Vertu memm

Frétt

Bæjarsins Bestu fá framtíðarstað á nýju Bæjartorgi

Birting:

þann

Nýja torgið við Pósthússtræti og Tryggvagötu - Bæjartorg

Tryggvagata frá Pósthússtræti að Lækjartorgi verður endurgerð, sem og gatan Steinbryggja, sem áður var Pósthússstræti milli Tryggvagötu og Geirsgötu.

Nú standa yfir framkvæmdir við endurgerð Tryggvagötu frá Pósthússtræti að Lækjartorgi og er lokað fyrir umferð um Tryggvagötu á þessum kafla þar til verki lýkur í byrjun október. Bílaumferð er beint um Geirsgötu.

Hið nýja torg við Pósthússtræti og Tryggvagötu sem hlotið hefur nafnið Bæjartorg verður framtíðarstaður Bæjarsins Bestu.

Vídeó

Þá munu einnig hefjast framkvæmdir við Steinbryggju, en svo heitir nú sá kafli Pósthússtrætis sem er á milli Tryggvagötu og Geirsgötu. Sú gata hefur verið lokuð bílaumferð vegna framkvæmda á aðliggjandi byggingareit. Á framkvæmdatíma verður hún að mestu opin fyrir gangandi vegfarendum með einhverjum undantekningum. Inni á byggingarreitnum er einnig að hefjast vinna við frágang nýrra göngugatna sem fengið hafa heitin Kolagata og Tónagata.

Nýja torgið við Pósthússtræti og Tryggvagötu - Bæjartorg

Nýja torgið við Pósthússtræti og Tryggvagötu – Bæjartorg.
Tölvuteiknuð mynd

Bæjartorg, þar sem Bæjarins bestu hafa verið með söluskýli, verður einnig endurgert samtímis. Bæjarins bestu fá framtíðarstað á Bæjartorgi að framkvæmdum loknum.

Ferðamönnum vísað veginn

Framkvæmdirnar munu óneitanlega hafa áhrif á mannlífið í miðborginni og verða gerðar sérstakar ráðstafanir til að beina gangandi vegfarendum um öruggar gönguleiðir. Skilti verða sett upp á nokkrum stöðum til að vísa veginn og verða þau einnig á ensku vegna þess mikla fjölda ferðamanna sem er á þessum slóðum.

Safnstæði fyrir hópbifreiðar í Tryggvagötu verður óvirkt meðan á framkvæmdum stendur og upplýst um það á fundi með samtökum ferðaþjónustunnar í maí.  Vefsíða með upplýsingum um rútustoppistöðvar í miðborginni hefur verið uppfærð.  Einnig er hægt að nálgast upplýsingar á vefsíðunni busstop.

Nýja torgið við Pósthússtræti og Tryggvagötu - Bæjartorg

Séð yfir Hafnarstræti og Tryggvagötu. Búið er að endurgera Hafnarstræti en nú eru framkvæmdir að hefjast við endurgerð Tryggvagötu frá Pósthússtræti að Lækjargötu.

Kalkofnsvegur tekinn í notkun í áföngum

Samhliða þessum framkvæmdum er unnið að lokafrágangi á Kalkofnsvegi og Geirsgötu, en ekki er gert ráð fyrir frekari truflunum á umferð vegna þeirra. Kalkofnsvegur verður tekinn í notkun í áföngum og í lok vikunnar verður umferð hleypt á nýjan kafla, vestari akrein,  frá Sæbraut að Geirsgötu.  Þá verða einnig virkjuð ný umferðarljós á gatnamótum Geirsgötu og Kalkofnsvegar virkjuð í lok vikunnar. Ljósastýring verður stillt til að mæta umferðarflæði um breytt gatnamót.

Upplýsingasíða í Framkvæmdasjá

Myndir: reykjavik.is

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar hér >>

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið