Vertu memm

Markaðurinn

Breytingar hjá Ásbirni Ólafssyni ehf.

Birting:

þann

Ásbjörn Ólafsson ehf. - Logo

Eins og við höfum upplýst út á markaðinn fyrr í sumar þá hafa tekist samningar milli okkar hjá Ásbirni Ólafssyni ehf og Danól ehf. um að Danól taki yfir frá 1. september næstkomandi annars vegar söludeild okkar í neytendavörum, þ.e. matvörur, sælgæti sem og bílhreinsivörum og svo hins vegar í stóreldhúsadeild matvara. Í þessu felst að frá 1. september mun sala á öllum okkar vörum sem heyra undir þessar söludeildir færast yfir til Danól og verða þar aðgengilegar bæði hjá sölufulltrúum og eins í vefverslun Danól.

Er það einlæg von okkar hjá Ásbirni að þeir viðskiptavinir okkar sem hafa verslað þessar vörur hjá okkur til þessa færi viðskipti sín á þeim yfir til Danól.  Lykilstarfsmenn Ásbjörns hafa verið ráðnir til Danól, og því munum við gera allt sem í okkar valdi stendur til að uppfylla þarfir og væntingar viðskiptavina okkar um gott vöruval og góða þjónustu hér eftir sem hingað til. Við hjá Ásbirni Ólafssyni höfum í gegnum tíðina fengist við ýmis verkefni, en það sem er framundan hjá okkur er að einblína á sérvöru, þ.e. búsáhöld, gjafavöru, áhöld fyrir stóreldhús, kokkafatnað og fleira og er það stefna okkar að þjónusta þá markaði enn betur í framtíðinni.

Við þökkum ykkur kærlega fyrir ánægjuleg samskipti og viðskipti með matvörur, sælgæti og bílhreinsivörur, og vonumst til að samstarfið okkar haldi áfram með áherslu á það vöruval sem við bjóðum uppá. Ef einhverjar spurningar vakna, hafið endilega samband við annaðhvort okkur hjá Ásbirni eða Danól.

Starfsfólk Ásbjörns Ólafssonar ehf.

Ef þú hefur áhuga á að auglýsa hér á veitingageirinn.is, hafðu þá samband við okkur á netfangið [email protected] og við sendum til baka allar upplýsingar. ... smellið hér til að lesa fleiri fréttir og tilkynningar frá styrktaraðilum vefsins.

Markaðurinn

Ölgerðin innkallar Hindberjagos frá Öglu og og Helgu frá Borg brugghús

Birting:

þann

Hindberjagos frá Öglu gosgerð 0,33l gler og Helgu 0,33l dós frá Borg brugghús

Ölgerðin hefur ákveðið að innkalla Hindberjagos frá Öglu gosgerð 0,33l gler og Helgu 0,33l dós frá Borg brugghús. Þetta á við um allar framleiðslulotur af þessum vörum.

Ástæða innköllunarinnar er ófullnægjandi merkingar á umbúðum þar sem drykkirnir geta hugsanlega innihaldið hnetur í snefilmagni, vegna krossmengunar við framleiðslu á hráefni sem notað er í báðar þessar vörur.

Viðskiptavinir sem eiga ofangreindar vörur er bent á að skila vörunni í þeirri verslun sem hún var keypt gegn endurgreiðslu eða skipti á samskonar vöru.

Helga hefur verið í dreifingu í verslunum ÁTVR.

Hindberjagos frá Öglu hefur verið í dreifingu í eftirfarandi verslunum: Krónunni, Hagkaup, Fjarðarkaup, Melabúðin og verslunum Samkaupa (Iceland og Nettó) og fleiri smærri verslunum.

Innköllun er hafin úr búðum.

Lesa meira

Markaðurinn

Jólagjafabæklingur Kjarnafæðis – Norðlenska er kominn út

Birting:

þann

Jólagjafabæklingur Kjarnafæðis - Norðlenska er kominn út

Í ár mun sameinað fyrirtæki Kjarnafæði – Norðlenska setja saman gómsætan jólaglaðning, með það markmið að aðstoða þig við að gleðja starfsfólk þitt eða viðskiptavini.

Hægt er að velja pakka sem við höfum sett saman eða þú getur látið sérgera pakka eftir þínum óskum.

Gjöfunum er pakkað fallega inn í sérgerða jólakassa og einnig bjóðum við fyrirtæki upp á að hanna sitt eigið útlit á kössunum.

Pantanir og frekari upplýsingar í gegnum netfangið [email protected] / [email protected] eða í síma 460 7400 / 460 8800.

 Jólagjafabæklingur

Lesa meira

Markaðurinn

Grænmetisnámskeið

Birting:

þann

Grænmeti - Grænmetisréttir

Matreiðslumenn, matartæknar, matsveinar og starfsfólk í mötuneytum

Markmið námskeiðsins er að auka færni í gerð grænmetisrétta í bland við annan mat með aukna áherslu á nýtingu hráefnis, frumleika og sköpunarkraft. Áhersla er lögð á vöruþekkingu á grænmeti, á meðhöndlun og nýtingu þess í matreiðslu á mismunandi matréttum.

Fjallað er um samsetningu réttanna og tækifæri til þess að auka fjölbreytni í matseld. Á námskeiðinu er gert ráð fyrir virkri þátttöku um umræðum um tækifæri til þess að skapa aukin verðmæti úr hráefni. Sýnikennsla og smakk.

Skráning.

HVAR OG HVENÆR

DAGSETNING KENNT FRÁ TIL STAÐSETNING
22.09.2021 mið. 15:30 19:00 IÐAN fræðslusetur, Vatnagörðum 20

Mynd: úr safni

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið