Vertu memm

Frétt

Grunur um salmonellu í kjúklingi frá Reykjagarði í fjórða sinn á einu ári

Birting:

þann

Kjúklingur - Kjúklingabringur

Matvælastofnun varar við neyslu á ferskum kjúklingi (bringum, lundum, bitum og vængjum) frá Reykjagarði vegna gruns um salmonellu. Er þetta í fjórða sinn á einu ári sem varað er við neyslu á kjúklingi frá Reykjagarði.

Kjúklingurinn er seldur undir merkjum Holta og Kjörfugls. Fyrirtækið hefur innkallað vöruna af markaði.

Innköllunin á einungis við eftirfarandi framleiðslulotu:

Vöruheiti: Holta og Kjörfugl
Vörutegund: Ferskar bringur, lundir, bitar og vængir
Framleiðandi: Reykjagarður hf., Fosshálsi 1, 110 Reykjavík
Rekjanleikanúmer: 019-20-16-1-01
Dreifing: Verslanir Iceland, Hagkaupa og Costco

Neytendur sem hafa keypt kjúklinga með þessu rekjanleikanúmeri geta skilað vörunni til viðkomandi verslunar eða beint til Reykjagarðs hf. að Fosshálsi 1, 110 Reykjavík.

Sjá einnig:

Matvælastofnun varar við neyslu á ferskum kjúklingi frá Reykjagarði

Grunur um salmonellu í kjúklingi

Grunur um salmonellu í kjúklingi

Mynd: úr safni

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Frétt

Algengar einnota vörur úr plasti verða óheimilar á næsta ári

Birting:

þann

Meðal vara sem bannað verður að setja á markað eru einnota bómullarpinnar úr plasti, hnífapör, diskar, sogrör, hræripinnar og blöðrustangir.

Alþingi hefur samþykkt breytingu á lögum um hollustuhætti og mengunarvarnir sem m.a. felur í sér að bannað verður að setja tilteknar, algengar einnota vörur úr plasti á markað frá og með 3. júlí 2021.

Meðal vara sem bannað verður að setja á markað eru einnota bómullarpinnar úr plasti, hnífapör, diskar, sogrör, hræripinnar og blöðrustangir. Þá verða matarílát, drykkjarílát, glös og bollar úr frauðplasti óheimil og ekki verður heimilt að afhenda endurgjaldslaust einnota bolla, glös og matarílát úr öðru plasti sem ætluð eru undir drykki og matvæli til neyslu, líkt og algengt er á skyndibitastöðum. Undantekningar eru gerðar ef vörur flokkast sem lækningatæki.

Sjá einnig:

Bann á algengar einnota plastvörur – Bannað að afhenda endurgjaldslaust einnota bolla, glös og matarílát úr plasti

Skilyrðislaust bann verður við því að setja vörur á markað sem gerðar eru úr plasti sem er niðurbrjótanlegt með oxun eða svokallað oxó-plast. Vörur úr slíku plasti hafa rutt sér til rúms á markaði síðustu ár, einkum vissar tegundir plastpoka, en eðli þess er að sundrast í öragnir sem eru skaðlegar heilsu og umhverfi og er vaxandi vandi á alþjóðavísu.

Kveðið er á um sérstaka merkingu sem tilteknar einnota plastvörur eiga að bera. Um er að ræða upplýsingar um meðhöndlun vörunnar eftir notkun og þau neikvæðu áhrif sem varan hefur berist hún út í umhverfið. Þær vörur sem greinin mun taka til eru ýmsar tíðavörur, blautþurrkur til heimilis– og einkanota, ýmsar tóbaksvörur og bollar fyrir drykki.

Fáanlegar eru á markaði staðgönguvörur sem eru margnota eða innihalda ekki plast og nota má í stað þeirra vara sem breytingarnar taka til.

Mynd: úr safni

Lesa meira

Frétt

Veitingahúsið Vitinn í Sandgerði lokar til frambúðar

Birting:

þann

Vitinn í Sandgerði

Vitinn í Sandgerði

Hjónin Stefán Sigurðsson og Brynhildur Kristjánsdóttir sem hafa rekið veitingastaðinn Vitann í Sandgerði í 38 ár hafa ákveðið að leggja niður starfsemi veitingahússins í núverandi mynd, en síðasti opnunardagur var 11. apríl 2020.  Hjónin stefna á að gera 3 litlar íbúðir í húsnæði Vitans.

„Við hófum starfsemina árið 1982 og þennan tíma höfum við reynt að mæta óskum viðskiptavina okkar að bestu getu. Þessi tími hefur verið bæði lærdómsríkur og skemmtilegur. Við þökkum öllum fyrir ánægjulegt samstarf og góð kynni þessi 38 ár.“

Segja þau Stefán og Brynhildur.

Stefán Sigurðsson matreiðslumeistari lærði fræðin sín á Hótel Sögu og útskrifaðist árið 1974. Stefán starfaði m.a. á veitingastöðunum Múlakaffi, Hótel Stykkishólmi, Valaskjálf og Varnaliðinu.

Fyrst til að bjóða upp á grjótkrabba á Íslandi

Vitinn bauð upp á fjölbreyttan matseðil þar sem lögð var áhersla á sjávarfang og á síðari árum höfðu hjónin skapað staðnum sérstöðu með eintsökum krabbamatseðli. Hráefnið var eins ferskt og völ var á, en krabbarnir ásamt skelfiski voru geymdir í sérstökum körum í bakgarði staðarins.

Hjónin létu bora 50 metra djúpa borholu fyrir utan veitingastaðinn og létu leiða úr henni sjó í kör í bakgarð veitingastaðarins.

Sjóborun við hliðina á Vitanum í Sandgerði

Vitinn

Sjóborun.
Boruð var 50 metra djúp borhola fyrir utan veitingastaðinn.

Í körunum var grjótkrabbi, trjónukrabbi, bogkrabbi, blá-, öðu-, kúfskeljar ofl.

Sjávarréttastaður - Vitinn í Sandgerði

Krabbarnir ásamt skelfiski voru geymdir í sérstökum körum í bakgarði staðarins

Sjávarréttastaður - Vitinn í Sandgerði

Kúfskel

Grjótkrabbi

Vitinn

Stefán Sigurðsson matreiðslumeistari Vitans

Til gamans má geta þess að Vitinn var fyrsti veitingastaðurinn á Íslandi að bjóða upp á grjótkrabba.

Vinsælast var að panta samsettan matseðil sem var skelfisksúpa, krabba og skelfiskréttir og eftirréttur.

Skelfisksúpan var löguð úr soði af grjótkrabba, trjónukrabba og bogakrabba, allt soðið niður í ca 15 klukkutíma með ýmsu öðru góðgæti og kryddi. Súpan var borin fram með hörpuskel, krækling, rækjum og þorskbitum. Með súpunni var borið fram heimabakað brauð m/ ólífum og papriku og hvítlaukssmjöri.

Krabba og skelfiskrétturinn var úrval af ferskum skelfisk og krabba, sem var grjótkrabbi, öðuskel, kræklingur, rækjur, beitukóng, humar og kúfskel og með brauði og tilheyrandi sósum.

Vitinn í Sandgerði – Sjávarréttarstaður | Veitingarýni

Feðgarnir Sigurður og Stefán á skelfiskveiðum

Aflinn klár

Sjávarréttastaður - Vitinn í Sandgerði

Viðtökurnar við krabbaveislunni voru framar vonum og var brjálað að gera á Vitanum fram að lokun staðarins.

Það hafa þegar um 5000 manns bókað hjá Vitanum næsta vetur | Vilja koma upp lendingarsvæði fyrir þyrlur

Veitingahúsið Vitinn

Brynhildur Kristjánsdóttir og Stefán Sigurðsson.
Vitahjónin voru einstaklega dugleg að hugsa vel um staðinn.

Vitinn

Krabba og skelfiskrétturinn frægi

Myndir: Smári / Veitingageirinn.is

Lesa meira

Frétt

Icelandair óskar eftir tilboði um leigu og rekstur á eldhúsi við Reykjavíkurflugvöll

Birting:

þann

Icelandair - Eldhús og mötuneyti við Reykjavíkurflugvöll

Húsnæðið er ca 200 fm sem skiptist í vörumóttöku, starfsmanna aðstaða ( 4 skápar), uppvask ( uppþvottavél er ekki í lagi), skrifstofu, walk inn kælir, kalt eldhús með frystiskápum, heitt eldhús ( tæki fylgja með í leigu), annar walk inn kælir, læst geymsla.

Þá er matsalur fyrir ca 40 manns ( borð og stólar ) með sér inngangi.

Allt loftræstikerfi er ný tekið í gegn og eins er allt nýlega málað.

Þetta er frábært veislueldhús sem er staðsett í hjarta Reykjavíkur og myndirnar tala sínu máli og því óhætt að þetta gerist varla betra tækifæri fyrir góða fagmenn.

Hafðu samband:
Fyrirspurnir sendist á netfangið: [email protected]

Lesa meira
  • Jim Beam Black í kakó 17.06.2020
    Jim Beam Black og Kakó 30 ml Jim Beam BlackFyllt með kakóToppað með rjóma Tækni: Blandað beint Glas: ÚtilegubolliSkreyting: Súkkulaði spænir Aðferð:  Jim Beam Black og kakó er hellt beint í bolla eða glas og hrært saman. Rjóminn settur ofaná og súkkulaði spænir stráð yfir. Frábær drykkur í útileguna! Ert þú að fylgja Viceman Instagram og Facebook?Fróðleikur, uppskriftir og […]
  • Hvað er Bourbon? 14.06.2020
    Árlega er Bourbon dagurinn haldin hátíðlegur þann 14 júní. Í fyrstu voru það aðeins Bandaríkjamenn sem héldu hann hátíðlegan enn á síðustu árum hafa unnendur Bourbon tekið þátt í að halda daginn hátíðlegan enda er Bourbon á mikilli vinsældar siglingu. Hvað er bourbon? Bourbon er tegund af Amerísku viskí og er talið að viskíið dragi […]

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag