Vertu memm

Bocuse d´Or

Bocuse d´Or: Hinrik Örn Lárusson – Viðtal

Birting:

þann

Hinrik Örn Lárusson

Hinrik Örn Lárusson

Viktor Örn Andrésson mateiðslumaður keppir fyrir hönd Íslands í Bocuse d´Or og honum til aðstoðar er Hinrik Örn LárussonBocuse d´Or keppnin fer fram dagana 24. og 25. janúar 2017 samhliða Sirha sýningunni í Lyon í Frakklandi og keppir Viktor miðvikudaginn 25. janúar.

Hinrik er matreiðslunemi á öðru ári og lærir fræðin sín á Grillinu á Hótel Sögu.  Hinrik er mikill keppnismaður og á framtíðina fyrir sér, hann hreppti titilinn Matreiðslunemi ársins 2015 eftir sigur á Íslandsmóti matreiðslu- og framreiðslunema.  Sigraði grillhátíðina Kótilettan 2016 í flokki fagaðila svo fátt eitt sé nefnt.

Sjá einnig: Þessi hrepptu titilinn matreiðslu- og framreiðslunemar ársins 2015

Hvernig hafa æfingarnar gengið fram að þessu?
Æfingar ganga vel, maður er alltaf smá hægur af stað eftir sumarið á meðan maður kúplar sig inn í keppnis gírinn.  En það er allt á réttri leið og við erum á góðum stað.

Hvað ertu núna að taka margar æfingar, til að mynda á viku?
Við erum að taka 6 æfingar á viku mánudag til laugardags, eins og staðan er núna.  Það er nauðsynlegt að taka einn hvíldardag.

Hvernig stóð það til að þú varst aðstoðarmaður Viktors?
Ég var annar aðstoðar maður hjá Sigurði Helgasyni þegar hann keppti í Bocuse d’Or.  Þannig komst ég inn á kortið hjá Viktori þegar hann var að velja sér aðstoðarmenn.

Hvernig fjármagnar þú fyrir keppnina, laun, ferðakostnað osfr.?
Ég sparaði pening fyrir keppnina þar sem við erum ekki á launum og augljóslega náum ekki að vinna með æfingum.  Að mínu mati er þetta besta fjárfesting í sjálfum mér sem ég gæti gert í þessu fagi.

Fleira tengt efni hér.

Hvað er framhaldið hjá þér eftir Bocuse d´Or?
Eftir Bocuse d’Or heldur bara námið áfram og stefni ég að útskrifast vorið 2018.

Áttu einhverjar fyrirmyndir úr Íslenska og erlenda veitingabransanum?
Fyrirmyndin mín á Íslandi er að sjálfsögðu enginn annar en Viktor Örn Andrésson eða eins og ég kýs að kalla hann „Pabbi“. Á erlendu sviði myndi ég segja Rasmus kofoed, yfirkokkur á Geranium í Danmörku.

Af hverju fórstu að læra að verða matreiðslumaður?
Ég var mjög ungur þegar ég vildi vera kokkur, ég bjó á hóteli út í sveit sem hét Hótel Hekla, en þar byrjaði maður 11 ára i uppvaskinu og að hjálpa til.  Þá strax ákvað ég að þetta er það sem mig langaði að gera.

Eitthvað sem þú vilt segja við matreiðslunema sem eru að stíga sín fyrstu skref inn í veitingageirann?
Fyrir þá sem eru að stíga sín fyrstu skref í matreiðslunámið hef ég bara eitt að segja: heimskur maður lærir af mistökum sínum, gáfaður maður lærir af mistökum annarra.

Segir Hinrik að lokum í samtali við veitingageirinn.is og óskum við honum alls hins besta og góðs gengis í Bocuse d´Or.

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar >>

Bocuse d´Or

Ísland í 4. sæti í Evrópukeppni Bocuse d’Or 2020 – Ísland með besta fiskréttinn

Birting:

þann

Þráinn Freyr Vigfússon þjálfari, Gabríel Kristinn Bjarnason aðstoðarmaður, Sigurður Kristinn Laufdal Haraldsson Bocuse d´Or keppandi og Sturla Birgisson dómari.

F.v. Þráinn Freyr Vigfússon þjálfari, Gabríel Kristinn Bjarnason aðstoðarmaður, Sigurður Kristinn Laufdal Haraldsson Bocuse d´Or keppandi og Sturla Birgisson dómari.

Evrópukeppni Bocuse d´Or var haldin í Tallinn Eistlandi í gær og í dag 15. og 16. október 2020. Alls kepptu 18 lið og einungis 10 lönd sem komust áfram.

Ísland tryggði sér sæti í úrslitakeppni Bocuse d´Or og lenti í 4. sæti, en úrslitakeppnin verður haldin í Lyon í Frakklandi í júní 2021.

Það var Sigurður Kristinn Laufdal Haraldsson sem keppti fyrir hönd Íslands. Aðstoðarmaður Sigurðar var Gabríel Kristinn Bjarnason og þjálfari var Þráinn Freyr Vigfússon.

Úrslitin í Evrópukeppni Bocuse d´Or 2020:

1. sæti – Noregur – 1993 stig

2. sæti – Danmörk – 1962 stig

3. sæti – Svíþjóð – 1960 stig

4. sæti – Ísland – 1905 stig

5. sæti – Finnland – 1902 stig

6. sæti – Frakkland – 1851 stig

7. sæti – Eistland – 1843 stig

8. sæti – Sviss – 1803 stig

9. sæti – Ungverjaland – 1777 stig

10. sæti – Ítalía – 1679 stig

Besti aðstoðarmaðurinn – Anni PERÄKYLÄ

Besti fiskrétturinn – Ísland

Besti kjötrétturinn – Frakkland

Fréttin verður uppfærð

Fleiri Bocuse d´Or fréttir hér.

 

Mynd: aðsend

Lesa meira

Bocuse d´Or

Sjáðu keppnisrétti Sigurðar hér – Myndir

Birting:

þann

Bocuse d´Or 2020 - Sigurður Laufdal

Keppendur, dómarar ofl.

Í dag fór fyrri keppnisdagur í Evrópukeppni Bocuse d´Or þar sem Sigurður Kristinn Laufdal Haraldsson keppti fyrir hönd Íslands. Aðstoðarmaður Sigurðar er Gabríel Kristinn Bjarnason og þjálfari er Þráinn Freyr Vigfússon.

Sigurði gekk mjög vel í keppninni og skilaði á tíma bæði fisk-, og kjötréttinum. Alls eru 18 lið sem keppa um að komast í aðalkeppnina sem haldin verður í Lyon í Frakklandi í júní 2021.

Seinni keppnisdagur fer fram á morgun 16. október og einungis 10 lönd sem komast áfram.

Fiskrétturinn

Bocuse d´Or 2020 - Sigurður Laufdal

Steinbítur – bakaður í þarasmjöri og borinn fram í rjómalagöguðu soði úr krækling, súrmjólk og sól.

Blómkáls „gel“ tartalette, með heslihnetu vinaigrette og chanterellles: smjörsteikt, rjómalöguð og stökkar kartellur, íslenskt wasabi – gúrka og wasabi blóm.

Kjötrétturinn

Bocuse d´Or 2020 - Sigurður Laufdal

Bocuse d´Or 2020 - Sigurður Laufdal

Kornhæna: heilsteikt og gljáð, fyllt með sveppum, krydduð með blóðbergi og fennel frjókornum.
Kornhænuegg: kornhænu leggir og lifur, tómatar og garð kryddjurtir.
Kartafla au gratín: bökuð kartafla og mjólkurostur, sósa „au Vin Jaune“.

Bocuse d´Or 2020 - Sigurður Laufdal

Sturla Birgisson matreiðslumeistari dæmir fyrir hönd Íslands í Bocuse d´Or.

Bocuse d´Or 2020 - Sigurður Laufdal

Gabríel Kristinn Bjarnason

Bocuse d´Or 2020

Gabríel Kristinn Bjarnason, Sigurður Laufdal og Þráinn Freyr Vigfússon rétt fyrir keppni í dag

Bocuse d´Or 2020 - Sigurður Laufdal

Fleiri Bocuse d´Or fréttir hér.

Myndir: bocusedor.com

Lesa meira

Bocuse d´Or

Bocuse d’Or 2020: bein útsending hafin

Birting:

þann

Sigurður Kristinn Laufdal Haraldsson hóf keppni í morgun í Bocuse d’Or.  Aðstoðarmaður Sigurðar er Gabríel Kristinn Bjarnason og þjálfari er Þráinn Freyr Vigfússon.

Hér að neðan eru keppniseldhús og tímatafla hjá öllum löndunum sem keppa í dag og á morgun:

Bocuse d´Or 2020 - er Sigurður Kristinn Laufdal Haraldsson

Smellið hér til að horfa á beinu útsendinguna.

Fleiri Bocuse d´Or fréttir hér.

Lesa meira
  • Happy Hour – 50 þættir 10.10.2020
    Fyrir rúmlega ári síðan fékk ég þá hugmynd að búa til hlaðvarp þar sem eg spjallaði við fólk úr veitingabransanum. Verandi málglaður maður með ástríðu fyrir því sem ég hef gert hálfa ævina þótti mér tilvalið að ná að sameina þessa tvo hluti og varð til hlaðvarpið Happy Hour með the Viceman. Ég hafði ekki […]
  • Jónas Heiðarr 05.10.2020
    Jónas Heiðarr | Hristarinn Happy Hour með The Viceman Bang bang! Jónas Heiðarr er barþjónn sem á síðustu árum hefur komið eins og stormsveipur inn í barsenu landsins. Hann sigraði World Class Diageo bartender of the year árið 2017 og varð barþjónn ársins á Íslandi að mati Bartenders Choice Awards árið 2019. Hann er skagamaður […]

Podcast/hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið í dag