Vertu memm

Frétt

Efla þekkingu á geitaafurðum í samvinnu við Hótel- og matvælaskólann og landsliðið í kjötiðnaði

Birting:

þann

Geitaafurðir á diskinn minn

Matreiðslukennararnir Hinrik Carl, Fanney, Sigurður Daði og Hermann

Íslenskar geitaafurðir eru skemmtileg viðbót í veitingaflóruna á Íslandi. Þar liggja vannýtt tækifæri. Uppskriftir að soðnum framparti í soðbrauði, geitavorrúllum, geitarúllupylsu með flatkökum og gröfnu geitalæri fylgja hér á eftir!

Matarauður Íslands, Geitfjárræktarfélag Íslands og Matís hafa unnið saman að verkefni þar sem tilgangurinn er að bæta geitakjötsmat og efla þekkingu kjötvinnslumanna á vinnslu geitakjöts. Hvoru tveggja skilar auknum verðmætum. Verkefnið er einnig unnið í samvinnu við Hótel- og matvælaskólann og landsliðið í kjötiðnaði og var sérlega gaman að heyra hvað kjötiðnaðarmenn, matreiðslumeistarar og nemendur voru ánægðir að fá að spreyta sig á geitinni sem hráefni.

Geitaafurðir á diskinn minn

Vonandi verður verkefnið til að efla áhuga á framleiðslu, vinnslu og matreiðslu því þó við elskum flest okkar íslenska lambakjöt þá er geitakjötið bæði einstakt og gott. Það er um að gera að versla við geitfjárbónda t.d. í gegnum REKO-sölusíður á facebook.

Íslenska geitin er eitt hreinasta geitakynið í Evrópu og fylgt þjóðinni frá landnámi en aldrei náð sömu stöðu og sauðféð í búskap Íslendinga. Með þessu verkefni er Matarauður að styðja við varðveislu geitastofnsins sem hefur verið í útrýmingarhættu þannig að stofninn öðlist smám saman það hlutverk að vera framleiðslustofn, því það er sá stökkpallur sem þarf til að hann standi af sér þá ógn að deyja út, að því er fram kemur á vefnum mataraudur.is.

Geitaafurðir á diskinn minn

Jóhannes Geir Númason fagsviðstjóri kjötiðnaðardeildar MK að sýna aðstöðuna hjá kjötiðnaðarnemum

Jóhannes Geir Númason fagsviðstjóri kjötiðnaðardeildar MK að sýna aðstöðuna hjá kjötiðnaðarnemum

Boðið var upp á..og haldið ykkur fast!

  • Taco með geitalæri, bökuðum fetaosti, vínberjum og salthnetum
  • Geitakótiletta í raspi með geitasósu
  • Geitarúllukjöt á crostini með steinseljurótarmæjó og sýrðum rauðlauk
  • Laufabrauð með hangigeit og piparrótarkremi
  • Geitakótiletta í raspi með geitasósu
  • Geitabeikon með sætum rauðrófum og heimalöguðum ricotta
  • Geitaseyði með egg royale, geitakjöti og rótargrænmeti
  • Grafið geitalæri á crostini með bláberja- og brennivínssósu og pistasíumulningi
  • Tartaletta með geitakjöti og fáfnisgrasmæjó
  • Vorrúllur fylltar með geitarillette
  • Flatkaka með léttreyktu geitakjöti, geita ferskosti og skyrkremi
  • Soðbrauð með geitalæri, rauðkáli og múskatmæjó
  • Geitahakkbollur með rabbabarasultu
  • Flatkökur með geitarúllupylsu, einiberjamæjó og shalotlauk
  • Skonsa með léttreyktu geitalæri með bláberjasósu
  • Panna cotta úr geitamjólk, með haframulningi, malt- og appelsínsírópi og flamberuðum rabbabara

Uppskriftir

Það eru matreiðslunemarnir Aþena Ýr, Helgi, Jamie og Víglundur sem eiga heiðurinn að uppskriftunum

Soðinn frampartur í soðbrauði með múskat mæjó og pikluðu rauðkáli

SOÐBRAUÐ

90 gr sykur
300 gr vatn
300 gr súrmjólk
120 gr egg
120 gr olía
12 gr salt
2 gr hjartasalt
4 gr lyftiduft
6 gr natron
1200 gr hveiti

Aðferð:
Hnođađ vel saman. Rúllađ út ca 5 mm. Stungnar út kökur sem eru gatađar. Steikt fljótandi í olíu.

MÚSKAT MAJONES

8 eggjarauður
1 msk dijon sinnep
1 msk hvítvínsedik
2 tsk hunang
700 ml olía
1 msk sítrónusafi
3 msk múlin múskat
2 tsk salt

Aðferð:
Allt hráefni að frátöldu olíu og kryddum er sett í sirman matvinnsluvél og unnið létt saman. Olíu er síðan hellt rólega út í þar til viðunandi þykkt hefur verið náð og loks smakkað til með múskat og salti.

RAUÐKÁL

1 rauðkálshaus
Olía
1 tsk salt
½ tsk pipar
2 kanilstangir
3 msk edik
2 msk púðursykur
½ dl vatn
2 epli
1 dl ribena safi

Aðferð:
Steikið saxað rauðkál á pönnu með olíu í svona 5 mín. Bætið salt, pipar, kanil, edik, sykri og vatn út í og sjóðið kálið í 30 min. Hrærið annað slagið og bætið meira vatni er þarf. Flysjið epli og skerið í litla bita, bætið þeim út í og sjóðið áfram í 20 min of hellið svo ribena út í lokin.

Geitavorrúllur með sýrðu hvítkáli ásamt papriku og eldpipar sambal

20 feulle de brick (Brickdeig)

GEITARILLET

1950 gr geita bógur
Afskurður af geita kótilettum
300 ml vatn
350 ml nautasoð
Hvítlauksrif
1 laukur
1 fenell
1 gulrót
6 stiklar rósmarín
Lárviðarlauf
Einiber
Svartu pipar
Kryddjurtir

Aðferð:
Hvítlaukur er saxaður í sneiðar, settur í djúpan gastró bakka ásamt rósmarín, lauk og gulrót. Geitavöðvinn er nuddaður með salti og pipar á öllum hliðum og sett í bakkann. Soði og vatni er hellt í kringum og bakkinn settur inní ofn með álpappír yfir. Eldað við 145°C í um 3 tíma, lengur ef þurfa þykir. Geita kjötið er síðan rifið niður í strimla og marinerað með teriyaki dressingunni.

SÝRT HVÍTKÁL

500g hvítkál
500g sykur
500g eplaedik
500g vatn

Aðferð:
Sykur, bræddur í pott með vatni. Þegar sykurinn er bráðinn er potturinn tekinn af og ediki bætt við og látið kólna. Þegar lögurinn hefur náð herbegishita skal skera hvítkálið smátt og vaccumpakka.

TERIAKI MARINERING

240 ml vatn
5 msk púðursykur
5 ml siriacha
50 ml soya sósa
2 msk hunang
1 hvítlaukur
2 msk maíssterkja
60 ml kalt vatn

Aðferð:
Allt er sett í lítinn pott, að frátöldu vatni og maíssterkju. Potturinn er settur á miðlungshita í þar til púðursykur fer að brúnast. Vatni og sterkju er blandað saman og er loks hellt útí pottinn þar til hæfilegri þykkt hefur verið náð.

PAPRIKU OG ELDPIPAR SAMBALL 

9 paprikur
2 stiklar lemongras
4 eldpiprar
200 ml mirin
200 ml hrísgrjónaedik
4 skallotulaukar
¼ hvítlauksrif
400 gr sykur
100 ml hvítvín

Aðferð:
Paprika og eldpipar eru fræhreinsuð og skorin gróflega niður. Laukur er saxaður og lemongrass kramið til að losa um brögð. Allt er sett saman í pott og látið simmera í um 90 mín. Lemongrass er síðan sigtað frá og grænmeti er múlað í matvinnsluvél með smá vökva.

Rúllupylsa með flatkökum, sýrðum skalottulauk og grænertum

FLATKÖKUR

360 gr hveiti
150 gr rúgmjöl
120 gr haframjöl
5 gr salt
10 gr sykur
8 gr lyftiduft
360 gr vatn

Aðferð:
kalt vatn Hnođa vel. Rúlla út frekar þunnt, 2 mm. stinga út kökur, gata kökur Brenna međ gasi. gott ađ vera međ stóran brennara.

SÝRÐUR SKALOTTULAUKUR 

500g skalottlaukur
500g sykur
500g eplaedik
500g vatn

Aðferð:
Sykur, bræddur í pott með vatni. Þegar sykurinn er bráðinn er potturinn tekinn af og ediki bætt við og látið kólna. Þegar lögurinn hefur náð herbergishita skal skera sskalottuttlaukinn í helminga og vaccumpakka.

GRÆNERTUMAJÓ

4 eggjarauður
1 msk dijon sinnep
1 msk hvítvínsedik
1 tsk hunang
400 ml olía
1 msk sítrónusafi
1 tsk salt
150 gr grænertur
2 tsk matarsódi
2 msk salt

Aðferð:
Grænertur eru blanche-raðar í potti með smá matarsóda í um 2 mínútur. Sigtaðar, maukaðar örfínt og teknar í gegnum sigti. Majónes er þá undirbúið og allt hráefni að frátöldu olíu, kryddum og grænertumauki er sett í sirman matvinnsluvél og unnið létt saman. Olíu er síðan hellt rólega út í þar til viðunandi þykkt hefur verið náð og loks smakkað til með og salti. Grænertumaukið er svo unnið rólega saman við.

Grafið geitalæri með ponzu

GRAFIÐ LÆRI

1,55 kg geita læri úrbeinað
600 gr salt
2 msk nítritsalt
20 gr dillfræ
20 gr rósmarín
20 gr timian
10 gr sinnepsfræ
20 gr rósapipar
10 gr einiber

Aðferð:
Þurrefni blönduð saman. Geitakjöt hulið og grafið í um 4 klukkustundir og loks skolað.

PONZU

100g lime
100g sojasósa
100g sharlott
30g hvítlaukur

Aðferð:
Lime kreist í sojasósuna og laukurinn og hvítlaukurinn saxaður út í.

Myndir: mataraudur.is

Frétt

Mexíkósk kjúklingasúpa – Breytt og staðfærð að kenjum kokksins

Birting:

þann

Mexikönsk Tómatsúpa með Chili og Kjúkling

Þetta er mjög kraftmikil súpa sem gott er að ylja sér við á köldum vetrarkvöldum. Mjög sniðug í veislur sem sjálfstæður réttur eða aðalréttur. Fékk þessa hjá Agnesi á Selfossi. Breytti og staðfærði að kenjum kokksins.

400 gr soðnar kjúklingabringur í teningum
200 gr saxaður laukur
3 fínsaxaðir hvítlauksgeirar
1 grænn chilipipar fínsaxaður
2 rauður chili fínsaxaður
100 gr mais
100 gr soðnar nýrnabaunir
1 lítri tómatsafi
800 gr niðursoðnir tómatar í bitum
600 ml kjúklingasoð
1 búnt saxaður ferskur coriander
½ tsk chilipiparduft
½ tsk cayennapiparduft

Svitið hvítlaukinn, chilipiparinn og laukinn í dálítilli olíu. Öllum vökva bætt sman við og soðið rólega saman í 20-30 mínútur. Setjið kjúkling, mais og nýrnabaunir í súpuna. Smakkið til og bætið við chili eða kjötkrafti ef þurfa þykir. Súpan á að vera sterk og kraftmikil.

Meðlæti:
200 gr rifinn ostur
200 ml sýrður rjómi
200 ml Guacamole
Nachos flögur
Brauð og olífuolía

Skammtið súpuna í skál fyrir hvern og einn og setið meðlætið útí. Snakkið og rifinn ost efst.

Höfundur: Auðunn Sólberg Valsson matreiðslumeistari.

Lesa meira

Frétt

Breyttar reglur um takmörkun á samkomum taka gildi 14. ágúst – Fjöldatakmörk miðast áfram við 100 manns

Birting:

þann

Veitingastaður

Samkvæmt nýrri auglýsingu heilbrigðisráðherra um takmörkun á samkomum vegna farsóttar sem tekur gildi 14. ágúst verða reglur um nálægðartakmörk í framhalds- og háskólum rýmkaðar og sömuleiðis í íþróttum. Að öðru leyti gildir áfram meginreglan um 2 metra nálægðarmörk. Við aðstæður þar sem eðli starfsemi krefst meiri nálægðar milli einstaklinga en tveggja 2 metra og í almenningssamgöngum þar sem ferð varir í 30 mínútur eða lengur skal nota andlitsgrímu. Hjúkrunarheimilum, öðrum heilbrigðisstofnunum og sambærilegum stofnunum er gert skylt að setja reglur um starfsemi sína, svo sem um heimsóknir utanaðkomandi að heimilum og stofnunum.

Fjöldatakmörk miðast áfram við 100 manns að hámarki. Eins og fram kemur í auglýsingu ráðherra er rík áhersla lögð á einstaklingsbundnar sóttvarnir og almennar smitvarnir með tíðum og reglubundnum þrifum þar sem fólk kemur saman.

Þær breytingar sem verða með nýrri auglýsingu um takmörkun á samkomum eru í samræmi við tillögur sóttvarnalæknis sem fram koma í minnisblaði hans til ráðherra frá 11. ágúst síðastliðnum.

Nálægðartakmörkun í framhalds- og háskólum
Í framhalds- og háskólum verður heimilt að hafa 1 metra á milli einstaklinga án þess að andlitsgrímur séu notaðar. Þar skal sótthreinsa sameiginlegan búnað og snertifleti minnst einu sinni á dag og áhersla skal lögð á einstaklingsbundnar sóttvarnir.

Nálægðartakmörkun í íþróttum
Þrátt fyrir meginregluna um 2 metra nálægðartakmörkun verða snertingar heimilar milli íþróttafólks á æfingum og í keppnum. Aftur á móti skal virða 2 metra regluna í búningsklefum og á öðrum svæðum utan keppni og æfinga. Aðrir, meðal annars þjálfarar, starfsmenn og sjálfboðaliðar, skulu ávallt virða 2 metra regluna. Íþrótta- og ólympíusamband Íslands skal setja sérsamböndum sínum nánari reglur í samráði við sóttvarnalækni, meðal annars um einstaklingsbundnar sóttvarnir, sótthreinsun búnaðar, framkvæmd æfinga og keppna.

Andlitsgrímur
Við aðstæður þar sem skylt er að nota andlitsgrímur líkt og skilgreint er í auglýsingunni skal aðeins nota grímur sem uppfylla kröfur evrópsku staðlasamtakanna (CEN) og hefur sóttvarnalæknir jafnframt sett nánari leiðbeiningar þar að lútandi.

Börn
Börn fædd árið 2005 eða síðar eru áfram undanskilin ákvæðum 3. gr. auglýsingarinnar sem snúa að fjöldatakmörkun og 4. gr. um almenna nálægðartakmörkun.

Breytingarnar sem hér um ræðir snúa einungis að takmörkunum á samkomum vegna farsóttar innanlands, en gildandi auglýsing fellur úr gildi 14. ágúst. Í minnisblaði sóttvarnalæknis til heilbrigðisráðherra er einnig fjallað um mögulegar breytingar á fyrirkomulagi vegna skimana á landamærum. Gildandi reglugerð hvað það varðar gildir til 15. september.

 

Lesa meira

Frétt

Lögreglan lokaði einum veitingastað

Birting:

þann

Lögreglan - Tveggja metra reglan

Í gærkvöldi fór lögreglan á þrettán veitingastaði á höfuðborgarsvæðinu til að kanna ástand þeirra með tilliti til tveggja metra reglunnar, rýmis og sóttvarna.

Einum þeirra var lokað og gestum gert að yfirgefa staðinn.  Ekki er tekið fram í tilkynningu frá lögreglunni hvaða veitingastaður það er.

Ástandið á fjórum veitingastöðum var í mjög góðu lagi, þar af voru tveir þeirra til mikillar fyrirmyndar. Sjö stöðum var gert að huga betur að sýnum málum ætli þeir sér að taka á móti fleira fólki. Lögreglan veittu stöðunum leiðbeiningar um hvað mætti betur fara.

Einn staður hafði ekki gert viðeigandi ráðstafanir til að tryggja metra reglu á tilteknu svæði en þar var ógjörningur að fylgja henni eftir. Sóttvarnir voru heldur ekki í lagi á staðnum. Ráðstafanir til úrbóta voru gerðar tafarlaust. Skýrsla verður skrifuð á brotið, að því er fram kemur í tilkynningu frá lögreglunni á höfuðborgarsvæðinu.

Á einum veitingastaðnum voru aðstæður með öllu óviðunandi. Of margir voru inni á staðnum miðað við stærð hans, það var alls ekki hægt að tryggja tveggja metra regluna og skortur á sóttvörnum var verulegur. Lögreglan þurfti að grípa til þess ráðs að loka staðnum tímabundið og rýma hann – þ.e. vísa öllum gestum út.

Eftirliti lögreglu varðandi veitingastaði er hvergi nærri lokið. Lögreglan mun fylgjast mjög vel með stöðu mála áfram. Öryggi á veitingastöðum og þar sem fólk kemur saman er lýðheilsumál.

Mynd: logreglan.is

Lesa meira
  • Ásgeir Már Björnsson 28.07.2020
    Ásgeir Már Björnsson | Hristarinn Happy Hour með The Viceman Ásgeir eða Ási eins og hann er kallaður er án efa einn af áhrifamestu barþjónum seinni tíma á Íslandi. Það muna sennilega margir eftir því þegar Slippbarinn opnaði og braut ákveðið blað í kokteila menningu hér á landi.  Vissulega höfðu kokteilar verið gerðir hér svo […]
  • Sævar Helgi Örnólfsson 15.07.2020
    Sævar Helgi Örnólfsson | Hristarinn Happy Hour með The Viceman Sævar Helgi er einn af mest áberandi barþjónum á Íslandi. Um er að ræða þrefaldan sigurvegara þema keppninnar á Reykjavik Cocktail Weekend sem er magnað afrek enn að auki hefur hann fleiri verðlaun úr öðrum keppnum í farteskinu. Hann kemur úr barþjóna smiðju Sushi Social […]

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag