Vertu memm

Frétt

Fjöldatakmörk verða 50 manns frá 24. febrúar

Birting:

þann

Svandís Svavarsdóttir heilbrigðisráðherra

Svandís Svavarsdóttir heilbrigðisráðherra hefur kynnt breyttar sóttvarnaraðgerðir

Almennar fjöldatakmarkanir verða 50 manns samkvæmt nýjum reglum um samkomutakmarkanir sem taka gildi 24. febrúar. Heimilt verður að hafa að hámarki 200 viðskiptavini í verslunum, á söfnum, í kirkjum og á tilteknum viðburðum. Sund- og baðstöðum og skíðasvæðum verður heimilt að taka á móti 75% af leyfilegum hámarksfjölda gesta. Sama máli gegnir um heilsu- og líkamsræktarstöðvar en þar er jafnframt óheimilt að hafa fleiri en 50 manns í rými.  Á íþróttakeppnum verður nú heimilt að hafa áhorfendur. Þetta er megininntak tilslakana á samkomutakmörkunum sem heilbrigðisráðherra hefur ákveðið að gera í samræmi við tillögur sóttvarnalæknis.

Með reglugerð heilbrigðisráðherra sem tók gildi 8. febrúar síðastliðinn voru gerðar varfærnar tilslakanir á samkomutakmörkunum og átti reglugerðin að gilda til 3. mars. Í ljósi góðar stöðu á faraldrinum innanlands telur sóttvarnalæknir óhætt að gera enn frekari tilslakanir nú þegar, enda hafa aðgerðir á landamærum verið hertar til að draga enn frekar úr líkum á því að smit berist frá útlöndum. Fá smit hafa greinst innanlands undanfarið og þá hjá fólki sem þegar var í sóttkví. Ekki hefur greinst smit utan sóttkvíar síðan 1. febrúar. Sóttvarnalæknir segir ekki hægt að fullyrða að landið sé „veirufrítt“ og brýnir því fyrir fólki að vera áfram varkárt og gæta að sóttvörnum.

Reglur um grímunotkun verða óbreyttar og áfram verður 2 metra nándarregla meginviðmið en þó með ákveðnum undantekningum eins og að neðan greinir.

Fjöldatakmarkanir fara úr 20 manns í 50 en með undantekningum:

Söfn og verslanir: Viðskiptavinir mega vera allt að 200 í stað 150 áður, að uppfylltum skilyrðum reglugerðarinnar um fermetrafjölda. Áfram gilda 2 metra nálægðarmörk og grímuskylda.

Viðburðir þar sem gestir sitja: Allt að 200 manns mega vera viðstaddir athafnir trú- og lífsskoðunarfélaga, sviðslistar- menningar- og íþróttaviðburði, ráðstefnur, fyrirlestra og sambærilega viðburði að uppfylltum öllum eftirtöldum skilyrðum.

  • Heimiluð nándarmörk milli ótengdra aðila eru nú 1 metri, að uppfylltum skilyrðum.
  • Gestir mega ekki sitja andspænis hver öðrum nema meira en tveir metrar séu á milli þeirra.
  • Þátttaka allra gesta skal skráð þar sem fram kemur nafn, kennitala og símanúmer.
  • Allir skulu nota andlitsgrímu og tryggt að fjarlægð milli ótengdra aðila sé meiri en 1 metri.
  • Heimilt er að hafa hlé á sýningum en áfengisveitingar og áfengissala á viðburðum er óheimil.
  • Koma skal í veg fyrir hópamyndanir, jafnt fyrir og eftir viðburð og í hléi.

Ath! Ef ekki er hægt að uppfylla eitthvert framantalinna skilyrða gildir reglan um 50 manna hámarksfjölda á viðburðinum.

Áhorfendur á íþróttaviðburðum: Heimilt er að hafa áhorfendur á íþróttaviðburðum. Áhorfendur mega vera allt að 200 manns að því gefnu að hægt sé að uppfylla öll skilyrði hér að framan um viðburði þar sem gestir sitja. Ef áhorfendur eru standandi gildir regla um 50 manna hámarksfjölda.

Sund- og baðstaðir: Gestir mega vera 75% af leyfilegum hámarksfjölda.

Heilsu- og líkamsræktarstöðvar: Gestir mega vera 75% af leyfilegum hámarksfjölda. Í  hverju rými mega nú að hámarki vera 50 manns.

Skíðasvæði: Heimilt er að taka á móti 75% af hámarksfjölda af móttökugetu hvers svæðis.

Veitingastaðir þar sem heimilaðar eru áfengisveitingar: Leyfilegur hámarksfjöldi í rými verður 50 manns. Heimilt er að taka á móti nýjum viðskiptavinum til kl. 22.00 en þeir skulu allir hafa yfirgefið staðinn fyrir kl. 23.00.

Mynd: stjornarradid.is

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Frétt

Salmonella í innfluttum kjúklingabitum

Birting:

þann

kjúklingabitar

Matvælastofnun varar við neyslu á SFC Boneless Bucket kjúklingabitum vegna salmonellumengunar. Aðföng sem flytur inn kjúklingabitana hefur innkallað vöruna í samráði við Heilbrigðiseftirlit Reykjavíkur.

Matvælastofnun fékk upplýsingar frá Bretlandi í gegnum Infosan alþjóðaviðvörunarkerfi matvælastofnana og heilbrigðiseftirlitið hafði einnig fengið upplýsingar frá Aðföngum.

Innköllunin á einungis við eftirfarandi best fyrir dagsetningar:

  • Vöruheiti: SFC Boneless Bucket, Crunchy golden pieces of tasty, succulent Chicken Crispy Strips, Dippers and Poppets coated in a Southern Fried Style coating
  • Nettómagn: 650g
  • Strikamerki: 5031532020629
  • Geymsluskilyrði: Frystivara, -18°C
  • Lotunúmer: L19720
  • Best fyrir dagsetning: 28-11-2021
  • Upprunaland: Pólland
  • Framleiðsluland: Bretland
  • Innflytjandi: Aðföng, Skútuvogi 7-9, 104 Reykjavík
  • Dreifing: Hagkaupsverslanir um allt land

Viðskiptavinir sem keypt hafa ofangreinda vöru eru beðnir um að neyta hennar ekki og farga en einnig er hægt að skila henni í versluninni þar sem hún var keypt gegn endurgreiðslu.

Lesa meira

Frétt

Málmstykki fannst í pítsu

Birting:

þann

Pan Pizza Peperoni

Matvælastofnun varar við tiltekinni lotu af Billys Pan Pizza vegna málmstykkis sem fannst í vörunni. Fyrirtækið Innnes flytur inn pítsuna og dreifir henni í verslanir um allt land. Fyrirtæki hefur innkallað vöruna með aðstoð Heilbrigðiseftirlits Reykjavíkur.

Innköllunin á eingöngu við um eftirfarandi framleiðslulotu:

  • Vörumerki: Billys
  • Vöruheiti: Pan Pizza Peperoni
  • Best fyrir dagsetning: 09.06.2021
  • Strikamerki: 7310960718116
  • Nettómagn: 170g
  • Geymsluskilyrði: Frystivara
  • Framleiðandi: Gunnar Dafgård AB
  • Framleiðsluland: Svíþjóð
  • Innflytandi: Innnes ehf., Korngörðum 2, 104 Reykjavík
  • Dreifing: Bónus og Hagkaup um land allt, Krónan um land allt, Krambúðin, Kjörbúðin og Nettó um land allt, Extra í Keflavík, Akureyri og Barónstíg, Heimkaup, Hlíðarkaup, Fjarðarkaup, Þín Verslun, Verslunin Rangá, Kríuveitingar, N1 Nesti Hringbraut, Skerjakolla ehf, Albína, Kaupfélag Skagfirðinga, Góður Kostur, Verslunin Urð og Verslun Kassans á tímabilinu 6.11.2020 – 19.01.20.

Viðskiptavinir sem keypt hafa ofangreinda vöru eru beðnir um að neyta hennar ekki og farga en einnig er hægt að skila henni í versluninni þar sem hún var keypt gegn nýrri vöru. Nánari upplýsingar veitir gæðastjóri Innness ehf. í síma 532 4000 eða í gegnum netfangið ts hjá innnes.is.

Lesa meira

Frétt

Fordómar gagnvart geitfjárrækt

Birting:

þann

Geit

Fyrir um þremur mánuðum síðan úthlutaði Matvælasjóður í fyrsta sinn og var það Kristján Þór Júlíusson, sjávarútvegs- og landbúnaðarráðherra, sem kynnti fyrstu úthlutun Matvælasjóðs en alls hlutu 62 verkefni styrk að fjárhæð allt að 480 milljónir að þessu sinni. Alls bárust 266 umsóknir um styrki upp á 2,7 ma.kr.

Matvælasjóður úthlutar í fyrsta sinn: 62 verkefni hljóta styrk

Um þessar mundir má finna fjölbreyttar umfjallanir og líflegar umræður um geitfjárrækt á ýmsum frétta- og samfélagsmiðlum.

Kveikjan að þessu var umsögn með höfnun sem barst umsækjanda í Matvælasjóð en sá var eini umsækjandinn úr hópi geitfjárræktenda á Íslandi.

Anna María Flygenring, formaður Geitfjárræktarfélags Íslands, segir í sjálfu sér ekkert um það að segja, sumir umsækjenda fengu styrki, aðrir ekki. Hún velti hins vegar fyrir sér umsögn sem fylgdi með höfnuninni og finnst að hún lýsi fádæma fordómum. Bjartsýni á að geitfjárrækt eigi sér framtíð á Íslandi hafi minnkað til muna eftir lestur umsagnarinnar.

Hún hljóðar svo:

„Hversu umhverfisvæn er ræktun geita? Geitur ganga hart að umhverfi sínu og þar sem íslensk náttúra á frekar undir högg að sækja þegar kemur að gróðurþekju og er á mörgum stöðum örfoka skýtur skökku við að ætla að stækka bústofn tegundar sem er ágeng á gróður.

Einnig spyr maður sig af hverju vinsældir hafa ekki náð sér á strik á þessum 1000 árum, virðist lítill vilji vera fyrir því að læra að elda og nýta geitakjöt.

Nú þegar eru bændur í vandræðum með að losa sig við lambakjöt, hví bæta annarri kjötafurð við.“

Segir að lokum í umsögninni.

„Ég var afskaplega hissa þegar ég las þessa umsögn og mér þykir hún lýsa miklum fordómum, fáfræðin um geitur og hegðun þeirra er mikil,“

segir Anna María í samtali við Bændablaðið.

Geitfjárræktarfélag Íslands hefur verið starfrækt í 30 ár en hlutverk félagsins er að stuðla að verndun og ræktun íslenska geitfjárstofnsins og leita leiða til að bæta nýtingu og auka verðmæti geitaafurða.

Matís hefur til að mynda unnið að allnokkrum verkefnum með félaginu en þau hafa öll haft það að markmiði að kanna, eða þróa gæði og nýtingarmöguleika geitfjárafurða og miðla upplýsingum um þetta efni til geitfjárbænda og almennings. Lykilniðurstaðan er að afurðir íslenskra geita henta ágætlega í fjölbreytt matvæli sem eru holl og hafa margvíslega sérstöðu.

Hjá Matís voru teknir saman einblöðungar um þetta efni, t.d. einblöðungur um gæði geitfjárafurða í alls kyns matvæli. Einnig hafa verið gefnar út skýrslur um geitfjárafurðir, til dæmis um næringargildi geitfjárafurða og sérstöðu afurða íslenskra geita með áherslu á þá ótal möguleika sem eru á vöruþróun og framleiðslu.

Sjá einnig:

Ný matarsmiðja á Brúnastöðum – Myndir

Mynd: úr safni

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið