Vertu memm

Frétt

COVID-19: Áformaðar breytingar á sóttvarnaráðstöfunum 20. október

Birting:

þann

Nándarmörk milli einstaklinga verða 2 metrar.

Heilbrigðisráðherra hefur ákveðið í meginatriðum þær breytingar á sóttvarnaráðstöfunum sem kveðið verður á um í reglugerð um takmarkanir á samkomum sem tekur gildi þriðjudaginn 20. október. Breytingarnar eru að mestu þær sömu og sóttvarnalæknir leggur til. Ráðherra kynnti breytingarnar og minnisblað sóttvarnalæknis á fundi ríkisstjórnar í dag. Áfram verður kveðið á um strangari takmarkanir á höfuðborgarsvæðinu en gilda á landsvísu. Utan höfuðborgarsvæðisins verður gerð sú meginbreyting að nándarmörk milli einstaklinga verða aukin úr 1 metra í 2.

Eftirfarandi eru upplýsingar um helstu breytingar sem verða á sóttvarnaráðstöfunum frá og með þriðjudeginum 20. október. Upplýsingarnar eru settar fram með fyrirvara um mögulegar breytingar á útfærslu einstakra þátta í reglugerð sem unnið er að í heilbrigðisráðuneytinu.

Takmarkanir utan höfuðborgarsvæðisins – helstu breytingar:

  • Nándarmörk milli einstaklinga verða 2 metrar.
  • Skylt verður að nota andlitsgrímur þar sem ekki er hægt að tryggja 2 metra nándarmörk, m.a. í verslunum.
  • Á viðburðum verður einungis heimilt að hafa 20 gesti í hólfi í hverju rými sem skulu sitja í númeruðum sætum sem skráð eru á nafn.
  • Engir áhorfendur mega vera á íþróttaviðburðum, hvorki innan- né utandyra.
  • Íþróttaiðkun, einnig sú sem krefst snertingar eða mikillar nálægðar, verður heimil, jafnt innan- og utandyra.
  • Líkamsræktarstöðvar verða áfram lokaðar.

Takmarkanir á höfuðborgarsvæðinu – helstu breytingar:

  • Allt íþrótta- og tómstundastarf barna á leik- og grunnskólaaldri sem krefst snertingar verður óheimilt.
  • Skólasund verður óheimilt.
  • Íþróttaiðkun sem ekki krefst snertingar verður heimil en fjöldi þátttakenda má að hámarki vera 20 einstaklingar og 2 metra nándarmörk skulu virt. Engir áhorfendur mega vera viðstaddir.
  • Æfingar og keppni í íþróttum sem krefjast snertingar verða óheimilar, innan húss og utan, jafnt hjá börnum og fullorðnum.

Óbreyttar reglur um skólastarf

Sóttvarnalæknir leggur ekki til neinar breytingar á gildandi sóttvarnaráðstöfunum í skólastarfi og verður gildistími reglugerðar þar að lútandi því framlengdur.

Mynd: úr safni

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Frétt

Nú heitir Fetaosturinn Salatostur

Birting:

þann

Salatostur - Fetaostur - Mjólkursamsalan

Nú í október breytist nafnið á Fetaostinum frá MS yfir í Salatost. Enn fremur mun Fetakubbur nú bera nafnið Salatkubbur. Nafnabreytingarnar eru tilkomnar vegna tilmæla frá Evrópusambandinu en allur ostur sem ber nafnið Fetaostur þarf nú að vera framleiddur í Grikklandi.

Sjá einnig:

Óheimilt að nefna íslenska framleiðslu: „Feta-ostur“ og „Bayonne-skinka“

Salatostur er því nýtt nafn yfir ostinn sem áður hét Fetaostur. Osturinn er áfram jafnbragðgóður og áður og er frábær í hvers kyns rétti og salöt.

Mynd: ms.is

Lesa meira

Frétt

Veitingageirinn krefst úrræða stjórnvalda

Birting:

þann

veitingahús

Í ljósi þess rekstrarvanda, sem veitingafólk stendur frammi fyrir, vegna lokana og takmarkana á starfsemi í kjölfar Covid-19, hefur undirritað veitingafólk sameinað krafta sína við að biðla til stjórnvalda um að grípa til sértækra aðgerða til bjargar veitingahúsum og krám.

Ákveðinnar mótsagnar hefur gætt í aðgerðum stjórnvalda, sem hafa beðið fólk að halda sig heimavið, en veitingastöðum ekki verið gert að hætta að taka á móti gestum. Við erum að reyna allt sem við getum til þess að halda rekstri okkar fyrirtækja gangandi og góðu ráðningarsambandi við starfsfólk, undir mjög ströngum fjöldatakmörkunum og takmörkunum á opnunartíma.

Veitingageirinn er mjög stór atvinnugrein á Íslandi og hefur veitingaflóran í landinu blómstrað sem aldrei fyrr á undangengnum árum. Íslensk matargerðarlist er orðin eftirtektarverð á heimsvísu og hefur m.a. fengið stjörnur og viðurkenningar frá hinum virta Guide Michelin. Einnig hefur aldrei jafn mikil fjölmenning einkennt veitingageirann.

Veitingastaðaflóra og matarmenning okkar verður óneitanlega fátæklegri ef ekki verður brugðist við núverandi aðstæðum. Bæði mannlíf og menningarverðmæti eru í húfi, ekki síður hvað við ætlum að bjóða ferðafólki framtíðarinnar upp á þegar það birtist á ný.

Undir þessu verður ekki staðið mikið lengur. Fyrirtæki sem unnið hafa að því hörðum höndum að byggja sig upp og auðga mannlíf landsins eru nú, við ósjálfbær rekstrarskilyrði, að berjast um athygli örfárra viðskiptavina, sem þó eru hvattir til að vera frekar heima en að koma til okkar .

Því miður virðast engin úrræði eða aðstoð vera í nánd fyrir okkar atvinnugrein svo við getum ekki lengur orða bundist, að því er fram kemur í fréttatilkynningu.

Því skal þó haldið til haga að hér er ekki verið að gagnrýna sóttvarnaraðgerðir heldur viðbrögð og úrræðaleysi stjórnvalda til handa okkar geira.

Meðal aðgerða sem veitingageirinn vill leggja til eru:

Tímabundnar aðgerðir m.a:

  • Hlutfallslokunarstyrki sem koma til móts við skerta starfsemi vegna fjölda-, tíma- og fjarlægðatakmarkana og tilheyrandi tekjutapi vegna þeirra
  • Endurskoða hlutabótaleið með tilliti til mismunandi þarfa í samstarfi við veitingafólk
  • Afnám tryggingagjalda
  • Afnám fasteignagjalda, sem skilar sér í lægri leigu
  • Endurgreiðsla áfengisgjalda að fullu eða hluta til veitingahúsa og Kráa þegar opnar á ný
  • Niðurfelling á dráttarvöxtum vegna skulda vegna opinberra gjalda
  • Tekið sérstakt tillit til fyrirtækja með stutta viðskiptasögu

Með baráttuhug:

  • American Bar
  • Apótek Restaurant
  • Bragginn
  • Bastard Brew and Food
  • BrewDog Reykjavík
  • Brothers Brewery
  • Coocoo´s Nest
  • Danska Kráin (Den Danske Kro)
  • Dill Restaurant
  • Dillon
  • Duck and Rose
  • Durum
  • Enski barinn (The English Pub)
  • Fiskfélagið
  • Fiskmarkaðurinn
  • Fjallkonan
  • Forréttabarinn
  • Frederiksen Ale House
  • Flatey Pizza
  • Flatus @Kex
  • Gaukurinn
  • Gamli Enski
  • Græni Hatturinn
  • Grillmarkaðurinn
  • Gott
  • Kaffi Krús
  • Hosiló
  • Hornið
  • Höfnin Veitingahús
  • Íslenska Barinn
  • Jómfrúin
  • Kaldi Bar
  • Kaffibarinn
  • Kaffihús Vesturbæjar
  • Kattakaffihúsið
  • Kringlukráin
  • Kol Skólavörðustíg
  • La Barceloneta
  • LeKocK
  • Lebowski Bar
  • Luna Flores
  • Makake
  • Matarkjallarinn
  • Matbar
  • Matur og Drykkur
  • Messinn
  • Meze
  • Nauthóll
  • Osushi
  • Otto Veitingahús
  • ÓX
  • Prikið
  • Primo Ristorante
  • Public House
  • Ramen Momo
  • Reykjavík Fish (Þrír veitingastaðir)
  • ROK
  • Röntgen
  • Sæta Svínið
  • Session Craft Bar
  • Skál!
  • Skúli Craftbar
  • Slippurinn
  • Sumac
  • Sushi Social
  • Tapas Barinn
  • The Drunk Rabbit
  • The Irishman pub
  • The Laundromat Café
  • Yuzu
  • Veður
  • Vínstúkan tíu sopar
  • Von Mathús & Bar
  • Vor
  • Ölstofa Kormáks og Skjaldar
  • Ölhúsið Reykjavík & Hafnarfirði

Mynd: úr safni

Lesa meira

Frétt

Sýknað fyrir sölu á heimaslátruðu lambakjöti

Birting:

þann

Lambakótilettur

Matvælastofnun óskaði eftir rannsókn lögreglu á markaðssetningu á heimaslátruðu lambakjöti á bændamarkaði á Hofsósi haustið 2018. Rannsókn lögreglunnar  leiddi til að lögreglustjórinn á Norðurlandi vestra gaf út ákæru í málinu. Ákærði hefur verið sýknaður af Héraðsdómi Norðurlands vestra vegna þess að sú háttsemi að selja eða dreifa afurðum af gripum sem ekki var slátrað í löggiltu sláturhúsi sé ekki lýst sem refsiverðri í lögunum.

Haustið 2018 birtust fréttir um markaðssetningu á heimaslátruðu lambakjöti á bændamarkaði á Hofsósi. Af skoðun stofnunarinnar var ljóst að afurðir sem ekki höfðu verið heilbrigðisskoðaðar né komið úr samþykktum sláturhúsum, hafði verið dreift á markaðnum. Í kjölfarið fór fram opinber innköllun á afurðum sem seldar voru á bændamarkaðnum. Þar sem Matvælastofnun var ekki kunnugt um hvernig staðið var að slátrun og vinnslu og hver hafði forgöngu um slátrunina, vinnsluna sem og dreifingu og markaðssetningu, þá óskaði stofnunin eftir því að lögreglan á Norðurlandi vestra tæki málið til rannsóknar og lyki málinu ef tilefni væri til.

Eftir rannsókn lögreglunnar tók lögreglustjóri Norðurlands vestra ákvörðun um að ákæra væri gefin út og hefur ákærði nú verið sýknaður af Héraðsdómi Norðurlands vestra.

Samkvæmt dómnum liggur fyrir að sláturdýrum, sem slátra á í því skyni að dreifa afurðum á markaði skuli slátra í löggiltu sláturhúsi og óumdeilt er að aðstaðan þar sem tíu lömbum var slátrað var ekki löggilt sláturhús. Í niðurstöðum dómsins segir að þau ákvæði sem ákært var fyrir taki eingöngu til slátrunar gripa en ekki til sölu og dreifingar sláturafurða. Þá segir að „sú háttsemi að selja og dreifa afurðum af gripum sem slátrað var í sláturhúsi sem ekki hafði starfsleyfi eða samkvæmt núgildandi lögum, sláturhúsi sem ekki hefur löggildingu er, hvorki í lögum 96/1997 né í lögum nr. 93/1995 um matvæli lýst refsiverð.“

Taldi dómurinn því að skort hafi skilyrði refsiábyrgðar að háttsemi ákærða sé lýst refsinæmri í lögum og hann því sýknaður.

Matvælastofnun mun taka málið upp við atvinnuvega- og nýsköpunarráðuneytið varðandi viðbrögð við niðurstöðu dómsins.

Mynd: úr safni

Lesa meira

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag