Vertu memm

Veitingarýni

Án efa besta villibráðarborð landsins | Úlfar Finnbjörnsson á Grand Hótel 4. – 5. okt. 2013

Birting:

þann

Villibráð

Okkur á veitingageirinn.is var boðið að taka út áðurnefnt borð og fer hér lýsing á því sem fyrir augu bar og hvað kitlaði bragðkirtlana.  Er komið var inn á Grand Hótel finnst mér ég alltaf vera kominn til útlanda og var engin breyting á því í þetta sinn. Fyrir tveimur árum var ég á villibráðarhlaðborði hótelsins en það var í fyrsta sinn sem það og Úlfar Finnbjörnsson leiddu saman hesta sína við gerð á villibráð.

Nú kom maður yfir í gamla hlutann þar sem gamla lobbýið er notað sem bar og búið að breyta sölunum tveimur sem eru þar, sem heita í dag Grand restaurant og innri salurinn heitir Setrið, og fengum við sæti inn í honum næst hlaðborðinu.

Og þvílík breyting, mér fannst eins og ég væri út í New York á veitingastað, þetta var æði og kvöldið lofaði góðu.

Á borðinu voru yfir 40 réttir af allri villibráð sem má veiða hér á landi í dag.

Af köldu réttunum þá fannst okkur, álaterrinið, urriðinn, gæsalifrarmúsin vera best meðal jafninga.

Í heitu réttunum var það hreindýrið, stokköndin og selurinn sem toppaði og í ábætinum var það ábrystir brulee og að það var boðið upp á alvöru þeyttan rjóma sem toppaði allt.

Við vorum sammála félagarnir að það væri ekki vinnandi vegur að finna eitthvað að þessu hlaðborði og öllum sem komu að því til mikils sóma og þar með talið starfsfólk Hótelsins.

Eitt sem mér þótti gaman að sjá hvað mikil fjölgun hafði orðið gestum frá fyrsta skiptinu sem er enn ein sönnunin fyrir að þetta samstarf er að bera ávöxt.

Við héldum út í myrkrið alveg í skýjunum yfir kvöldinu og er ég rita þetta núna þá fæ ég vatn í munninn við tilhugsunina.

† 1956-2015 | Sverrir er matreiðslumeistari, en hann lærði matreiðslu á Hótel Sögu og var við nám í hótelstjórnun í Álaborg. Hann hefur starfað mjög víða, m.a. á veitingastöðum í Englandi og Danmörku. Einnig á stöðum hér heima, m.a. Hótel Sögu, Óperu, Holliday Inn, Ránni og Þotunni í Keflavík, Fossnesti á Selfossi. Sverrir er beinskeyttur, opinskár og harðsoðinn penni.

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið