og aðstæður þannig að Dagný þurfti að ákveða hvort hún ætlaði að halda áfram og ef svo þá yrði hún að flytja reksturinn í nýtt húsnæði. Úr varð að þau gerðu upp gamalt hús í hjarta bæjarins og var öll starfsemin flutt í maí 2018. Á nýja staðnum var hægt að taka á móti allt að 100 manns og aðstaðan til matargerðar og glerlistar var öll mun betri.

Sjá einnig:

TIL LEIGU vinsælt veitinga- og menningarhús í Þorlákshöfn

Suðurströndin | Fyrri hluti | Veitingarýni: Hendur í Höfn og Tryggvaskáli

Uppfært (14.10.2021): Hendur í höfn í Þorlákshöfn lokar: „Velgengnin varð okkur að falli“ 

Mynd: aðsend

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Starfsmannavelta

Daniel Humm hættir á Claridge eftir ágreining um vegan-væðingu

Birting:

þann

Daniel Humm

Daniel Humm er einn af stofnendum þriggja Michelin-stjörnu veitingastaðnum Eleven Madison Park í New York, sem var breytt í fine dining vegan veitingastað fyrr á þessu ári.

Fimm stjörnu hótelið Claridge í Mayfair Lundúnum hefur misst yfirmatreiðslumanninn Daniel Humm eftir að stjórnendur hótelsins hafnaði tillögu hans um að breyta veitingastað hótelsins, Davies and Brook, í vegan stað.

Hótelið sendi frá sér yfirlýsingu á Twitter á föstudaginn s.l. þar sem fram kemur að þetta væri „ekki leið sem við viljum fylgja“ á veitingastaðnum, sem býður upp á fjögurra rétta matseðil á 125 pund á mann, þar á meðal kavíar og foie gras.

„Við virðum og skiljum fullkomlega vegan matreiðslustefnuna sem Daniel hefur áhuga á. Hins vegar er þetta ekki sú leið sem við viljum fara í hér hjá Claridge’s í augnablikinu, því miður, höfum við ákveðið sameiginlega að fara hvor í sína áttina.“

Daniel Humm mun yfirgefa hótelið í lok árs, en tilkynningu og sýn hans á vegan fæði er hægt að lesa í meðfylgjandi Instagram tilkynningu frá honum:

Mynd: Instagram / Daniel Humm

Lesa meira

Starfsmannavelta

Rakang Thai og Blásteini lokað – Guðmundur: „Þetta er búinn að vera hrikalega erfiður tími undanfarin ár.“

Birting:

þann

Rakang - Tælenskur veitingastaður

Veitingastaðnum Rakang Thai og sportbarnum Blásteini í Hraunbænum var lokað í síðustu viku. Guðmundur Ingi Þóroddsson, eigandi staðanna, segir undanfarin ár hafa reynst mjög erfið í rekstri vegna Covid-19. Ákvörðunin hafi verið erfið en henni fylgi ákveðinn léttir.

„Þetta er búinn að vera hrikalega erfiður tími undanfarin ár.“

Segir Guðmundur í samtali við visir.is sem fjallar nánar um málið hér.

Rakang - Tælenskur veitingastaður - Guðmundur Ingi Þóroddsson

Guðmundur Ingi Þóroddsson

Myndir: Ólafur Sveinn Guðmundsson / Veitingageirinn.is

Lesa meira

Starfsmannavelta

Starfslið Snaps hefur sagt starfi sínu lausu vegna víðtækrar óánægju með stjórnarhætti nýs rekstrarstjóra

Birting:

þann

Snaps bistro bar

Nær allt starfslið veitingahússins Snaps við Óðinstorg hefur sagt starfi sínu lausu vegna víðtækrar óánægju með stjórnarhætti nýs rekstrarstjóra, að því er fram kemur á visir.is.

Í lok september sendu alls átta þjónar, vaktstjórar, barþjónar og kokkar inn uppsagnarbréf og hættu um mánaðamótin. Síðasta laugardag gengu svo þrír þjónar út á miðri vakt og hafa ekki snúið aftur til starfa.

Að sögn fyrrverandi starfsmanna snýr óánægjan meðal annars að launakjörum, undirmönnun, lakri gæðastjórnun og alvarlegum samskiptavanda sem hafi allt komið til í kjölfar stjórnendaskiptanna. Enginn í hópnum hyggst vinna uppsagnarfrest sinn og hafa margir nú þegar ráðið sig í önnur störf.

Segir allt í góðu á Snaps

Þórir Helgi Bergsson, rekstrarstjóri Snaps, vildi lítið kannast við uppsagnirnar þegar fréttastofa visir.is leitaði eftir viðbrögðum.

Stemmir það að þjónar hafi gengið út hjá þér á laugardaginn?

„Nei, þetta er bara innanhúsmál sem við erum að fást við. Það er bara þannig, það er bara allt í góðu hér.“

En þú kannast samt sem áður við þetta?

„Ég kannast bara við að það eru ákveðin … það er ekkert í gangi sko, ekkert til að setja í fréttir allavega.“

Þegar Þórir er spurður nánar út í það hvað átti sér stað á laugardag ítrekar hann að það sé einkamál.

Nánari umfjöllun er hægt að lesa á visir.is hér.

Mynd: úr safni

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið