Nýtt bakarí, veitingahús, fisk- og kjötbúð og hótel
Hákon Már er maðurinn á bakvið matseðilinn á nýjum veitingastað í Keflavík
Á meðal rétta á matseðli Fiskbarsins er pönnusteiktur þorskhnakki, kirsuberjatómatar, grilluð paprika, ólífur, bankabygg, sítrónu-möndlukremsósa.
Sjávarréttir, kjöt og grænmeti úr næsta umhverfi leika lykilhlutverk á matseðli á nýjum veitingastað í Keflavík.
Staðurinn hefur fengið nafnið Fiskbarinn og er staðsettur á Hótel Berg sem er glæsilegur gististaður við smábátahöfnina í hjarta Keflavíkur. Það var Haf Studio sem umbreytti veitingasalnum á hótelinu, sem var áður einungis nýttur fyrir morgunverð og fundi á hótelinu.
Hótel Berg er glæsilegur gististaður við smábátahöfnina í hjarta Keflavíkur.
Fiskbarinn rúmar 30 matargesti og verður opinn fimmtudaga til laugardaga frá kl 17: – 22:00.
Hákon Már Örvarsson
Hákon Már Örvarsson hannar matseðilinn
Það er enginn annar en Hákon Már Örvarsson matreiðslumeistari og brons Bocuse d‘Or verðlaunahafi sem er maðurinn á bakvið matseðilinn á Fiskbarnum. Það þarf vart að kynna Hákon fyrir veitingabransanum, en hann hefur meðal annars verið yfirkokkur á veitingastaðnum Vox, yfirkokkur á veitingastað Hótel Holt og starfað á Michelin veitingastaðnum Lea Linster í Luxemborg.
Matseðillinn er síbreytilegur eftir árstíðum og byggir á því sem ferskast er og best hverju sinni. Vínlistinn er vandaður og einfaldur. Í takt við matseðilinn samanstendur hann af níu léttvínstegundum sem falla fullkomlega að réttunum. Einnig er í boði úrval gosdrykkja sem og bjór, bruggaður á Suðurnesjum.
Opnar árið 2021
Áætlað er að opna Fiskbarinn um mánaðarmótin janúar og febrúar 2021.
Myndir: aðsendar
Nýtt bakarí opnaði nú á dögunum sem staðsett er við Ármúla 42 í Reykjavík. Bakaríið heitir RÖFF með slagorðinu „Ekki bara bakarí.“
Það eru eigendur Veislunnar á Seltjarnarnesi sem eru rekstraraðilar RÖFF.
Ísak Runólfsson bakarameistari stendur vaktina
Á RÖFF er fjölbreyttur matseðill í boði, súpur í hádeginu, þá bæði rjómalagaðar og vegan súpur. Fullt af sætindum, smurðum samlokum og bakkelsi, skinku brauðsnúðar, súrdeigsrúnstykki, sérbökuð vínabrauð, ostaslaufur, margar tegundir af snúðum svo fátt eitt sé talið.
Síðan má ekki gleyma vinsælu pizzurnar frá Ísaki bakarameistara sem eru bakaðar á staðnum.
Myndband:
Myndir: facebook / RÖFF
Gísli Matthías Auðunsson matreiðslumeistari.
Eigendur Slippsins eru Auðunn Arnar Stefnisson, Katrín Gísladóttir, Indíana Auðunsdóttir og Gísli Matthías Auðunsson.
Fjölskyldan hjá Slippnum hefur opnað Sælkerabúð sem er staðsett beint á móti Slippnum í Vestmannaeyjum.
Fréttamiðillinn Tígull í Vestmannaeyjum kíkti í heimsókn rétt áður en þau opnuðu í hádeginu í gær.
Sjón er sögu ríkari:
Mynd: Instagram / Sælkerabúð SLIPPSINS
BlackBox Pizzeria – Akureyri
Tveir nýir pizzustaðir opna á Akureyri, Pizzan og BlackBox Pizzeria, en það ætti eflaust að gleðja marga Akureyringa enda flottir og góðir pizzustaðir.
Pizzan verður staðsett á Glerártorgi þar sem Subway var áður til húsa, en framkvæmdir standa yfir og er áætlað að opna á næstu dögum. BlackBox Pizzeria opnaði síðastliðna helgi, en staðurinn er staðsettur inni á Hamborgarafabrikkunni á Akureyri.
Mynd: facebook / BlackBox Pizzeria – Akureyri
Gamla bíó í samstarf við Lux veitingar
ÍSAM, ÓJ&K og Sælkeradreifing sameina heildsölurekstur
Kokkarnir og kolefnisfótsporið – Landsfrægir matreiðslumeistarar á Zoom fundi
Bóndadagurinn – Magnús á Réttinum: „Við þurftum að fara á byrjunarreit aftur…“ – Myndband
Buffalo kjúklingalundir
Árið er 1985 – Þorrablót og um tilurð þeirra
Kjúklingasalat með grænum aspars og eplum
Aðalfundur Vínþjónasamtaka Íslands
Buffalo kjúklingalundir
ÍSAM, ÓJ&K og Sælkeradreifing sameina heildsölurekstur
Bóndadagurinn – Magnús á Réttinum: „Við þurftum að fara á byrjunarreit aftur…“ – Myndband
Viskítunnur – Hvernig eru þær gerðar?
Leyndarmálið á baki við eitt dýrasta nautakjöt í heimi – Myndband
Nýtt bakarí opnar á Ármúla – Ekki bara bakarí
