Vertu memm

Uppskriftir

Austurlenskur fiskréttur

Birting:

þann

Rauðspretta

Rauðspretta hentar einstaklega vel með þessum rétti

Í réttinn þarf:

500 g fiskflök (ýsa, rauðspretta, smálúða)

2 msk. hveiti

1 tsk. rifin engiferrót eða mulinn engifer (helst ferskur)

4 msk. olía

salt og pipar að vild

Sósa:

25­0 g möndluflögur

2 msk. matarolía

125 g sveppir

1 rauð paprika

1 dós baunaspírur

2 msk. sojasósa

2 msk. edik

2 msk. hunang

pínulítið maísenamjöl til að þykkja sósuna

AÐFERÐIN

Flökunum er velt upp úr hveiti sem blandað hefur verið með engifer og salti og pipar fyrir þá sem það vilja. Fiskurinn er steiktur stutta stund á pönnunni og tekinn síðan af meðan sósan er búin til. Gott er að halda fiskinum heitum á meðan.

Möndlurnar eru brúnaðar létt í olíu og sveppum, papriku og baunaspírum síðan bætt við. Þetta er látið krauma í smástund við frekar vægan hita. Síðan er bætt við sojasósu, ediki og hunangi. Í lokin er sósan þykkt með dálitlu af maísenamjöli.

Fiskurinn er síðan settur á pönnuna þannig að hann verði heitur í gegn. Borið fram með hrísgrjónum og snöggsoðnu grænmeti.

Smári Valtýr Sæbjörnsson, matreiðslumaður

Smári Valtýr Sæbjörnsson

Höfundur er Smári Valtýr Sæbjörnsson, matreiðslumaður.

Gömul uppskrift sem birt var í Morgunblaðinu 19. ágúst 1998

Mynd: úr safni

Uppskriftirnar á veitingageirinn.is eru frá fagmönnum og áhugafólki á matargerð sem skilar fjölbreyttar og bragðgóðar uppskriftir til þín. Ef þú lumar á uppskrift sem þú vilt birta á veitingageirinn.is sendu okkur þá uppskriftina ásamt nafni á [email protected]

Uppskriftir

Plokksfisklasagna með fersku spínati

Birting:

þann

Ferskt spínat

Fyrir 4-6

Hráefni:
800 g ný ýsuflök
2 stk. laukur
4 geirar hvítlaukur
100 g smjör
1 stk. sæt kartafla
2 stk. íslenskar gulrætur
½ stk. rautt chili
1 stilkur sellerí
4 kvistar ferskt timjan
1 tsk. karrí
1 tsk. kóríander
3 msk. spelt
100 ml kókosmjólk

Salt og hvítur pipar eftir smekk.
6 stk. íslenskir tómatar
1 box ferskt spínat
8 stk. spínat-lasagnablöð
1 bolli rifinn gouda-ostur
50 g rifinn parmesan-ostur

Aðferð:
Ýsan beinhreinsuð og forsoðin í saltvatni í 2 mín. Kartaflan skorin í teninga og forsoðin í saltvatni þar til hún er orðin mjúk. Fínt saxaður laukur, hvítlaukur, chili, sellerí og gulrætur brúnað í smjöri, karrí og kóríanderdufti hrært saman við ásamt soðnu kartöfluteningunum.

Spelti stráð yfir til að þykkja. Kókosmjólk bætt út í pottinn og fiskinum hrært saman við. Kryddað með salti og pipar.

Tómatar skornir í sneiðar og raðað ásamt plokkfisknum, spínatinu og lasagnablöðunum lagskipt í eldfast form, osti stráð yfir og bakað í ofni við 180° C í 20 mín.

Steinn Óskar Sigurðsson

Steinn Óskar Sigurðsson
Mynd: Sveinbjörn Úlfarsson.

Höfundur: Steinn Óskar Sigurðsson – Birt í fréttablaðinu árið 2008.

Mynd af spínati: úr safni

Lesa meira

Uppskriftir

Kampavínskokteill – Uppskrift

Birting:

þann

Kampavínskokteill - Styrmir Bjarki Smárason

Kampavínskokteill

Blandað í frekar stórt og mikið glas og setjið klakamola í botninn eftir smekk.

1 dropi af Appelsínu bitter
15 ml af Cointreau
fyllt upp (120-150ML) af Piper-Heidsieck Sauvage sem er rósa kampavínið frá Piper-Heidisieck

Hægt er að sjá í þættinum Matur & Heimili með Sjöfn Þórðar þegar Sjöfn heimsótti Fiskmarkaðinn og fékk að kynnast leyndardómnum bak við kampavíns sumarkokteilinn í ár.

Styrmir Bjarki Smárason

Höfundur: Styrmir Bjarki Smárason yfirþjónn á Fiskmarkaðinum.

Myndir: skjáskot úr myndbandi

Lesa meira

Uppskriftir

Sangria – Spænskur sumardrykkur með jarðarberjum og bláberjum

Birting:

þann

Sangria - Spænskur sumardrykkur með jarðarberjum og bláberjum

Sangria er vinsæll sumardrykkur á Spáni sem er auðvelt að sníða að eigin smekk með ávaxtavali. Skerið ávexti, hrærið öllu nema sódavatninu saman við, kælið og njótið í góðra vina hópi!

Sangria:

Adobe Reserva – Cabernet Sauvignon, 1 flaska / 750 ml

Appelsínusafi, 300 ml

Hlynsíróp, 60 ml + meira eftir smekk

Brandý, 120 ml + meira eftir smekk

Appelsína, 1 stk

Epli, 1 stk

Jarðarber, 200 g

Bláber, 100 g

Sódavatn, 330 ml

Skerið appelsínu í þunnar sneiðar og epli og jarðarber í bita.
Blandið öllum hráefnum saman í a.m.k 1,5 ltr könnu. Smakkið til með brandý og hlynsírópi. Geymið í kæli í 2 klst.
Toppið með sódavatni og berið fram með klökum.

Mynd: Snorri Guðmundsson | Matur & Myndir

Lesa meira

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:

Mest lesið