Ásgeir Már frumlegur á nýjum kokteilbar í Kaupmannahöfn | Endurnýta stolna hristara og barbúnað – Vídeó

Ásgeir Már Björnsson

Nýr kokteilbar hefur verið opnaður í Kaupmannahöfn en hann er staðsettur við Kronprinsessegade 54 og heitir Culture Box Bar.

Culture Box Bar er í nánu samstarfi við neðanjarðar næturklúbbinn Culture Box sem er mjög vinsæll næturklúbbur í Kaupmannahöfn.

Helsta vítamínsprautan á bak við heildarhugmyndina á Culture Box Bar er enginn en annar Ásgeir Már Björnsson, en hann er þekktastur fyrir að fara frumlegar leiðir þegar kemur að kokteilgerð og barmenningu.

„Það sem ég gerði var að búa til barkonsept sem snýst um að nýta allt og finna leiðir til að nota hluti sem kannski hafa annað hlutverk dagsdaglega til að koma kokteilunum okkar á framfæri.“

, sagði Ásgeir í samtali við veitingageirinn.is aðspurður um hugmyndafræðina á bak við staðinn.

Culture Box Bar kynningarmyndband:

En Hvernig kom það eiginlega til þess að þú varst fenginn í þetta verkefni?

„Ég var bara sóttur til Íslands ef svo má segja, en stórvinur minn Henrik Hammer hafði þar smá milligöngu.“

Ásgeir hefur fengið með sér tvo hörkuduglega stráka en það eru þeir Móses Nordquist og Óli Hjörtur Ólafsson sem standa vaktina bæði á Culture Box Bar og næturklúbbnum.

Endurnýta stolna hristara og barbúnað

Sköpunargleði á endurvinnanlegum grunni er í fyrirúmi hjá Culture Box Bar:

„Öll glös gerum við sjálfir úr flöskum og dósum , við notum líka bara gamla eða stolna hristara og barbúnað og reynum að vera skapandi á öllum sviðum“

, sagði Ásgeir að lokum.

Með fylgir myndband þar sem Ásgeir lýsir heildarhugmyndinni á bak við Culture Box Bar, en allir kokteilar eru til dæmis gerðir frá grunni:

Mynd: skjáskot úr myndbandi