Vertu memm

Vín, drykkir og keppni

Gyllta Glasið 2015

Birting:

þann

Gyllta Glasið 2015

Verðlaunavínin

Nú er nýlokin keppnin um Gyllta Glasið 2015 sem var haldin í 11 sinn undir stjórn Vínþjónasamtaka Íslands. Í ár var verðflokkur vína í keppni frá 2.490 kr. til 3.500 kr, sá sami og var 2014 og máttu vínin koma frá öllum heiminum og völdu vínbirgjar vínin sem þeir lögðu til í þessa keppni.

Gyllta Glasið 2015

Vínin voru smökkuð blint af sérstakri dómnefnd sem Vínþjónasamtökin boðuðu til á Hótel Hilton Nordica mánudaginn og þriðjudaginn 4-5 maí. Þáttakan í Gyllta glasinu í ár var frábær viðað við verðflokkinn, en alls skiluðu sér 119 vín til leiks frá 13 vínbirgjum.

Í ár skreyttum við dómarapanelinn með þekktum vínsérfræðingum, vínbirgjum, reyndum vínáhugamönnum innan veitingariðnaðarins og eigum við í Vínþjónasamtökunum þeirra bestu þakkir fyrir þáttökuna í þetta mjög svo krefjandi verkefni.

Alls voru það 24 manns sem blindsmökkuðu og dæmdu vínin samkvæmt Parker skala. Yfirdómari var eins og fyrri ár Alba E H Hough margfaldur Íslandsmeistari vínþjóna ásamt sérstakri aðstoð frá Sigrúnu Þormóðsdóttir Ástþóri Sigurvinssyni og Jóni Eggert Víðissyni og eiga þau endalausar þakkir fyrir að standa að stærstu blindmökkum sem fram fer á Íslandi ár hvert, svo má alls ekki gleyma Hilton Reykjavík Nordica fyrir þeirra hlut að útvega okkur fyrsta flokks aðstöðu, þjónustu með frábærum veitinginum.

10 hvítvín og 10 rauðvín urðu svo fyrir valinu og hlutu Gyllta glasið 2015. Vínin verða sérmerkt í Vínbúðum með merki Gyllta Glassins og gildir það fyrir árganginn sem fékk verðlaunin.

Verðlaunavín Gyllta Glasið 2015

Hvítvín

Verð
Vínbirgi
Bramito del Cervo Chardonnay 2014 2.799 Globus
Tariquet Réserve 2013 2.590 Vínekran
Willm Gewurztraminer Reserve 2013 2.999 Haugen
Willm Riesling Reserve 2013 2.699 Haugen
Terrunyo Sauvignon Blanc 2009 3.099 Mekka
Envoy Chardonnay 2011 2.758 Vífilfell
Jean Leon 3055 Organic Chardonnay 2014 2.790 KKK
Jacobus Riesling Trocken 2013 2.956 Berjamór
Domaine Tabordet Pouilly Fume 2013 2.965 Vífilfell
Vicar’s Choice Riesling 2012 2.499 Haugen

Rauðvín

Domaine de Villemajou Corbieres Boutenac 2013 3.199 Globus
Château La Sauvageonne Cuvée Pica Broca 2013 2.969 Globus
Marques de Casa Concha Cabernet Sauvignon 2013 2.999 Mekka
Nederburg Manor House Cabernet Sauvignon 2012 2.599 Globus
Morandé Gran Reserva Merlot 2011 2.767 Vífilfell
Marques de Casa Concha Merlot 2012 2.999 Mekka
Coto de Imaz Gran Reserva 2005 3.499 Globus
Bodegas Montecillo Viña Monty Reserva 2009 2.998 Globus
Pujol Côtes du Roussillon Fûts de Chêne 2012 2.790 Vínekran
Marques de Caceres Reserva 2009 3.292 Vín Tríó

 

Vínþjónasamtökin vilja þakka öllum birgjum fyrir frábæra þáttöku og óskum sigurvegurum til hamingju.

f.h. Vínþjónasamtaka Íslands

Þorleifur Sigurbjörnsson

Ritari/gjaldkeri

 

Tolli er framreiðslumaður að mennt og Certified Sommelier frá Court of Master Sommelier, en hann hefur starfað við fagið til fjölda ára. Tolli hefur verið í stjórn Vínþjónasamtaka frá árinu 2001 og sá eini sem hefur gegnt öllum störfum samtakanna, nú sem ritari og gjaldkeri. Tolli starfaði lengst af í Perlunni og var stofneigandi af Sommelier Brasserie við hverfisgötu forðum daga, í dag starfar hann hjá víninnflytjanda Globus. Hægt er að hafa samband við Tolla á netfangið [email protected]

Vín, drykkir og keppni

Einstök leggur lóð sín á vogaskálar uppgangs áfengislausra bjóra

Birting:

þann

Einstök - Big Drop

Einstök er eitt fjögurra brugghúsa sem valin hafa verið af Big Drop, leiðandi framleiðanda áfengislausra bjóra í Bretlandi, til þátttöku í samstarfsverkefni um bruggun á norrænum bjórum undir 0,5% áfengisstyrkleika.

Verkefnið (sjá nánari upplýsingar um samstarfið hér) er annað í röð slíkra alþjóðlegra samstarfsverkefna á vegum Big Drop sem notið hefur leiðsagnar Melissa Cole sem er þekktur sérfræðingur um bjór. Verkefnunum er ætlað að sýna fram á hve langt þróun áfengislágra bjóra er komin og möguleikana sem þeir bjóða upp á.

Framlag Einstök er kókoshnetu stout sem er fyrsti 0,5% bjórinn frá fyrirtækinu. Auk hans kynnir Big Drop nú Ylliberja IPA frá Svíþjóð, einiberja rúgs IPA frá Finnlandi og „fFerskju Melba Pastry Sour“ frá Noregi.

  • Big Drop & Einstök „Arctic Beach“ kókóshnetu Stout
    Útlit og áferð: Svartur eins og nóttin.
    Þétt, flauelskennd bragðupplifun. Blanda rjómakennds dökks súkkulaðis og ferskleika léttristaðra kókosflagna. Ristaðir malt- og hóflegir kókostónarnir færa bragðlaukana á strandarparadís meðan þú kúrir í sófanum.
  • Big Drop & Hop Notch (Svíþjóð): „Fläderlätt“ Ylliberja IPA
    Útlit og áferð: Föl gyllt.
    Ferskleiki í dós. Býður upp á mjög gott jafnvægi milli lyktar og bragðupplifunar. Notkun nýju bresku humlategundarinnar „Mozart“ býður upp á einstaka samsetningu af bitru greipaldini, tærum sítrusnótum og ylliberjum (e. elderflower).
  • Big Drop & Fat Lizard (Finnland): „Rye‘s Said Fred“ Einiberja og rúgs IPA
    Útlit og áferð: Gyllt.
    Skemmtilega flókin blanda bragða, kryddtónar frá rúgnum mest áberandi. Ljúfir en látlausir grasakenndir hnetutónar dansa við ákveðnari blómakenndari einiberjanótur. Ríkt og ristað bragð fylgt eftir með ferskri blómakenndri bragðupplifun sem endar á ögn bitrari tónum.
  • Big Drop & Amundsen (Noregur): „Rush Rider “Ferskju Melba Pastry Sour“
    Útlit og áferð: Bleikt kampavín.
    Fágaður vöndur af djúpu og líflegu hindberjanammi með örlítið súrum undirtóni. Viðkvæmir lyktartónar leitast við að færa frískandi og skarpt bit áður en fersk en ákveðin vanillan springur út með ferskum berjum og ferskjuböku. Sakbitin sæla í dós.

„Það er okkur hjá Einstök sannarlega mikill heiður að vera valin til samstarfs í þessu merkilega verkefni Big Drop og hinna norrænu brugghúsanna.

Arctic Beach kókoshnetu tout, sem vísar til svörtu sandstrandanna okkar, er fyrsti bjórinn okkar sem skilgreina má sem áfengislausan en klárlega ekki sá síðasti“

segir Guðjón Guðmundsson, framkvæmdastjóri hjá Einstök Ölgerð.

Rob Fink, stofnandi og forstjóri Big Drop bætti við:

„Þetta eru allt heimsklassa brugghús sem við höfum skemmt okkur vel við að töfra fram bragðmikla bjóra með og brugga þá með náttúrulegum hætti án þess að nota einhver óþarfa gerviefni til að fjarlægja áfengið. Niðurstaðan er einfaldlega frábærlega bragðgóðir áfengislausir bjórar – það er frábærir bjórar sem svo vill til að eru án áfengis.

Okkar starf snýst allt um nýsköpun og við vonumst til að þessar nýjungar, sem aðeins verða í boði í skamman tíma, færi fólki sem elskar góðan bjór nýjar og spennandi upplifanir.“

Arctic Beach bjórinn er á leið til landsins og verður fáanlegur á næstu vikum í verslunum Hagkaups og jafnvel víðar. Fylgist með á Facebook síðu Einstök Ölgerð .

Einstök - Big Drop

Um Einstök Ölgerð:

Einstök Ölgerð hefur starfað frá árinu 2011 og bruggar nú 8 tegundir bjóra á Akureyri. White Ale, Arctic Pale Ale, Toasted Porter og Wee Heavy eru í boði allan ársins hring, en Arctic Berry Ale, Lime & Juniper Pils, Doppelbock og Winter Ale eru árstíðabjórar fyrirtækisins.

Einstök fæst nú í 25 löndum utan Íslands og hafa vörur fyrirtækisins unnið til margskonar verðlauna á erlendum vettvangi, bæði fyrir innihald og umbúðir. Á einstokbeer.com má finna nánari upplýsingar um vörurnar sem og gagnvirk kort sem sýnir helstu sölustaði í hverju landi (Ale locator).

Um Big Drop Brewing Co:

Rob Fink, lögmaður í London og æskuvinur hans James Kindred stofnuðu Big Drop árið 2016, og var það fyrsta brugghúsið í heiminum sem eingöngu bruggaði áfengislausa bjóra. Báðir voru þeir nýbakaðir feður og vildu því minnka áfengisneysluna, en fundu enga góða valkosti sem komið gátu í stað uppáhalds handverksbjóranna þeirra. Big Drop hefur síðan unnið yfir 60 alþjóðleg bjórverðlaun, meðal annars verið fjórum sinnum valið „best í heimi“ á World Beer Awards ásamt því að bera sigurorð af áfengum bjórum í fjölmörgum blindsmökkunum.

Big Drop bruggar víða um veröld hjá samstarfsbrugghúsum (e. Contract breweries) sem gerir fyrirtækinu kleift að brugga ferskan bjór á hverjum stað með samfélagslega ábyrgum hætti. Big Drop er leiðandi á hratt vaxandi markaði áfengislausra bjóra. Vörur fyrirtækisins má finna á yfir 10.000 sölustöðum í Evrópu, Ástralíu, Asíu, Kanada og Bandaríkjunum.

Í Bretlandi eru vörur Big Drop seldar í helstu öldurhúsakeðjum landsins (t.d. Mitchells & Butlers), veitingastaðakeðjum (t.d. Nando‘s) og smásölukeðjum (t.d. Sainsbury‘s, Waitrose, Morrisons og Ocado) sem og í sérvöruverslunum eins og Holland & Barrett og í heimsendingum. Vörulínan, sem öll er undir 0,5% áfengisprósentu, samanstendur af: Stout, Lager, Pale Ale, IPA, Brown Ale, Golden Ale, Hazelnut Porter og Sour bjórum sem og sérútgáfum og sambruggum eins og þeim sem að framan er lýst. Nánari upplýsingar, m.a. um einstaka bjóra og hvar þeir fást, má finna á vefslóðinni www.bigdropbrew.com.

Myndir: aðsendar

Lesa meira

Vín, drykkir og keppni

Viskítunnur – Hvernig eru þær gerðar?

Birting:

þann

Adirondack Barrel Cooperage

Eigendurnir og hjónin Kelly og Joe Blazosky

Fyrirtækið Adirondack Barrel Cooperage notar sérstakar aðferðir til að smíða viskítunnur úr amerískri eik og er eitt af þeim fáum fyrirtækjum sem notar eld til að beygja tunnurnar sem hefur gert þær vinsælar.

Sjón er sögu ríkari:

Fyrir áhugafólk um viskí, þá mælum við með þessum pistli hér:

Af viskíleiðangri til Skotlands

Adirondack Barrel Cooperage er staðsett við Williams veg í New York, sjá á google kortinu hér að neðan:

Mynd: adirondackbarrelcooperage.com

Lesa meira

Viðtöl, örfréttir & frumraun

Ný stjórn Vínþjónasamtaka Íslands – Alba: „I speak for my association when I say we believe that we can make an impact, one guest at a time.”

Birting:

þann

Alba E. H. Hough

Þann 9. desember síðastliðinn tók Alba E. H. Hough við sem forseti Vínþjónasamtakanna en hún hefur undanfarin ár gegnt stöðu varaforseta samtakanna og ætti að vera flestum kunn. Með henni í brúnni er áfram Þorleifur “Tolli” Sigurbjörnsson og nú nýr varaforseti, Peter Hansen.

Vínþjónasamtökin þakka fráfarandi forseta, Brandi Sigfússyni, fyrir óeigingjarnt starf sitt í þágu samtakanna á undanförum árum, með fullvissu um að framundan sé þó ekkert lát á tækifærum til áframhaldandi samstarfs.

Með nýrri stjórn og hækkandi sól, er stefnan tekin í átt að því að efla samtökin ennfrekar og leggja áherslu á aukna fræðslu og fjölgun áhugasamra um vínfræði. Tilkynning um næstu skref í starfi Vínþjónasamtakanna verður send út um leið og ástandinu léttir og línur skýrast.

“As sommeliers I believe we have a responsibility to guide our guests towards a deeper understanding of beverages within all categories and assist in broadening palates.

Equally important, especially in an age where climate change is having a tangible effect on our world, is that we all share the responsibility to defend the very agricultural product that built our careers.

I speak for my association when I say we believe that we can make an impact, one guest at a time.”

segir Alba í samtali við Alþjóðlegu Vínþjónasamtökin, ASI.

Mynd: aðsend

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag