Vertu memm

Viðtöl, örfréttir & frumraun

Eldstæðið – Atvinnueldhús fyrir matarfrumkvöðla og smáframleiðendur opnar í sumar

Birting:

þann

Eldstæðið - Atvinnueldhús

Eldstæðið er atvinnueldhús fyrir matarfrumkvöðla, smáframleiðendur þar sem boðið er upp á fullvottað eldhús með öllum helstu tækjum og tólum til matvælaframleiðslu, kæli- og þurrlager, skrifstofuaðstaða,

Deilieldhúsið Eldstæðið stefnir á að opna dyrnar í sumar og geta matarfrumkvöðlar, smáframleiðendur og aðrir matarunnendur leigt sér aðstöðu til matvælaframleiðslu ásamt skrifstofuaðstöðu.

Tilraunaeldhús þekkjast víða um heim ásamt deiliskrifstofum en deilieldhús er nýtt í flóruna hér á landi svo verkefnið er fyrsta sinnar tegundar á Íslandi.

Eldstæðið - Atvinnueldhús

Nafnið Eldstæðið er vísun í gömlu eldstæðin sem voru til staðar í torfbæjum hér áður fyrr og sjá má glitta í gamlan lóðpott í logo-inu

Eldstæðið er einkaframtak og hugmynd frumkvöðulsins Evu Michelsen. Hugmyndin kom til eftir að Eva hafði verið í vandræðum með aðstöðu og sá sambærilegt fyrirkomulag í Bandaríkjunum haustið 2017.

Eldstæðið - Atvinnueldhús

Eva Michelsen

Um Evu

Eva þekkir vel til veitingabransans, faðir hennar Páll Michelsen bakari  starfaði með afa hennar Evu, Má Michelsen bakara sem rak Másbakarí í Þorlákshöfn í aldarfjórðung við góðan orðstír.  Þar starfaði Eva ásamt stór hluti fjölskyldunnar, en því var lokað þegar Már bakari fór á eftirlaun.

Eva hefur haldið úti kökublogginu Kökudagbókin í um 10 ár og framleitt konfekt, kökur og álíka sætabrauð undir Michelsen Konfekt.

Einnig kom hún að uppbyggingu á Húsi sjávarklasans út á Granda og var framkvæmdastjóri hússins, starfaði þar fyrstu 5 árin meðan það var allt að vaxa. Síðar kom hún að uppbyggingu Lífsgæðaseturs St. Jó á gamla St. Jósefsspítala í Hafnarfirði, svo fátt eitt sé nefnt.

Karolina Fund söfnun – Meðal áheita er aðgangur að Eldstæðinu

Verkefnið hefur sett af stað fjáröflun gegnum Karolina Fund til að safna fyrir einni vinnustöð af fjórum sem koma til með að þjóna matarfrumkvöðlum og smáframleiðendum.

Söfnunin stendur til 15. júlí næstkomandi og eru áhugasamir hvattir til að heita á verkefnið inn á Karolina Fund, sjá hér.

Meðal áheita er aðgangur að Eldstæðinu á sérstökum kynningarverðum.

Heimasíða: www.eldstaedid.is

Myndir: aðsendar

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Lesa meira
Auglýsingapláss

Viðtöl, örfréttir & frumraun

Áhugaverður þáttur – Í eldlínunni: (Um)bylting í eldhúsinu

Birting:

þann

The Heat: A Kitchen (R)evolution

Mynd: skjáskot úr myndbandi.

Kanadísk heimildarmynd um kokkastarfið var sýnt í Ríkisútvarpinu, þar sem sjö kvenkyns kokkar ræða hvað þarf til að komast á toppinn í geira sem lengi hefur verið stjórnað af körlum og hvernig kokkamenningin er hægt og rólega að breytast.

Smellið hér til að horfa á þáttinn.

Lesa meira

Viðtöl, örfréttir & frumraun

Svona var veitingalífið á fyrsta vetrardag fyrir 50 árum

Birting:

þann

Í dag er fyrsti vetrardagur, laugardagurinn að lokinni 26. viku sumars og svona var veitingalífið á fyrsta vetrardag fyrir 50 árum síðan.

fyrsti vetrardagur, laugardagurinn að lokinni 26. viku sumars

Mynd: timarit.is

Lesa meira

Viðtöl, örfréttir & frumraun

Árið er 1944 – Minkur á Hótel Borg rotaður með brennivínsflösku

Árið er 1944 – Minkur á Hótel Borg rotaður með brennivínsflösku

Birting:

þann

Árið er 1944 - Minkur á Hótel Borg rotaður með brennivínsflösku

Mynd: Öldin okkar

Lesa meira

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag