Bouchon Bakery opnar í Kúveit | Axel yfirbakari: „Partýið er rétt að byrja..“ | Myndir og vídeó

Thomas Keller og Axel Þorsteinsson

Bouchon Bakery sem er í eigu stjörnukokksins Thomas Keller opnaði nú í vikunni nýtt Bouchon bakarí í Kúveit með pomp og prakt. Í ágúst s.l. opnaði Thomas Keller Bouchon Bakarí í Dubai og var það fyrsta Bouchon bakaríið sem opnar fyrir utan Bandaríkin.

Sjá einnig: Eldsvoði: “Bakaríið slapp”, segir Axel yfirbakari

Bakarinn & konditorinn Axel Þorsteinsson er yfirbakari Bouchon Bakery í Kúveit hefur unnið hörðum höndum við opnun á bakaríunum, en hann hefur verið á staðnum að koma fólkinu inn í störfin og leggja línurnar.

Vídeó:

Sjá einnig: Axel Þorsteinsson verður yfirbakari hjá Bouchon Bakery í Kúveit

Axel segir á facebook að opna bakaríið í Kúveit væri ekkert í líkingu við opnunina á bakaríinu í Dubai þar sem opnunin í Kúveit hafi slegið öll met:

„Partýið er rétt að byrja. Ég hélt að Dubai opnunin hafi verið erfið, að fara inn í annað pre opening session sló öll met. Klárlega það erfiðasta sem ég hef gert andlega og líkamlega, en sannarlega þess virði. Reynslunni ríkari og tilbúinn í næsta slag! Ég á nóg til inni“

, sagði hinn metnaðarfulli bakari og konditor, en Axel er strax byrjaðu að huga að opnun á nýju Bouchon bakarí sem opnar í Qatar 16. október næstkomandi og svo annað bakarí aftur í Kúveit 5. nóvember, nóg að gera.

Sjá einnig: Bouchon Bakery opnar í Dubai

Fyrsta Bouchon Bakaríið sem staðsett er nú víðsvegar um Bandaríkin opnaði í Kaliforníu árið 2003. Bouchon Bakaríið býður upp á fjölbreytt úrval af brauðum og klassískum eftirréttum sem eru innblásin af minningum Thomas Keller þegar hann bjó í Frakklandi, að auki frá æsku hans í Bandaríkjunum.

Keller hefur oft gantast með það þegar hann er spurður hvers vegna að opna Bouchon Bakarí á sínum tíma, var að hann hefði þá einhvern samanstað eftir vaktina á fræga veitingastað sínum The French Laundry sem staðsett er í Yountville í Kaliforníu.

Myndir:

• Thomas Keller og Axel Þorsteinsson – Úr einkasafni
• Facebook / Bouchon Bakery