Vertu memm

Frétt

Enn varað við neyslu á kræklingi úr Hvalfirði

Birting:

þann

Kræklingar - Kræklingur

Matvælastofnun varar áfram við tínslu og neyslu á kræklingi úr Hvalfirði þar sem DSP þörungaeitur greindist yfir viðmiðunarmörkum fyrir skömmu.

Sjá einnig:

Varað við neyslu á kræklingi úr Hvalfirði – DSP þörungaeitur yfir viðmiðunarmörkum

DSP þörungaeitur í kræklingi getur valdið kviðverkjum, niðurgangi, ógleði og uppköstum. Einkenni koma fram fljótlega eftir neyslu og líða hjá á nokkrum dögum.

Fulltrúi Matvælastofnunar safnaði kræklingi föstudaginn 22. október s.l. við Fossá í Hvalfirði. Tilgangurinn var að kanna hvort almenningi væri óhætt að tína krækling í Hvalfirði. Niðurstöður mælinga leiddu í ljós að DSP þörungaeitur var 440 µg/kg en fyrir mánuði mældist 1150 µg/kg í kræklinginum. Bæði gildin eru vel yfir viðmiðunarmörkum, sem eru 160 µg/kg.

Eru neytendur enn varaðir við að neyta kræklings úr firðinum eins og staðan er. Stofnunin mun áfram fylgjast með stöðu mála og láta vita þegar óhætt verður að neyta kræklings úr firðinum. Yfir veturinn er sýnataka mánaðarlega, þar sem vöxtur þörunga er hægur yfir dimma vetrarmánuði og breytingar á stöðu þörungaeiturs eru hægar.

Að lokum vill Matvælastofnun vekja athygli á að því fylgir ávalt áhætta að neyta skelfisks sem safnað er við skeljatínslu og er það alltaf á eigin ábyrgð.

Mynd: úr safni

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar hér >>

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið